الدخول | النسخة الكاملة
الرئيسيةالأخبارالمقالاتالفيديوزواجوظائفالطب البديلالعقاراتالمنتديات إتصل بنا


أبرز العناوين, منوعات

بالصورة: تواضع وزير التربية والتعليم السوداني يلهب مشاعر رواد مواقع التواصل





شارك الموضوع :

ألهب وزير التربية والتعليم البروفيسور محمد الامين التوم، مشاعر رواد مواقع التواصل الإجتماعي، بعد تبادل صورة له وهو يحني قامته الفارعة ليصافح تلاميذ يُفع في كراسيهم، خلال إستقباله لهم يوم الخميس بمكتبه بالوزارة ، بحسب مانقلت “كوش نيوز”.

وحكى أحد الطلاب عن الزيارة قائلاً: اول امس مشيت نقابل وزير التربية و التعليم الاتحادي البروف محمد الامين التوم عشان بس طلبنا منو يقابل الطلاب الحيمثلوا السودان في المسابقة الأفريقية للاسبيلنق في يوغندا.

لمن مشيت عشان اكلم مدير المكتب انو نحن مسافرين يوغندا و معانا طلاب و عايزين الوزير يقابلهم مشيت وانا عندي تجارب سابقة مع ناس الوزاره ديل و الولائية كمان ما الاتحادية و تجارب مؤلمة جدا كنا بنمشي عشان نقدم خدمة مجانية للمجتمع بقولوا لينا الوزير ما فاضي قابلوا مدير المرحله قابلوا منو ما بعرف داك و بعاملونا كشحادين جايين نلخبط ليهم برنامجهم و متطفلين و جهله و الواحد يعاين ليك بي قرف من فوق لي تحت زي الجيتو في بيت ابوهو و غالبا ما بنرجع بخفي حنين و ما بننجز اي شي معاهم.

اخر تجربة السنه الفاتت في المسابقة الافريقية دي ذاتها لمن قلنا ليهم عايزين خطاب موافقة منهم عشان الطلاب يسافروا و دا كان شرط الافارقة بعد لت و عجن كتيير الزول المسؤول مننا في المحلية قال لينا ح اجيب الخطاب لكن تسفروني معاكم و فعلا سافر معانا مجانا و اضطرينا ندفع اكتر من 1000 دولار لسفره بس عشان نشيل الخطاب.

اليوم مشيت طوالي إلى مكتب الوزير بسهوله قابلت المدير و معاي ملف كامل عن المسابقه و بسهوله أجرينا مواعيد و بسهوله قابلنا الوزير.

وسلم علي العيال في كراسيهم و يعتذر ليهم واحد واحد علي التاخير، قائلا: انا سعيد بكم و مبسوط منكم و انتم فخر السودان فزتو ولا ما فزتو و انا متاكد انكم اذا واصلتوا الاجتهاد حتنجحوا وسنسمع بي واحد فيكم ماخد جائزة نوبل بس انتم خلو احلامكم كبيرة

و يختم قائلا: بوجودكم الليلة دا احلي يوم مر علي من ما جيئت الوزارة دي لانو الليلة انا عرفت انو بي شوية مجهود اكيد نحن ح نقدر نعمل جيل ناجح يمثل السودان في المحافل الدولية.

ويتلفت علينا و يقول المسابقة دي من اليوم تحت رعاية الوزارة، الرعاية التي ساكنها منذ 7 سنوات تحققت لنا في اقل من ساعة.”على حد قوله”
الخرطوم (كوش نيوز)

شارك الموضوع :


  4 |

كتابة تعليق

ودالحاج | تم إضافته في أكتوبر 11th, 2019

ممنوع التعليق

محمد حسين | تم إضافته في أكتوبر 11th, 2019

ياسلام الوزير انحنى للطالب.. يا سلام حمدوك قال ايها الشعب الكريم.. يا سلام مشيت اقابل الوزير خلوني ادخل.. يا سلام الوزير قعد مع العطالة عند ست الشاي.. يا سلام على المدنية.. اظن تكسير التلج ده سيكون هو المنجزات التي سنجنيها من دماء الشهداء و دموع الامهات

جميل بثينة | تم إضافته في أكتوبر 11th, 2019

انتم الطلاب امل هذه البلاد واقل شئ يقدم لكم هو تحفيزكم معنويا
وقد فعل ذلك السيد الوزير وهو سيد العارفين من هم الطلاب بالتوفيق
لكم وبالتوفيق للسيد الوزير فى المهمة الشاقة والصعبة بس هناك ثقة
فى هذا الوزير وهذه الحكومة لانها من الشعب والى الشعب

فاطمة | تم إضافته في أكتوبر 12th, 2019

الخرطوم /18مارس 2014
تلبية لدعوة من البرنامج العالمي للعلوم بجامعة أبسالا، شارك البروفسور محمد الأمين أحمد التوم بحضور فعالية توزيع جائزة نوبل في العاصمة السويدية ستوكهولم للعام 2013، وقد تم توزيع الجوائز في مجالات الفيزياء والكيمياء والاقتصاد والآداب. وقام ملك السويد بتقديم الجوائز لمستحقيها كما هو متبع.

هذا وقد اختير أوائل هذا الشهر بروفسور محمد الأمين التوم المختص في علم الرياضيات ومعه عالم سويدي آخر في علم الرياضيات وكلت لهما مهمة إنشاء المعهد الافريقي للرياضيات والذي تقرر أن يكون مقره دار السلام عاصمة جمهورية تنزانيا.