أفردت صفحات موقع التواصل الاجتماعي فيسبوك بالسودان مساحات واسعة لملكة جمال النوبة نتاليا يعقوب والتي رشحها رواد وإعلاميون وناشطون لشغل منصب وزيرة الثقافة والإعلام في الحكومة الجديدة وفقاً للخبر الذي نشره موقع النيلين في وقت سابق من اليوم الخميس.
وبحسب رصد ومتابعة محررة موقع النيلين فقد تصدرت صور ومقاطع فيديو لنتاليا الحائزة على لقب ملكة جمال النوبة لموسمين على التوالي قائمة أهم الأحداث على موقع التواصل الاجتماعي فيسبوك.
محررة موقع النيلين رصدت استضافة سابق لنتاليا أجرتها معها المذيعة شهد المهندس عبر برنامج (صباحات سودانية) الذي يعرض على شاشة سودانية 24, حيث وضح إعجاب شهد المهندس بضيفتها المتألقة.
وتحدثت ملكة جمال النوبة خلال الاستضافة بلباغة كبيرة تدل على ثقافتها العالية, كما أشاد الكثيرون بفهما العالي والذي ظهر في تحدثها باللغتين العربية والانجليزية وبطلاقة.
رندا الخفجي _ الخرطوم
النيلين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
جميلة فى كل شئ والله تستحق تكون وزيرة عشان الثقة وعشان سودانية
روعة والله ربنا يحفظك ويحفظ كل شعب السودان الرائع. لكن سؤالي ليك با بنتي الانجليزي الجضمتيهو دا اتعلمتي وين؟.
ما قال ليك خريجت الاحفاد..
ركز معانا شوية عليك الله
تحدثت بلباغة؟ ياخ والله يا خفجي فجختي العربي فجيخ
شوفو البت دي بتتكلم كيف . ما شاء الله وكمان انجليزي زي اللبلب وبرضو سمحة ودمها خفيف . تستحق الوزارة بجدارة .
على كدا الواحد بفى عندو أمل كبير جدا جدا جدا في أنه يبقى الوزير بتاع اللعب في الحكومة الإنتقالية بتاعت حمدوك
بالمناسبة
أين تلفون كوكو ؟
خارج الشبكة
الكلام ليك يا المنطط عينيك …….
والله الذي لا إله غيره نحن شعب مميز جميل وجمالنا في تنوعنا. مااروعك ياوطن بجنوبك وبشمالك وغربك وشرقك ووسطك. يارب اصلح حال بلدي واهل بلدي وادم بيننا المحبه
الي الامام يابنية تستاهلي الوزارة ونص….