اقتصاد وأعمال
متوقعاً 50 مليون دولار سنوياً .. خبير يدعو إلى فرض رسوم تعويضية على المسافرين
دعا الخبير الاقتصادي د. عادل عبد المنعم، الحكومة إلى فرض رسوم تعويضية على المسافرين للخارج من السودانيين والأجانب، وذلك بأن يصدر وزير المالية والتخطيط الاقتصادي قراراً وزارياً لتحصيل رسم تعويضي قدره 50 دولاراً على المسافرين للخارج من السودانيين والأجانب الذين يقيمون في السودان لمدة ستة أشهر.
وقال: تغادر السودان يومياً عشرات البصات ومثلها من الطائرات إلى مصر ودبي وتركيا والهند محملة بالدولارات والذهب وتستنزف موارد البلاد من العُملات الحُرّة، على أن تورد هذه الرسوم في صندوق يتم إنشاؤه للإنفاق منه على شراء الأجهزة والمعدات الحديثة للمستشفيات الحكومية ولتوطين العلاج بالداخل، مبيناً أنه يتوقع أن تبلغ حصيلة هذا الرسم 50 مليون دولار في العام.
صحيفة الصيحة
تعويض عن ايه ؟ عشان نفهم يا خبير الاقتصاد !
اكيد تعويض للخبير ده وأمثاله ..
خبير عند الدلوكة النشر ليك هترشتك دى فى جريدة … دى رسوم مضمنه فى سعر تذاكر الطيران من قبل امك ماتتوحم بيك ياوهم …. وبدل ماتقعد تشحد من المغادرين عشان بعد سنة كاملة تلم ليك 50 مليون دولار … جيب لينا مقترح بتاع كيفية ترشيد المصروفات الحكومية … اعادة هيكلة مصاريف الصيانة للبنى التحتيه … كيف تقدر ب50 كيلو سماد تزرع ليك 1 مليون شجرة نبق … كيف تستغل صفق النيم فى تجربة ثورية كبديل للبنسلين المعدوم فى البلد … جيب لينا مثلا نوع جديد من العلف الحيوانى يكون الفدان منو يكفى مراح لمدة سنة … اصحاب المقترحات البناءة هم من يستحقون لقب خبير .. اما ديك تور قطع شك ماخدها اجاويد يعنى ماعشان ابداعك ولا تميزك ولا عشان العلم الشارى من دقنوسك الفاضى ، ومقترحات كيفية فرض الرسوم وتسميتها ده ابداع كيزانى بحت … تبارك الله شايفك ابدعته فى جمعك بين حاجتين .. كوز .. وكمان فاضى … !!!!!!
يا استاذ اولا حل مشكلة الفساد بدل ما تزيد الطين بلة الناس البسرقو موارد البلد و ثرواتها ما هم المغتربين هم الناس القاعدين في البلد و بهربو المراد حقتها و ما ممكن تطلب رسم من مهرب يا استاذ.
و مشكلتنا انو ما في حلول بتخفف على المواطن بس دايما في حلول بطلع زيت المواطن والله المستعان
شوف موضوع الضرائب والاقامة للاجانب كمان و ابحث وشوف الدول العربية من سعودية ومصر بتعمل شنو والسعودية الان بتاخذ من الاجانب وبتاخذ
حتي من الشغالين في البيوت خدم كمان وفي مصر الاقامة للسوداني لمدة 3شهور مثلا مصر بتاخذ الف وذيادة جنية مصري يعني 70 دولار تصوروا والسودانين البهائم لايدفعوا المصريين مليم يلي ابحث عن المصريين عشان يدفعوا وخاصة نحن عندنا كميات من الطلبه المصريين في الجامعات والمدارس الثانوية وو
هههه بالغت منتهي الغباء . بإفتراض سلامة المقترح ٥٠ دولار للمغادر في العام ٥٠ مليون ÷٥٠ =مليون مسافر في العام ÷ ٣٦٥=2740 مسافر في اليوم .لا يبلغ عدد المسافرين نصف هذا العدد احترافي موسم الحج
ده خبير جبايات
اول حاجة حاسبوا الحرامية اللي عندكم واللي نهبوا البلد وبعد فتشوا للضرايب من المغتربين .
ده خبير استراتيجي ، ما خبير اقتصادي