فيسبوكمدارات

البلد في حالة تدهور مريع وإنفلات امني غير مسبوق وفشل اقتصادي وبعد ده في ناس جاية تقول كباشي في فتيل


كنت مشغول من الصباح وما لقيت طريقة افتح الفيسبوك وجيت قبل شوية فتحتو لقيت العشرات من التاقات و الرسائل على شاكلة ( كباشي في فتيل ) ( القبض على الكباشي ) ( لجان مقاومة كرري تداهم اجتماع للكباشي مع فلول النظام ) .

المهم طبعا اتخلعت من العناوين وبعد البحث اكتشفت انو ما كان في اجتماع وانو كانوا مجموعة من الصحفيين ومعاهم عضو في حزب الامة وكانت زيارة ومعايدة للصحفي جمال عنقرة قريب كباشي لانو كان مريض ، ولا في فتيل ولا طشت وكل الحصل فوضى وشتائم وسب و قذف وعوارة و ضياع لهيبة الدولة وانفراط لعقد الامن الاجتماعي بصورة خطيرة جدا” .

الكباشي طلع من البيت راسه مرفوع وجلابيته نضيفة وعربيته تلمع لا فيها شق ولا طق
لكن القاعدين جوة الفتيل الحقيقي هم الشعب السوداني ، الشعب كلووو قاعد جوة فتيل الفوضى و فتيل الفتنة و فتيل الاوساخ المتراكمة و فتيل السيول و فتيل الغلاء و فتيل المرض .

البلد عايشة في حالة تدهور مريع و إنفلات امني غير مسبوق و فشل اقتصادي كبير مع حالة بتاعت إسهال سياسي وامني و بعد ده كلوووو في ناس جاية تقول كباشي في فتيل
عليكم دينكم انتو نصااااح ؟؟ القاعد جوة الفتيل منو ؟؟
الشعب ولا الكباشي ؟؟؟

نزار العقيلي



‫3 تعليقات

  1. لسه في بعض المرضي من قحت تتخذ من عواره وكوراك الشفع هدفا لتمرير اجندة لها . بعد فشل قحت باين للعيان في مناحي الحياة وادارة الدولة.
    الذين يشعرون بانهم كانوا كلاب صيد لقحت بعد ما سرقت الثورة وبعد ما اتفضح امر رجل التغير الحقيقي (قوش) علي لسان الكثير من حرامية ورمتالة قحت الذين اجتمع بهم قوش قبل الإطاحة
    بالبشير.. شعر كلاب الصيد بانهم جروا ونبحوا وماتوا والشكر لي قحت… المجلس العسكري بيلعب بيكم لعب.
    الكيزان دخلوا خيال ومخ المرجفين لا فكاك من الكيزان. اصحوا يا وهم. الكيزان جوكم.

  2. إنت العاقل والعقيلي والعقل ذاتو، تفتح الجامعات والمدارس والأسواق ويجوا أولادنا الجد جد اولاد الناس ويرجعوا البلد لعقلها ورشدها ويسقطوا حكومة حمدوك الفاشلة والحزب الشيوعي الرجعي وقحت القاتلة الفاشلة الفاسدة ويرجعوا للجيش هيبتو وللبوليس احترامه وللبلد وجهها النظيف الجميل، اليبقوا رجال ويفتحوا الجامعات والمدارس ما يندسوا في كورونا.
    بس المؤتمر البطني يزح مننا بعيد لأنه أي حركة منه وأي دعوة للتظاهر هي في الحقيقة دعوة لعدم التظاهر وعدم الخروج وحماية للشيوعية والفوضى لأنه المؤتمر البطني وحلفاؤه مرفوضين مننا جميعا ولو عاوزين يطلعوا في ثورتنا يطلعوا من سكات وفي الصفوف الورا مش بي تمثيل ونفاق وإعلام كاذب.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *