بعد مرور 515 يوما على عزل الرئيس.. السودانيون يعضون أصابع الندم ويهتفون: حليل البشير
بات يشعر السودانيون أن حياتهم اليومية أصبحت قطعة من العذاب، ولأول مرة ومنذ أكثر من 30 عاماً أصبح إنقطاع التيار الكهربائي يستمر لأكثر من 10 ساعات يومياً في فصل الشتاء، وتدهورت الأحوال الصحية والتعليمية والأمنية وزادت حوادث النهب والسلب وتحطم الإقتصاد وبلغ سعر الدولار مساء الخميس 380 جنيهاً.
بعد مرور نحو 515 يوم من خلع الرئيس السوداني عمر البشير ونظامه من السلطة عبر ثورة شعبية إنحاز لها الجيش السوداني يوم 11 أبريل 2019 أدت لحكومة شراكة بين ممثلي الحراك بقيادة قوى الحرية والتغيير وقادة من الجيش تكون بموجبها مجلس سيادي وحكومة مدنية تمتد لنحو 3 أعوام برئاسة الدكتور عبد الله حمدوك رئيسا للوزراء لفترة إنتقالية لم يتحسن وضع السودانيين ولم تتحقق أحلامهم وأمالهم الكبيرة بل واجهوا أوضاع سيئة في مختلف المجالات حيث تدنت معظم قطاعات الخدمات وإرتفعت الأسعار بصورة غير مسبوقة.
وبحسب مراقبين مازالت الأزمات التي أدت لإنهيار نظام البشير ونجاح الثورة الشعبية تراوح مكانها مثل أزمة الخبز وطوابير الوقود، وعندما أعلنت بعض الولايات عن زيادة في أسعار الخبز إشتعلت بموجبها الإحتجات الشعبية وتراجعت حكومة البشير في وقتها عن الزيادة .
وتزايد حنين السودانيين للنظام السابق ورئيسه المعزول بسبب أنهم يرون أن الحكومة الجديدة لم تحل المشكلات المزمنة التي يعاني منها الشعب مثل أزمة المواصلات وغيرها بل تدهورت الأوضاع وزادت أعباء المعيشة بصورة غير مسبوقة خلال الفترة التي سيطرت فيها قوى الحرية والتغيير مقاليد الأمور وباتوا يقولون علناً “حليل البشير” متحسرين على الخير والنعم في عهده، يعضون أصابع الندم ويبدون أسفهم على دعمهم للثورة، التي أطاحت بالبشير وأدخلته السجن هو وقيادات حزبه “المؤتمر الوطني الذي تم حله” حيث يعتبرون أن أوضاع السودان في أيام البشير مثل الجنة مقارنة مع النار التي كوتهم بها حكومة الحرية والتغيير .
الخرطوم/معتصم السر/النيلين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
كزاب البشير بلي وانجلي
برضو بنحبك يا حمدوك ، كيه في الكيزان ومطبلاتيهم
عشان سجمانين زيو الطيور على أشكالها تقع
لا حول ولا قوة الا بالله من كذب وبهتان وكذب الكيزان السرقو البلد ودهورو اقتصادها وفضو خزانه الدوله واهانو وعذبو وذلو وجوعو الشعب السوداني وغيرو وافسدو أخلاقه.. اجرم حذب وأسوأ رئيس وارزل حذب المؤتمر الحرامي وليس الوطني.
طيب العساكر الفي الحكم مالهم ساكتين ع عذاب الشعب
خايفين من امريكا ام من الله
لو خايفين من امريكا اقلبوهم
لو خايفين من الله اقلبوها
حقيقه كنا معكم لكن كل يوم تنزلوا من نظرنا
انتو الشعب ده ما عندكم فيه اهل ولا مقطوعين من شجره
ولا سرحانين ولا مخدرين ولا سكرانين ولا الفهم شنو …
كترتوها و مسختوها….
الجيش جيشنا ونحن اهلو لكن انتو سقطتو
فقدتو احترام الجميع
الروح وصلت النخره
ومع هذا التدهور المريع يجي رجل ناقص يقول الحوع ولا الكيزان … انه حمار ابن حمار ..
البشير راجل ود بلد و صادق و قوي و مامون على البلد.. طبعا له اخطاء وشخصيته كبشر غير منزهة و لكن الشيوعيين و اليساريين نجحوا باعلامهم الكاذب في تشويه صورته و شيطنته و كذلك الاعلام الاستعماري و ذلك بعدة اساليب.
اولها تحميله وزر حرب دارفور التي هي تمرد مسلح ضد الدولة كان من واجب قائد البلاد و الجيش مواجهته.. فهل توقف القتل في دارفور بعد الاطاحة به.
ضربوا على طبل الحالة الاقتصادية و الغلاء و هذه لا تحتاج الى رد فالحال الان يغني عن التعليق.
قصدا اعموا الناس عن منجزات نظامه.. استخراج البترول و تحسن ايرادات الدولة و تقوية و تسليح الجيش و انشاء الطرق و الجسور و المشاريع و الجامعات و غيرها.
ركزوا على الفساد في عهد الانقاذ و لا بد من الاعتراف ان هناك حالات فساد و تمكين لبعض الاسلاميين و هذه من سوءات نظام الانقاذ و لكن استعملت كورقة لاسقاط النظام دون النظر للمصلحة العليا للبلاد التي لا تهم الشيوعيين و اليساريين بقدر ما بهمهم من التنكيل و الانتقام الذي هو جوهر الفكرة البلشفية البائدة.
لا حول ولا قوة الا بالله من كذب وبهتان وكذب الكيزان السرقو البلد ودهورو اقتصادها وفضو خزانه الدوله واهانو وعذبو وذلو وجوعو الشعب السوداني وغيرو وافسدو أخلاقه.. اجرم حذب وأسوأ رئيس وارزل حذب المؤتمر الحرامي وليس الوطني.
محمد حسين
هل انت جادى انو البشير نزيه يكفى انو وجدو فى مقر سكنه الكميات المهولة من العملات المختلفة دى ثابته سيبك من تهم اخرى غير ماكدة
الله لا عاد البشير وزبانيته
وهل الخراب الماثل الا بعض. من ارث البشير. !
خاف الله يا زول والله العمران العمروا البشير إن قعد حمضوك مية سنة ما يعمل واحد في المية منو
غير الكذب والنفاق ما عندكم حاجة
قال خراب والله انت الظاهر عليك من زمن نميري ما جيت السودان … او تكون عميان
دحر الكيزان حين ما وجدوا، اي زول حني للبشير لازم يراجع وطنيته، البشير قاتل مجرم
و اي زول شايف انو الوضع بعد البشير أحسن يتم سحب الجنسية السودانية منه و نفيه من السودان الى الابد
اذا كان الوطنية الجوع و الغلاء و الصفوف فلتذهب الوطنية للجحيم
و انتو يا وهم و يا جداد كان ما سقطوكم و اعدموكم بدون محاكمة و مثلوا بجثثكم البلد دي ما بتمشي لقدام
كذاب اتكلم عن نفسك، البشير الله لا أعاده هذا الرقاص آفة السودان
خلي دفن الرأس في التراب وقول حليل بشة
دي الفتنة بعينها و الفتنة أشد من القتل.. خلوا الشعب السوداني يشق طريقة من دونكم و النحن فيه ده اصلا بسببكم.. اتقوا الله في الناس و كفاكم لعب بالعقول لانه الشعب ما ح يقبل بيكم تاني حتى لو اطحتوا بي حمدوك دي حقيقة لازم ترضخوا ليها
و الله يقبل زي العجب و بالانتخابات و دي الحقيقة الانتو ما بتعرفوها
و الاهم انتو منو عشان تحددوا الحقائق يا القاعدين في المنافي بتتحدثوا بإسم الشعب
ندم شنو عليكم الله
كلام سليم مية المية الا الهوانات المفتكرين روحهم بقدرو يمشو بلد وهم للأسف عربة كارو كتيرة عليهم يمشوها قالو شنو الحل في البل اها جاكم البل الجد جد ابقو رجال واركزو لكن للأسف يتباكو.
كذابين. كيزان. اطياز
لا ندم. بل فرحة. عارمة. علي ذهاب السفاحين
لا تحفظ بل. إعدام
بطل تهاويم وكلام فاضي ما تقول الشعب كلام فاضي ودي أحلامكم يا كيزان مافي شعب قاعد يحن ليكم لن تحكمنا مجددا عصابة الجبهة التي استحلت المحرمات وانتهكت الحدود وازهقت الأرواح وشردت السودانيين تبا لهم
والله قلنا … بس انت ما معانا انت مع ال….
لانمتي في صف العيش ولا ولعتي الحطب للعواسة وملاح أم شعيفة..
حقيقة الجمرة بتحرق الواطيها
والله وتاني والله حليلك يا البشير كنت بتاكل وتدينا معاك لكن ديل الله يمرقم من البلد … اللهم طهر أرض السودان من العملاء والمأجورين
انتو بتدافعو عن حكومة العملاء ما خجلانين من الشعب السوداني الغشيتوهو
خلي عندك اسلوب واحترم القارئ
يا معتصم السر،،،
أحلم كما يحلو لك،،،،
لن تطالوا مثقال ذرة مما تشتهون،،،
أحلام ظلوط،،،،
والله البشير اخير من الزول الاسمه حمدوك ،دا الا قولة رئيس وقته كل بقرأ فى الجرائد ،مدنية شنو وكلام فاضي البلد كل يوم راجعه وراء معقولة العمله تنهار بسرعة الصاروخ ،حمدوك دا مفروض يكون والى بتاع ولاية والبرهان يكون رئيس ،السودانيين ما بنفع معاهم الا حكم الكبك من الاخر ،كان راجيين اللاجئين الكانوا طاشين ديل طيارتكم قامت تب ،ناس عاديين جدا وهربوا من السودان لظروف اقتصادية فقط ،الاسد كان وقع القرد … تموا الباقى
نهاااااائي ماقلنا ياحليل البشير ولا حنقول ياحليو الله ينعلو هو الوصلنا المرحلة دي
اسي ياحليل البشير الفي زمنو كان الخير وفير اسي جونا القحاتة وقحطوها علينا جابو لينا الغلاء والجلاء
وآلله قلنا .. لكن انت ما معانا انت مع القحاتة… العملاء .لا نمتي في الفرن للعيش ولا ولعتي الحطب للعواسة وملامح أم شعيفة… حقيييييقة
الجمرة بتحرق الواطيها
انتم کذابین عین الفرح التزعم به انت ظاهر انتم خارج السودان
والله بشيرك ده تاني كوره ما يحكمها خلي السودان..البشير لص رخيص و مجرم قاتل
معليش يا أبو السرة البشير ما ح يرجع الحكم أكيد ما ح يرجع
البشير كان سرق صحي اقطعوا يدوا لكن العميل الحاكم سرق هوية البلد سرق أحلام الثوار استخف بدم الشهداء
شنو العملو حمدوك الآن قول إنجاز واحد
وقفو منو سجم الرماد البشربو دا عشان يفوق
ماف داعى للاحلام …الحكومة دى ماقادر
تنظر فى نفسها .
خلى مشاكل الشعب البقى عايش حيران
الامر لله اولا واخرآ حسبنا الله ونعم الوكيل
نعم والله حليل بشة الفي عهدو اتوسع التعليم بدل اربعة جامعات بقت في كل ولاية جامعة
القحاتة ديل بردو وهم أكيد ساطلين ما جايبين خبر الحاصل في البلد. هم متين فاقوا من السكر والمخدرات عشان يسمعوا هتاف الشعب…
لا غاز لا عيش يا بشة خلاص معليش
أي زول بدافع عن القحاتة خاين
سقطو ود البلد وجبتو العميل يدير البلد هو بيتو ما قادريديرو …. أخجلو واعتذرو للشعب من الخيانة
البشير راجل ود رجال حكم 30 سنة والله يعطي الملك من يشاء وينزع الملك ممن يشاء
البشير النعمة الكفرتو بيها
قول الحق ولو كان مرا
حليييييل بشة بالكتير
لم تكن ثورة ضد الجوع والغلاء فقط انما هى درس للتاريخ لتصبح ايقونةفى ذاكرة الشعب انها ثورة وعى وثورة ضد الفساد والافساد ثورة ضد الاستبداد والعنصرية والسرقة والتهميش وضد الكيزان سارقى قوت الشعب اكلى مال البترول الذين اتوا على الاخضر واليابس ثورة ضد القتلة والاجرام والقهر واذلال الشعوب باسم الدين الذى هو براء منهم ثورة اوجدت لتعيش مهرها شباب وكنداكات بدماءهم الطاهرة لم اتخيل عودة اقلامكم المكسورة البائسة يوما لتمجد مومياء وسارق وقاتل ولكن هو التهاون واستغلال مناخ الحرية لن ولم تعودوا باذن الله ,للثورة رب يحميها وشباب متأهب ( عهد فساد واستبداد الله لاعادوا ) الله لاكسب الانقاذ
ما تخافوا يا كيزان ويا مؤتمرجية
اذا البشير مشى .. البرهان موجود .
موش انتو بتأيدو حكم العسكر وتؤمنو بدولة الرجل الواحد .. الزعيم الخالد القائد الملهم الخارق !؟
يا حليل العمل شوارع الظلط و الكباري و المستشفيات و الجامعات و المدارس و التصنيع الحربي و مجمعات خدمات الجمهور و سد ستيت و سد مروي و حاجات كتيرة دايرة آلاف الصفحات
(هسي الحاجات الذكرتها فوق ميتين حمدوك و كلابو عملوا منها حاجة)
اللهم ادخل الجنة من عمل هذه الاشياء الاستفاد منها كل الشعب و اما الما قدر يعمل حاجة واحدة نافعة دخلو الى قاع جهنم
شكلك من إياهم
وأي زول عض او من ما قلت كوز ليس إلا
حسبنا الله ونعم الوكيل فيهم وفيكم
حتنسأل عن كلامك يوم الحساب
ما في زول بيعض اصابع الندم غير الحراميه وتجار الدين.كل الانجازات المزعومه كانت بقروض ضخمه تم اختلاس الجزء الاكبر منها والتصرف فيه لمصلحة افراد وبقيت ديون للاجيال القادمه وتم انشاؤها بمواصفات رديئه. حسبنا الله ونعم الوكيل في البشير والكيزان.