أبرز العناوينسياسية

“الراجحي” يغادر مشروعه الوقفي الناجح بمنطقة الغابة شمالي السودان، بعد خلافات مع الأهالي


أفادت مصادر لـ (كوش نيوز) يوم الأربعاء، عن اعتزام شركة الراجحي الدولية للاستثمار جدياً، إيقاف مشروعها الزراعي الناجح، بمحلية الدبة قبالة منطقة الغابة بالولاية الشمالية، ونقله إلى ولاية نهر النيل بعد خلافات مع أهل المنطقة.

وقال أحد سكان المنطقة إن مشكلة نشبت بين الراجحي و الأهالي أدت للإساءة للراجحي، أعلن بعدها الرحيل، والمحاولات جارية من الحكماء لحل الإشكال.

وكان المدير الإقليمي لمجموعة الراجحي فائز الشيخ، قد أعلن في نوفمبر الماضي عن توقف مشاريع الراجحي بمنطقة الغابة بالولاية الشمالية ثلاثة أشهر لأسباب تتعلق بإشكالات مع المجتمع المحلي.

و تظاهر المئات من سكان منطقة الغابة الشهر الماضي احتجاجاً على المشاريع الزراعية للمستثمرين الأجانب وطالبوا بإعادة النظر في المشروعات وإدخال سكان المنطقة في فوائدها الاقتصادية.

ولفت الشيخ إلى “أن الأهالي في الشمالية طلبوا المساكن والخدمات ونفذنا ذلك، لكنهم تقدموا بطلبات اضافية واعترضوا على مشروع مضرب النيل ”

وقال الشيخ في ورشة إعلامية بمدينة بربر « تلقينا تهديد بحرق المشروع وآلياتنا و هناك 120جهاز محوري سنتين بقيت هناك دون اي تقدم والشركة تنتظر التنفيذ ».

وأوضح أن مجموعة الراجحي لم تخسر في السودان ونزرع مختلف المحاصيل . وأضاف «نحن لا نصدر منتجاتنا وكلها تستهلك محلياً لأنها غير فائضة عن الحاجة ».

و شددت شكوى الأهالي على ضرورة إلزام المستثمر بتشغيل أبناء المنطقة، وتسكينهم كعمال وموظفين دائمين بالمشروع، دون تحايل على قوانين العمل باستغلالهم كعمالة مؤقتة، وتمسكت بضرورة إلغاء العقد الذي وصفته بالمجحف، واستبداله بعقد بديل يراعي مصلحة أهل البلد خاصة والوطن عامة، ونوهت إلى أهمية الحفاظ على الموارد والتدرج في منح الأرض وفقاً للقانون.

كما طالبوا بإيقاف مسار الترعة الحالي داخل حرم البلد، وإلزام المستثمر بزراعة المحاصيل التي يحتاجها الوطن وفي مقدمتها القمح، ومنع المستثمر من استغلال الأرض في زراعة الأعلاف التي تصدر لمواشي المملكة السعودية والإمارات، والتي من شأنها إنهاك التربة وإفقادها خواصها ومواردها المائية، بجانب إلزام المستثمر بمسؤوليته الاجتماعية في رفد المنطقة بخدمات تتناسب وحجم الاستثمار الممنوح له.
الخرطوم (كوش نيوز)


‫24 تعليقات

  1. مرمي الله ما بيترفع
    شكرا يا شيخ و جعل الله ما قدمت في ميزان حسناتك
    شيل قروشك و استثمر في دولة لا يتحكم فيها الحقد و الفوضى
    مع السلامة

  2. مفهوم الاستثمار هو لتنميه المنطقة من مدارس ومستشفيات ودور عباده وتلك مسؤليه الدولة اولا وعلي المستثمر خلق فرص عمل الي الأهالي
    اما إذا كان المستثمر يجلب عمالة من خارج المنطقه ودا طبعا شي مرفوض فالزراعه لا تحتاج إلي تدريب مادام كل اهل المنطقة يمتهنون الزراعه أما ادخال التكنولوجيا الزراعيه فتلك مسؤليه الدولة في المقام الأول مطلب الأهالي بسيط ويمكن أن يتحقق أما جشع المستثمرين
    واكيد طبعا السيد الراجحي استفاد من لصوص الحركة الاسلاميه بتقديم الرشاوي لهم وتم
    تحديد تلك وتسهيل الإجراءات دون الاتفاق مع اهالي المنطقه وذلك شي مرفوض
    ذهب الراجحي او لم يذهب فاهالي المنطقة علي
    حق ما ما دام هذا مطلبهم

    1. يا أخي ستين داهية تحرق اهالي المنطقة
      اراضى ليها مئات السنين قاعدة بور وما في زول من الاهالي وصلها ولا بيعرفها
      هسع خلاص لما تزرعت ..جوا الاهالي
      يقولوا عندنا مطالب ..حريقه فيهم كلهم وفي مطالبهم .
      الراجحي والله العظيم انظف منك ومن اهالي المنطقة كلهم .وراجل خايف الله وتقي وورع ..ولو الشغل فيه اي شبهة رشاوي والله ما بيشتغله وما بيخسر فيه قرش .الراجحي عمل المشروع لانه بيحب اهل السودان ..والراجحي ما محتاج للمشروع .اهالي السودان هم اللي محتاجين للمشروع ، الراجحي عنده قروش تشتري المنطقة باهاليها ..يا.راجل.يا……..
      والزول المسوؤل من مشروع الراجحي ده والله العظيم (جزمته بأهالي المنطقه كلها ) ..
      زول ..لا يعرف المحسوبية ولا يعرف الرشوة وليس بحرامي ..ويبدوا انك انت اللي حرامي …لان.دائما..الانسان..بيصف الناس بالعيوب اللي فيه ..
      ويبدو عايك الجهل ….لانك…لو.عندك.شوية اطلاع ..لادركت ان ..مشروع الرجحي هذا من انجح المشاريع في السودان بعد مشروع الجزيرة لما كان شغال….اما ان هو انجح مشروع زراعي …في السودان..وفي شمال افريقيا …يا..جاهل

  3. لا حول ولا قوة الا بالله مشروع خيرى يقدمه الشيخ لمنفعة البلد واهله وتطرده جزاك الله خيرا شيخ الراجهى على ماقدمت وتقدم

  4. الزراعة مخاطرها كبيرة وقليل من الشركات بتستثمر في الزراعة وشركة الراجي هي اسست وزرعت اراضي شرق الغابة والدبة كانت كلها خلا
    الحكومة ما قدمت شيء للراجحي غير اجرت الاراضي و95% من عمال وموظفين الشركة سودانيين
    الولاية وأهالي كلهم ما عندهم قدرة يستثمرو ولا تنتجو ربع شركة الراجحي
    وبعدين ما في طريقة للهمبتة ولا الاهالي بيقدرو يشترو اصول الشركة وحتى الحكومة لو اشترت المشروع حيكون فاشل زي بقية المشاريع

  5. يا شيخ والله ما قصرت.
    لكن نحن شعب لا يستاهل المساعدة.نحن شعب حقود. وجحود
    ارحل يا شيخ إلي إثيوبيا لها شعب جميل غير حاسد ولا حقود.
    نحن شعب كسول. تولع في الغيره فقط حين نري الآخر ناحج.
    ارحل يا شيخ لك منا كل الود.

    1. مافي أحسد ولا أحقد منك ياود بندة لأنك ربيب وسليل الكيزان الباعو الوطن لكل غريب ، ولعلمك القاصر كتير من الشركات جابوها اسيادك الكيزان عشان يستفيدو هم ويستفيد المستثمر دون مايراعو لفايدة المواطن وبعض الشركات بيدفع ليها رواتب وتكون معطلة من الانتاج والتنمية عشان نظل نستورد ونكون تابع لمصر وتستورد منهم حتى طماطم الملاح المروي بالبول والنجاسة ، وده كلو جاي تدافع عن الكيزان سلالة الشيطان والماسونية

      1. اولا انت لست بأصيل ….عشان كده الاسم بتاع (زول اصيل ) ده غيره .
        اولا رغم انفك وانف..كل الجهلة اللي زيك …مشروع الراجحي ..من انجح ..المشاريع الزراعية في افريقيا ….وهذا المشروع …منذ.الاستقلال لم يأت ..مشروع…ناجح مثله .
        وهو من انجاز الكيزان..يا..جاهل….
        الراجحي رجل تقي جدا جدا وانا اعرفه شخصيا..انه لا يقبل ان يدفع رشوة ولا عمولة لاي كان ..حتي.ولو يترك .المشروع ..
        والكيزان..ما.استفادوا منه ، والكيزان.لعلمك..اول..ناس..حاربوه خليك..عارف الكلام ده يا طيره..لانه رفض يدفع ليهم …
        اما فايدة الوطن اللي تتكلم بأسمه ..ده…انا لو في طريق اتبرأ منه واكون ما سوداني ..والله ..كنت اتبرأ..منه لانه انجب ..امثالك..من.الرعاع. .الجهلة.
        بعدين يا قاصر الفهم ويا فاقد البصيرة وين الشركات ..اللي جابوها الكيزان .عشان يستفيدوا منها هم ويستفيد المستثمر ..وريني شركة واااحدة !!!!! وبعدين يا حمار المستثمر لو ما حا يستفيد ..يجي يستثمر لييه ؟
        عشان تعرف غباءك ..وانت.من النوع..اللي زي الببغاء ..تردد في كلام الناس من غير فهم ….
        ركز في النقاش واتكلم باسلوب منطقي وحقيقي …واذكر الحقائق وما تخلي المثل اللي بيقول( البغل المباري الخيل)
        ينطبق . عليك وتقعد ..تنطط زي العنبلوق وانت ما فاهم ..حاجة.
        انت وقت ما عايز تستورد طماطم الملاح المروي بموية المجاري …ما تزرع يا أخي وتنتج …
        والطماطم دي بيستوردوها تجار معفنين زيك كده .

  6. هل المستثمر الاجنبي مسئول عن بناء المدارس و الشفخانات للأهالي؟ أم الإهتمام بمشروعه و تشغيل الاهالي و هم بدورهم يبنون ما يريدون من مدارس و خلافه.

  7. الشعب السوداني شعب حسود وحاقد وعمره ماحيتقدم خليكم نايمين في بعرتكم ياجعانين

  8. هناك حقد كبير على أي مستثمر أجنبي يأتي للسودان.. وهذه ثقافة يسارية منتشرة.
    لو لم نغير نظرتنا للاستثمار الأجنبي وأهميته فسوف لن نتقدم خطوة واحدة للأما وسننتقل من فقر إلى فقر ومن جهل الى جهل ومن مرض الى مرض!!!

    1. كلامك صح والله العظيم …هم اهالي المنطقة …فالحين في شنو واللا بيعرفوا شنو ..غيرا ..شراب العرقي ( البسوهو من البلح ) .يل ناس سكرانين ..حيرانين…..

  9. اخلاق السودانيين كل يوم في تدهور مريع، لا ينتجون ولا يتركوا من ينتج وجاء لرفعتهم من فقرهم وقد فعل الشيخ الراجحي جزاه الله خيراً وانتفع بمشروعه أهل المنطقة والسودان، لكن الحقد والحسد والجهل أكبر مصيبة حلت علينا في السودان. ولا يخفى أيضا الغرض السياسي الخبيث من كارهي الدين والنجاح.

  10. السودانيين ما ينفع فيهم خير… غادر باموالك ومعداتك، اشتري دهب بس وخش بورصة مالك ومال مرميين الله.. مرمي الله ما بارفع

  11. اعوذ بالله …. شعب عجيييييب
    شكرا راجحى …. كان النجاح الوحيد وحيكون الاخير فى دولة شعبها نايم فى الضللة واعداء للنجاح

  12. مشروع الراجحى انجح مشروع حسب علمى ..
    للاسف الشديد سنفقده ونفقد معه كثير من المستثمرين والاستثمارات ….
    سبق وفقدنا توسع شركة المراعى …
    وفقدنا جمعة الجمعة…
    وفقدنا الاستثمار الماليزي اامميز …
    *فترنا من شماعة الكيزان الانكسرت دى*

    قالن زماااان .. الما عندها تيلة بتسوي الحد ليها حيلة

  13. اذا ما اتعرفت التفاصيل.. مافى أحكام مسبقة
    وحكاية مشروع دى.. ده فيلم كيزانى ماسخ انتهى وكت عرضو.. مافى خيرى ولاخير لما الموضوع يكون استثمار والإنتاج بالكامل بيبلعو السوق المحلى..

    1. اولا الرد عليك ..غلطة …..
      لكن فلتعلم ان الراجحي رجل بر …ليس له علاقة بالكيزان ..يا.جاهل..وهو يستحق اكتر من ذلك ..لانه ..اتي..واستثمر في بلد اهلها …كالقطط تأكل ولا تحمد ..واهلها..اعفن.من خلق الله (منطقة الدبة والغابة ) …
      اراض ….لو قالوا لهم امشوا فيها لتححدوها لما استطاعوا ان يحدوها ..
      مئات السنين وهي بور …
      عليك الله في نجاسة ووضاعة ووساخة اكثر من ذلك …..
      كان الاجدر بهم ان يناموا في بيوتهم والراجحى يصرف عليهم يأكلهم ويشربهم ويكسيهم ..ويجيب ليهم…………..عشان………….ولما الواحدة فيهم مرتوا تلد يعمل ليهو السماية …….
      لكن الحق مش عليهم هم …الحق..عليه.هو..خلي البلاد اللي بتحترمه ..واستثمر هما في بلاد الرمم

  14. طريقة سرعة انتشار الخبر شيء مخجل لان هنالك فساد بمليارات دفعت اين ذهبت … لايوجد من يرفض الاستثمار لكن نرفض الاستحمار ونريد مراجعة العقود منح اهل الوطن اراضي …. واذا اراد الرحيل ان شاء الله يرحل بكون نعمه رحيله نعمه انا اتمنى ان يكون القرار سليم صعاليك ومجرمين يتحدثون عن الاستثمار كم عمر الوزارة وماذا جنى الناس ربنا لو ما عجل برحيل هذا النظام السودان كان تم بيعه واليوم مبيوع الا يراجع

    1. الاخ عابد ..اسم..جميل..ولكن..يبدو.انك..عابد..لغير الله .
      العابد التقي ..يقول الحق ولو علي نفسه .ولكننا يبدو علينا اننا صرنا ..في زمن ..كل من هب ودب ..يتكلم ..ليقول للناس انا هنا .!!! عجبا ….خل عندما كتبت تعليقك هذا ..كنت واعيا..لما..تقول…؟
      المخجل ..انك..تتكلم.عن.مليارات..دفعت وتسأل اين ذهبت ؟
      هل انت من دفعها ، لتسأل عنها ؟
      الراجل ..جاء.بالباب العديل …(الراجحي ) واستثمر ولم يستحمر احد ولكن يبدو عليك انك انت الحمار كباقي اهل المنطقة الذين لا يجيدون شئ غير شراب…….بالطبع ليس كلهم فهناك منهم من يعرف الله حقا ومنهم من هو ورع …وتقي ..ولكن….
      المشروع قام بعد ان استوفي كل الاجراءات قانونا ..
      اذا كنت تتكلم عن الصعلكة …فهي صفتك ..لان الصعلوك لا يعرفه الا صعلوكا مثله …اما الاجرام ..انتم من تمارسونه …تريدون الراجحي ان يصرف عليكم وعلي اهاليكم ومنطقتكم يعني
      اتقبلون علي انفسكم ان تصبحوا مثل الشحاتين ؟ هذه شحته ..يا عالم ما عندها كرامة ….
      اما عن وزارة الاستثمار …وماذا عملت ..
      امامك مشروع الراجحي ….خير مثال يا تور !!!!!!
      واريد ان اسألك ..سؤالا ..بسيطا ….
      ما هو الضرر الذي الحقه مشروع الراجحي بالمنطقة او أهالي المنطقة ؟
      جاوب ..بعقل ..
      وقبل ان تجاوب ..أمشي اعمل زيارة للمشروع .علي الطبيعة ..لتستطيع ان تجاوب بذمة …

  15. سؤال يحتاج إلى إجابة وبشفافية… أين كنتم عندما كانت الأرض التي إستصلحها الراجحي وهي بور لآلاف السنين…. لماذا أصلآ تكون هناك أرض صالحة للزراعة تقف بور سنينا عددا ليأتي الراجحي أو غيره ليصتصلحها…. فالعيب أولآ فينا نحن…. نقبل أن تقف بورآ ولا نتحرك ولا نسعي لإستزراعها… وعندما يأتي من يعمرها ويبدأ في إستزراعها نبدأ في الصدام والصد والعنت… الله المستعان

  16. أراضي صحراء كانت وقاعدة ساكت سنين وقرون ومارجعتوها ياوهم جاء زول دفع ملايين الدولارات وخدم المنطقة حقدتم عليه. والله دا شعب حاقد وكسلان وغير منتج