انباء عن عودة صلاح قوش الى الخرطوم وقرار مرتقب باعادة فرع مكافحة الارهاب بهيئة العمليات

قوش لو رجع حيصالح بين الناس والقوى السياسية وحيفتح الحوار السياسي لأنو ده برنامجو من 15 سنة ومقبوليتو واسعة بغض النظر عن الانتماءات، في الحالة دي حبابو، قوش وغندور وإيلا ما بيشبهوا الكيزان أبدا وممكن يخففوا الاحتقان الحاصل بس إيلا يخلي العنصرية ضد بعض أهله.
يا جماعة السودان عايز صدمات زي دي وتوافق وتصالح أو مافي زول حيلم فيهو وحتمشوا معسكرات اللجوء والنزوح، خلاص عرفنا نتيجة المراهقة والكراهية بعد ده عايزين ناس عاقلين ومن كان بغير خطيئة فليرمها بحجر.

أولا والله ليس لدي صلة بأي تنظيم سوداني لأنهم بصراحة كده كلهم شربات فسيخ تمر هندي. ولكني أرحب أيما ترحيب بالفريق صلاح قوش احسن ليكم تجيبوها وتستفيدوا منو هو الذي يعرف خبايا ناس البشير واحد واحد ثانيا ما تنجروا وراء كلاء الغوغاء غذب الناس وما غذب الناس والله صدوقني سوف تكتشفو كل ما يقال عن التعذيب كذب في كذب وستكون حالات فردية محدودة ولكن ما في شيء ممنهج سياسة تعذيب مجازة وقام بنتفيذها صلاح قوش. وعشان ما يتصدى لي واحد من الجماعة إياهم (ويقول دولة عميقة أو كوز) اولا أنا عايش خارج السودان من أكثر من 30 سنة وكلما أجي إجازة بنزل عند نسابتي وأتقاسم معاهم الحلوة والمرة. المهم نرجع للموضوع. ناس البشير سرقوا البلد ونهبوها ودمروها وأشاعوا فيها الفساد والافساد ولكن حتى هذه اللحظة ما قادرين نقدم واحد منهم لأي محاكمة علنية لأن كل واحد من الناس الحاليين خايف يصلوا رأس السوط ويبدو أن الكل ملوث بالفساد والا ما هو العائق أمام تقديمهم للمحاكمات. وعندكم في الشريف بدر خير مثال مع موضوعه مش معقد ما أكثر من ثلاثة أسئلة ولكن فشل النائب العام في تقديمه للقضاء وتجي تقول لي صلاح قوش عذب الناس ده كلام سمع وإشاعات والشعب السوداني الآن إذا في وصف واحد يمكن تطلقه عليه دون اسثناء هو الشعب القوال يعني بتاع قولات.