لأول مرة في السودان .. شركة تسهل الحصول على جنسية أوروبية وجواز يسمح بالسفر لـ 130 دولة
طرحت شركة (باسبورت ليقسي) حلولاً مبتكرة للسودانيين الراغبين في الحصول على جنسية وجواز أوروبي ضمن خياراتهم لتأمين مستقبلهم ومستقبل أبنائهم، جاء ذلك خلال زيارة مستشار الشركة (إيفان دي نوزو) للخرطوم حيث سيكون متحدثا يوم غد الجمعه بفندق السلام روتانا في الحدث الذي تقيمه الشركة، ويقدم شرحا وافيا ومجاوبا على الاستفسارات.
تأشيرة سفر مجانية
حيث يسمح لك جواز السفر الثاني الذي تحصل عليه من خلال برنامج الجنسية الكاريبية عن طريق الاستثمار أو الإقامة الأوروبية بالسفر بدون تأشيرة والتأشيرة عند الوصول إلى أكثر من 135 دولة.
علم أطفالك في أوروبا
يمكّنك الحصول على الجنسية الأوروبية أنت وأفراد أسرتك من الدراسة والعيش والعمل في أي مكان داخل الاتحاد الأوروبي.
الاستثمار والاعمال التجارية العالمية
من خلال الحصول على جنسية ثانية ، ستتمكن من السفر بدون تأشيرة أو تأشيرة عند الوصول إلى أكثر من 150 دولة ومنطقة. هذا يفتح ثروة من فرص الأعمال التجارية العالمية. تسمح لك بعض البرامج ، على سبيل المثال ، غرينادا وتركيا ، بالحصول على تأشيرة مستثمر E2 من الولايات المتحدة الأمريكية
الخطة ب
جميع البلدان التي تقدم برامج الجنسية عن طريق الاستثمار تسمح لك بالحصول على جنسية مزدوجة. يضمن ذلك سلامة وأمن عائلتك من خلال توفير فرصة للهجرة إلى بلد آخر مع السماح لك بالاحتفاظ بجنسيتك من بلدك الأم.
تمهيد الطريق للأجيال القادمة
تتمتع العديد من الجنسيات بفائدة المواطنة عن طريق النسب. بمعنى ، يمكن أن يمنح استثمارك اليوم فوائد كبيرة لأجيالك القادمة.
دي آخر تقليعات النصب والاحتيال هههههه
انتباااااه للكل دي عملية احتيال عالمية مافي شي اسمه شركات تديك جنسية اتحاد اوروبي ودي عملية طويلة لها قوانينها الخاصة بهذه الدول. .. بعض ضعاف النفووس يستغلوا احلام الشباب والاسر السودانية الكرهت العيش في السودان وممكن تكون وراء هذه العمليات جرائم اتجار بالبشر والرقيق الابيض للفتيات …بعد عرض شيق يتم اصطياد الضحايا واخذ اموالهم وبيع الوهم لهم …المهم أنا حذرتكم لوجه الله وعلي السلطات الامنية التقصي عن هذه الشركات
كلامك صحيح 100X100 جزاكي الله ألف خير ، الخبر مشبوه ! ! !
في بس ياها الجزر بتاعت الكاريبي لكن لا محتاجة وسيط لا محتاجة شركة بتمشي براك تعملها عن طريق شراء عقار عندهم “استثمار عقاري” او عند طريق شراء الجواز نفسو
هههههههه كبرت الموضوع تجارة رقيق و اعضاء و بتاع
كل الموضوع انو ما جنسية اتحاد اوروبي اول شي هي جنسية دول الكاريبي البتدخلك دول الاتحاد الاوروبي و امريكا بدون فيزا يعني مثلا زي “دومنيكان” لكن الموضوع ما محتاج اي شركة ولا وسيط بتسافر ليهم براك لي جزر الكاريبي و تشتري الجواز عديل يا اما بالقروش يا اما عن طريق شراء عقار هناك زي الشركة دي بتكون عايزة تطلع رسوم ازيد رسوم خدمات فهمت يا ابو تجارة بشر انت ؟ بعدين السلطات الامنية ٩ طويلة ما بتمسكو ليك لمن تجي تقبض ليك ناس زي ديل انت قايل حاكمك الماك عبدالله ولا شنو انت حاكمك حميدتي ههههه
هو كلامو دا كلو ما قال الطريقه كيف والمقابل كم مافي شي مجاني في البلد دي دايما في مقابل 😒😒😒دا احتيال ونصب
انتي طيب عرفتي كيف انو الكلام ده م صحيح ولا هو كلام وخلاص
شراء الوهم…….. نصب بطريقة قانونية…. برنامج الجنسية الكاريبية….. والله انتم مافيا…. معقووولة
طيب انا بلاحظ في ناس كثير اخذت من الإمارات الجنسية
اتمني ان يكون صدق ما دردشه وجمع إعجاب بالصفحة
اتمني ان يكون صدق ما دردشه وجمع إعجاب بالصفحة
انا أصلا مافتحت المنشور من قبل
بلاش نصب ولعب على عقول الناس . يعني الشركة الوهم دي خلت شعوب العالم دي كلها وما لقت الا الشعب السوداني عشان تنصب عليهو ؟ معلومات محيرة عن الشركة: مقرها الرئيسي في(الإمارات) وفروعها في (نيجيريا وباكستان ولبنان) هههههه . سيرڤر الشركة في (هولندا) ، وإتسجلت الشركة في (أمريكا) . طيب وقروشي الشالوها ؟ أشتكي لمنو وفي ياتو (بلد) ؟ …
هههههههه كلامك مقنع😂😂😂😂انا زاتي احترت
بسم الله
جواز واحد م معروف تابع لي اي دوله وتسافر بيهو اي دوله بدون تأشيرة
جوكر يعني
الناس العندها اعتقاد انو دا نصب واحتيال يدخل اليوتيوب ويشاهد حلقه اليوتوبرز جو حطاب وكيفيه حصوله علي جواز سانت كيتس من شركه ريسبكت
الناس قبل تكذب مفترض تتحري والكلام دا حقيقه
ههههههههههههه انت اليه زعلان يا استاذ
بعدين اشاب قال نصحية لي وجه الله يلا بعد كده العاوز يستثمر او يسافر بجيكم رقم
انو جميع السودانين مستثمرين فلواسهم في السيارة ا غيرها لو صحيح معاك رأس مال وعايذ تستثمر استثمر في بلدك بعد كده اشتري اجواز بتاعكم ده الترفيه بس خيركم لي أهلكم
اين الدليل على هذآ الكلام
نصباية جديدة
لو عايز جنسية إوروبية دة بروتسيس طويل، لكن في دول ذي لاتفيا، ليتوانيا، إستونيا ممكن تتحصل على إقامة دائمة و بعدها بسنة و نصف الجنسية لو إستثمرت في عقار مثلا (إن شاء الله شقة غرفة و صالة). العقارات هناك ما غالية خصوصاً خارج العواصم (25_30) الف يورو أو ما يعادل بتجيب ليك شقة غرفة أو إستديو.
دول الكاريبي ذي الدومينيكان أو ساوتومي، أو غيرهم ما بتحتاج غير يكون معاك كاش و تمشي تستثمر.
بجد عملية نصب واحتيال مقننه
لان اعيش بدوله اربية واعي كل قانونها جيدا لايوجد كلام بشكل دا معليش تجي بنفسك تشتري عقار تمنح إقامة ولكن تمشي شركة عشان تدخل كميات من الناس اروبا مافاضية لكلام زي دا الفيها مكفيها بلاش غش وتلاعب واستقلال لظروف الناس