أبرز العناوينرأي ومقالات

هنادي الصديق: أكرم، الفشل يمشي على قدمين


حقيقي انا ندمانة على أي حرف دعمت فيه دكتور أكرم، ولأول مرة شفت بعيني حقيقة انه الناس بتموت وهي بتزازي من مستشفى لمستشفى، بتستجدى الاطباء عشان يقبلوا يدخلوها،. مستشفى الساحة وفضيل ورويال كير لازم تدفع ١٥٠ مليون عشان يقبلوا انك تدخل الطوارئ.

مستشفى الشعب الاطباء الفبهو محتاجين إعادة تأهيل، ما قادرين يشخصوا حالة مريضة لأكثر من ٦ ساعات كاملة، بتاخد اوكسجين وهي في الكرسي، ناس الصدرية يحولوها للقلب، وناس القلب يرجعوها الصدرية، وبعد كدا مافي سرير فاضي ولا حتى نقالة عشان تاخد فيها الأوكسجين.

أكرم صحيح انت لقبت نظام صحي منهار، لكن اثبت انك افشل وزير سوداني، ، وعلاقتك بالطب في السودان
Big Zero
منو القال ليك كل المرض في السودان كورونا؟؟؟
ارجع ياخ من مكان ما جيت، وتذكرتك علي.

هتادي الصديق

تعليقات فيسبوك


‫8 تعليقات

  1. دحين دي ما كوزة ؟؟ ما دام احتجت تبقي اميد كوزة .
    مع اكرم تموت وانت ساكت والا يصنفوك ويطلعوك كوز وفاسد كمان .
    مع جداد قحت مش حا تقدر تغمض عينيك .
    الليلة وين الجماعة البيكتبوا فوق ديلك .
    دجاجي يلقط الحب .. ويجري وهو فرحان

    1. انت نسيت انو احنا 30 سنة نظامنا الصحى دمروه الكيزان وباعوه كمان زي ما باعوا أي حاجة اذا كان 30 سنة عمر البشير ينبح زي الكلب ونباح الكلب أخير من نباحولان الكلب لمن ينبح ما بكذب عاوز اكرم في سنة وفي ظروف كرونا يغير ليك النظام الصحي ياكوز اتقي الله عاين لعدد الحالات عندك في النظام الصحي المتدهور دا وعاين لعدد الحالات في أمريكا وبريطانيا وإيطاليا ومصر بتمشي تتعالج فيها اتت واتباعك برغم الوسائل المتاحة لدكتور اكرم والجيش الأبيض نشكرهم انو عدد الحالات ما تجاوز 100 الف شخص ولا عدد الوفيات كتير نقف مع الرجل ونشكره على الجهود لانو لو كنتا انتا في أمريكا ولا إيطاليا ولا بريطانيا ولا مصر كان كنتا في عداد الموتى .

  2. انا لا ارى حرج ان وصفت باني كوز .. ان كنت كوز فلا مشكلة وان كنت لست كوز فمن وصفني بذلك فهو كاذب .. والكاذب لا يعتد بشهادته ..
    كونوا كما كنتم فلا يضركم ان كنتم كبزان او جرادل..
    اضربوا على القرع بيد من حديد .. ارجموهم عروهم واقعدوا لهم في كل مرصد فانهم على حافة الانهيار .. بنوا مجدهم بالكذب على الشباب وما بني على باطل فهو باطل .. ومن قال لك كوز قل له انت قرعة .. يللا اردموا القرع .. ومن يسيء لك فاعلم انه متضايق من القحطاويبن وخايف على نفسوا لانو قبض الثمن ولازم يدافع عنهم بالكذب ..

  3. تستاهلي عشان تتعلمي انو النهيق و التطبيل من صفات الحمير و المنافقين.

  4. دي واحده جداده تائبة توبه نصوحة من اوهام القحاتة. اكيد سوف نري تحسن اجابي في عمود هنادي الصديق بدل التطبيل والتصفيق.لقحت حكومة الشيوعية
    ربنا يتوب علي الباقين (جميل بثينة متي تعلني توبتك )

  5. والله البلد دي محتاج لي واحد ذي السيسي في مصر مافي واحد اسلامي يقدر يرفع راسو هناك وهم سبب البلاوي في كل العالم العربي والإسلامي افعالهم وخلاقهم ليست لها اي علاقه بالاسلام ياخي ديل يقتلو الواحد في رمضان

  6. والله ظلمنا ناس أبوقردة المتمردين ناس الدفع الرباعى ناس الخلاء فى رايي المتواضع سبب فشل القحاطة من كبيرهم حماروك ل حبوبتهم أسماء فى حياتنا أنهم غير مقتنعين بما يؤمنون به عدا “الألحاد والشرك بالله” 90% منهم شيوعيين ومع ذلك جلهم حملة جوازات غربية راسمالية طفيلية برجوازية حتى الدرجات العليا نالوها من الغرب الرأسمالى الطفيلى البرجوازى أضف اليهم كبيرهم التائب “تقية” خوفا من مقصلة الاعدام المدعو الخرآي المبشر ب فكر الهالك الكافر الملحد المرتد صاحب الرسالة الثانية كل يوم يمر يخصم من رصيدهم الذى سرقوه من ثورة الشعب الله الذى لا يؤمنون به كشفهم وقريبا جدا سيقبرهم الشعب ويشيعهم الى مثواهم الاخير

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *