قالت الشاعرة السودانية “داليا ألياس ” أن اهميتها وتاثيرها تفوق على المجلس العسكري وقوى الحرية، وانهم قد اصبحوا صفر على الشمال امام اهميتها، من فرط ردود الفعل الواسعة والهجوم اللاذع ضدها بعد اتهامها للرجال بعدم القدرة الجنسية وانتشار الجنس الثالث وانتشاره في اوساط المجتمع السوداني، بحسب ما نقلت “كوش نيوز”
وكتبت “داليا” على صفحتها بموقع التواصل الإجتماعي ساخرة من الهجوم الذي لاقته قائلة: ” بالله عليكم البيعرف زول فى المجلس العسكرى ولا الحرية والتغيير يوريهم إنهم طلعوا صفر على الشمال قدام تأثيرى وأهميتى الكبيرة وخطورتى ووضعهم صعب”.
مردفة : الناس ديل مفروض يستثمروني أو يحفزونى على الأقل، خسارة الردم والردحى الحاصل بسبب عشرة ونسة ده كلو يضيع ساى يا جماعة!،
والله لو التعليق كان بس بى جنيه كان هسه إشتريت من حمدتى جبل عامر!!.
قلتو لى منتظرين فجر الخلاص والتطور والتنمية؟ بى ويييين مع ظلام النفوس المريضة والتابعية والتخلف؟!! ، ياخ والله حالة تحنن وتشفق!.
جهل مركب ورجعية وإنصرافية وعدم تقوى غريبين.
وللعلم .. .معظم النوعية دى ماحضرت الحلقة كاملة…ولا سمعت كلامى كامل وفى الغالب إكتفوا بالمقطع المبتور أو بالبوست المكتوب!، وكل الأزمات متوفرة وإتأكدت بالنسبة لى،وحيدور الزمن وتتذكروا كلامى البقولو ده كلو بعد فوات الأوان ألحقو روحكم وعيالكم.
مضيفة ان زمن الغتغتة والدسديس إنتهى .
وكانت “داليا ” قد لاقت هجوما لاذعا بسبب تحدثها عن أزمة فحولة بين السودانيين، وان النساء ظل يشتكين بالقروبات بكثرة من هذه المشكلة، وهذا من المسكوت عنه في المجتمع السوداني بحسب “كوش نيوز”.
وقالت “داليا”خلال برنامج ينشر على اليوتيوب نحن زمان رجالنا لا بعرفوا الحبوب ولا العسل الملكي، الواحد يعرس أربع وتاني يطلقهم ويدبل فيهم أربع ياجماعة نكون واضحين”.
وتحدثت “داليا” عن وجود الجنس الثالث وانتشاره في المجتمع السوداني وأصبحوا يجدون “التقييم” وهذا يعني وجود أزمة فحولة، مضيفة ” حايجو ناس يهاجموني ويقولوا لي نحن مجتمعنا السوداني انبل واجمل وانت مسحتي بمجتمعنا الواطة ودا كلام انشاء ساي”.
الخرطوم (كوش نيوز)
.
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
هذه المرأة التي لا تستحي على نفسها وزوجها وتفتخر الانتقاد السلبي على مقالها وتعتبر نفسها اشتهرت يا للجهل. شاعرة قالت بماذا تشعرين؟
اين الحياء واين الانوثة واين العادات والتقاليد السمحة.
من تفقد انوثتها وحياءها اكيد لن تجد الرجل الفحل
يخس على الاخلاق والعادات والتقاليد رحم الله الاناث اللاتي كانو يستجون من ذكر اسم زوجها الان تتحدثيني عن الفحولة والجنس
لكل من قرأ الخبر الزبالة الفوق دة
وكل من قرأ تعليقي دة ارجو منكم ان تكسبوا زمنكم ولا تردوا او تعلقوا كما فعلت انا
لكن حبيت انصحكم
داليا وامثالها من الظواهر هم من افرازات الانقاذ
ولا استبعد ان تكون للمسألة ابعاداً أمنية وكيزانية خبيثة باثارة مثل هذه المواضيع لصرف جهود الشباب ووعيهم.
ده كلوا هين يا أخوي بس إن شاء الله تكون لقت الفحل اللي هي تتكلم عنه وأنه أصبح غير موجود في السودان ؟
هذه المرأة فقدت أدنى أدنى ما توصف به المرأة السودانية من حشمة ووقار وأدب ………….. يا رب تستر
الحقيقه انا شايف انه المراه دي عارفه بتقول شنو ومتوقعه البيحصل غرضها لفت الانتباه مهما كان الاسلوب دايما عندها فرقغات اعاميه فيي مواضيع فارغه اسا في ثوره وشهداء وكنداكات لابقيتي زيهم ما لقيتي تتكلمي الا في الموضوع دا عشان تتشتهرري وتلفتي الانتباه والله الواحد كان بيكن ليها احترام لكن الزمن دا النسوان فلت عيارهم والحقيقه دا من عدم وجود ولي حازم يعني الرجال بقوا يخجلوا ودي ترفع صوتها النسوان دايما لايستطيعون التمييز عشان كدا ربنا خلي عليهم قوامه اما مقدره الرجال الجنسيه فالسودان ما اظن فيها مشكله مهما الناس اتحمقت والحمد لله نحن احسن من شعوب كثيره علي الرغم انه المحفزات ما قويه واللبيب بااشاره يفهم فرجال السودات تمام ما تشيلي هم بس العندهم مشكله هم البيتكلموا
صحيح الاختشو ماتو يمكن يا جماعه الخير نسوان كتااار عايزات يقولن الكلام ده لكننهن خجلانات المهم بت الياس فجرت القنبله دي وقبل كده قريت لواجده ضحفيه كاتبه في تحقيقها الضحفي انو في شباب في العشرينيات بقو يستخدمو الفياجرا اها عاد ده كلام شنو ؟؟؟؟؟
دا ياهو الفرق مابين الكنداكه السودانيه العظيمه
والوليه الحيرانه دي
أنا غايظني البضحك ده ,,,,,
كلامك صح يا داليا. فعلا للأسف الجهل مصيبة. ربنا يوفقك و ينجحك.
يعني التقوى عندك اثارت مثل هذه المواضيع …؟؟؟؟
يابت الحلال حواء السودان خرجت لازاحة الظلم قتلت واهينت واغتصبت والشباب قتلوا بدم بارد ولم نرى لك حرفا…!!!!
قالت انا اهم من المجلس العسكري ……….كلم نفس الفهم ونفس المواضيع.
زمن الغتغته انتهى……….فعلا دا كلام صحيح لانو في السودان الجديد لن يكون هنالك مجال لهذا السخف في ظل جيل متحضر وواعي ، سيذهب كل مدعي الثقافة والوعي وكل المتسلقين عبر الفاسدين الى مذبلة التاريخ…
نصيحة اعتكفي كم سنة اتعلمي صحافة حقيقية وتعالي امكن الناس تقبلك.
قالوا أبكر إتزوج
أصحابوا قالوا ليهو بعدين أبلع حبة فياغرا
قال ليهن ليه
قالوا لي عشان تدي اربعة وخمسة
قال ليهم أيوااااا مهدئات يعني. ديل الرجال السودانيين. خللي أزمة فحولة.
مبسوطة بكمية الشتيمة الجاتك؟ بتتحسبني علي شنو؟ واحدة تافهة وفي مواضيع أهم بكثير تشغلي بيها نفسك. أسعار الخضروات والمواد الغذائية والناس البقت ما قادرة تعيش، الملاريات وإنتشار البعوض، عدم وجود مصارف لمياه المطار والخريف الجاي علي الأبواب والناس اللي ممكن بيوتها تقع عليهم ولا ساكنين فى مجاري السيول وغيره وغيره.. فعلاً كل إناء بما فيه ينضح.
ربنا ياخذك ويريحنا من سخافاتك وتفاهاتك.