حمدوك: الانقلاب يستدعي مراجعة كاملة لتجربة الانتقال بكل شفافية ووضوح

يجب أن تسأل أين الشارع الجابني لماذا تركني وحيدا ولا حتى مظاهرة صغيرة إن شاء تمثيلية؟ الجواب عندك وهو الشارع لم يشوف أكثر ما يميزه هو الآمبالاة في كل شيء اكيد أذا حصل ليه شيء فلن يعيره أحد كفاية أن نفس ما كان يجري زمن الإنقاذ ما زال مستمرا وإلا بربك قل لي ما هي المؤهلات الخارقة التي يتميز بها واحد مبارك أردول غيره حتى يتقاضى راتبا وقدره 2500 دولار غير البدلات والحوافز – طيب كم يتقاى أي واحد من هؤلاء الوزراء العطالى من أمثال الذين يحتفلون بماكينة التصوير. والله أكان أخططفوك من قدام عيوني أقبل للناحية التانية وأعمل فيها ما شايفك الناس مية بالجوع والمرض وواحد ملطوع بعد الثورة بيتقاضى راتب وقدره 2500 دولار أنا استغرب أي سفراء الدول الغربية وكيف يقدموا مساعدات لحكومة غنية بس حامة شعبها.

لو مشينا مع فرضية الساخرين، وقلنا لا في انقلاب لا حاجة دي حركات ساي من الحكومة، فنتيجة الحركات دي انو الناس ما اهتمت ولا زعلت. فشنو اليخليك كمواطن مدني متخيل انو لو حصل انقلاب حقيقي حيكون في رد فعل رافض؟ الرسالة الوصلت في الساعات الفاتت لاي عسكري انو لو عاوز تقلبا بس ظبط امورك مع الجيش، اما الشارع فنوم قفا حينبش المدنيين يقول ليهم ضيعتوها، لكن ما حيتحرك ضدك. على جانب تاني مفروض الحصل الليلة يكون نقطة تحول عند المدنيين. رد الفعل المستهتر واللامبالي بل والشامت من كتيرين بيوري انو الانتقالية لم تعد محروسة بالجماهير. وهم بيتحملو اللوم في الانفضاض ده. لكن مؤكد ما هم براهم الحيتحملو العواقب لو حصل انقلاب. وما افتكر البيضحك من خبر انقلاب حيمرق الشارع لما يلقى الدبابة قدام بيتو. رد الفعل اليوم مخيف.
حمور زيادة