النيلين
أبرز العناوين اقتصاد وأعمال

وزير الري: سد مروى يوفر ٥٠% من كهرباء السودان

قال وزير الري والموارد المائية المهندس ياسر عباس محمد إن سد مروي يوفر ٥٠% من كهرباء السودان، مستبعدا حدوث أي إشكالية ناتجة من السد. واستدرك قائلا “هناك مشاكل في بعض المشاريع المصاحبة للسد التي بها أخطاء (لم يفصح عنها)”.
وكشف ياسر عن شروع الوزارة في الإعداد لمشروع قانون الري والصرف، فيما أشار لوجود مشاكل في الري بمشروع الجزيرة تسبب فيها المنتجون بعدم الالتزام بالمحددات الفنية لقنوات الري، كاشفا عن زراعة ٨ آلاف فدان من المحاصيل المختلفة و٤٥٠ ألف فدان قمح بالمشروع هذا العام.

وذكر في منبر وكالة السودان للأنباء اليوم حول الاحتفال بيوم النيل الذي يستضيفه السودان هذا العام بالتعاون مع مبادرة حوض النيل أن ولاية النيل الأزرق بها مليونان ونصف المليون فدان منها ٩٠٠ ألف فدان خارج الإنتاج. وأرجع ضعف هذه المشروعات لضعف الإمكانيات والإدارة بها، مشيرا لرفع تصور لوزارة المالية بتكلفة تقدر بأقل من ١٥٠ مليون دولار لتأهيل المشاريع الزراعية المتوقفة. وتساءل الوزير عن كيفية استدامة هذه المشروعات في المستقبل بعد التشغيل والصيانة.
الخرطوم فى 18-2-2020(سونا)

تعليقات فيسبوك
شارك الموضوع :

7 تعليقات

الواضح 2020/02/19 at 5:00 ص

دا مش زاتو السد القالوا عليه زمان افشل مشروع . وفيهو عيوب وسينهار . وبعد ذلك مدفونة فيهو نفايات نووية ؟؟ هسه هو الطلع شايل البلد . حقو يا قحاتة تستغفروا ربكم وتعتذروا للشعب السوداني عن ما روجتم من اكاذيب

رد
الواضح 2020/02/19 at 8:03 ص

أيها الناشط زمان ما قلت سد مروى كذبه وضياع أموال ساكت, الرجال العملوهو زمان لما إنت وأمثالك كنتوا بتحفروا ليهم وقلتوا فيهم مالم يقله مالك فى الخمر وفى الآخر طردتوهم من إدارة السدود بدون أدنى سبب أو فهم السؤال هو موقفك منهم شنوووو وإنت تتحدث عن إنجازاتهم بدون ما تنتبه يا عبيط؟ إنت ما حر يا زول؟؟؟عيب عليك وكلك عيب والله

رد
الأستاذ 2020/02/19 at 8:38 ص

السودان سيفقد ثلث حصته من المياه لصالح مصر بسبب سد النهضه!!! لا تمتلك حكومة الناشطين الذين إختطفوا ثورة الشعب وفوضوا أنفسهم أن يقرروا نيابة عن السودان فى قضايا مصيريه كبرى زي دى..البرلمان الإنتقالى الغلبكم تعملوهو دا برضو ما يحق له البت فى القضايا الكبرى..هذا معروف عالميا فيما يتعلق بالفترات الإنتقاليه..ومالم تلاحظوه هو إحجام الدول ذات المؤسسيه من التعامل معكم وحتى التى تتعامل (إسرائيل وأمريكا) إما بحذر أو تطفل لأجل مصالحها التى لا يمكن تمريرها فى ظل نظام حكم منتخب..كتروا من جرائمكم يا ناشطين…كتروا من مخالفاتكم يا عسكر..كتروا من مصائبكم يا قحاته!!!الإنتخابات جاياكم وحا تقعدكم فى علبكم وتتم محاسبتكم بكل قسوه يا خائنين للثوره والوطن…..

رد
الأستاذ 2020/02/19 at 8:41 ص

تصحيح لما ورد فى التعليق أعلاه:
إلا فى ظل نظام حكم منتخب

رد
حسين عبد الله 2020/02/19 at 11:44 ص

يا زول ديل ما بيخجلوا.. معتمدين على الكذب الصريح دون ان يرف لهم جفن.. سد مروي ده من شدة ما (ردموه) قربنا نقتنع انو ما منو فايدة
باقي يرسلوا واحد من وزراءهم يفتتحه كاحد منجزاتهم تماما مثل مسلخ الكدرو.!!!

رد
ممكون و صابر 2020/02/19 at 12:14 م

عجيييبة
ما قلتو السد دا ما نافع

رد
sudani 2020/02/20 at 11:31 ص

غايتو كميه الكذب الموجود في السودان دا خرافي اسا ما قلتوا السد دا فيهو عيوب ما ليها اول ولا اخر طلع هو الشايل البلد ياخي ما تكذبوا زي النساوين ارجلوا شويه انا ما عارف راجل بشنباته كبييره ويكذب زي الحريم ياخي الراجل بكلمته كيف بلد تتطور وفيها الكذب والتعويق دا مفروض تقولوا دا مشروع ناجح نعمل زيو لكن من كميه الكذب الشعب داير في حلقه مفرغه والله السودانيين بكل اسف تغيروا للاسواء بكثير وخلي عندكم وطنيه وغيره علي بلدكم البقي غير الشحده ما عنده شيء وانتو غير الكذب والكيد لبعض مافي شيء

رد

اترك تعليقا