طالبة بإحدى الجامعات السودانية تكشف عن واقعة خطيرة: (دكتور بالجامعة التي ندرس بها تسبب في رسوب زميلتي “الجميلة” وإعادتها السنة لأنها رفضت الزواج منه)
كشفت طالبة بإحدى الجامعات السودانية عن واقعة خطيرة وجدت حظها من التداول على صفحات عملاق مواقع التواصل الاجتماعي فيسبوك.
وبحسب ما نقلت محررة موقع النيلين فقد كشفت الطالبة الواقغة عبر استشارة على إحدى القروبات المتخصصة والتي تم نقلها وتدوالها بعد ذلك.
حيث كتبت الطالبة في استشارتها ما يلي: (السلام عليكم مشكلة حقيقة والله.. عندي صديقتي فى الجامعه وهى جميلة ماشاء الله ،الدكتور البدرسنا قال عايزها وهو متزوج وكبير يعنى.).
وأضافت: (المهم هى قالت لى مفكرة انها تكذب عليهو اشان ما يشيلا المادة او يربتها لكن انا قلت ليها الدكتور متزوج +كبير يعني بكون عمرو 38 الحركات دى بكون عارفها ولو عرفك انك سايقاهو بالخلا ما بيرحمك اشان كده خليك واضحه معاهو.).
وواصلت سرد القصة التي قرأتها محررة موقع النيلين: (فعلاً سمعت كلامى ومشت قال ليهو انا ما عيزاك المهم النتيجه وقت طلعت كل المواد ناجحه فيها إلا مادته دى).
وختمت استشارتها التي وجد تفاعل منقطع النظير( لم يكتفي الدكتور بذلك بل ربتها (تسبب في إعادتها للسنة) وانا اتألمت وماعارفة اعمل شنو والمشكلة انو هو لسة موجود لا اتحول جامعه تانية ولا الحل شنو).
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
طيب لو هي بليرة في مادته سعمل ليها سنو ..على اي حال متاح للطالب ان يطلب اعادة التصحيح فتظهر الحقيقة
طيب لو هي بليدة في مادته يعمل ليها شنو ..على اي حال متاح للطالب ان يطلب اعادة التصحيح فتظهر الحقيقة.
آذا كان امر متعلق هكذا انسى تعليم؟؟؟؟؟؟
بكل أسف هذه الظاهرة موجودة بكثرة منذ زمن بعيد خاصة في جامعة الخرطوم. الحمد لله انو طلب الزواج ما طلب حاجة ثانية .لابد من نظام امتحانات جديد يحمي الطلاب بحيث يكون التقويم سري
سيبيك من شفقت الناس عليكي ، عنديك اخوان وولاد عم ، مشكلتيك اتحلت يمشوا ليهو في بيتو ويطلعوا دينوا ويذلوه قدام عيالوا ومرتو ، مافي حاجة اسمها قانون ، القصدك تبلوا والنار ما بتطفي إلا بالنار والبلد المطلوقة دي القانون ما بنصفك حقك تجيبوا بإديك
نان الاستاذ ما وقع نظره علي تلك الشافعه
المفترض وزاره التعليم الجامعيّ تفصله
وتعطي هذا الطالبه حقها
السلآم عليكم ورحمة ألله وبركاته
لوطلع هذا الكلآم صحيح فعلأ وبشهادة الشهود والأيمان المغلضه فيجب طرد هذا الشخص نهائيأ من أي وظيفة حكوميه فهو لآيستحق وليس أهل للأمانه ويجب عدم التساهل مع هذه الأمور وربنا تصل الى مراحل أخطر وأكبر من هذا لآسمح ألله .
من الأفضل للأستاذ ان يعقل نفسه ويكون على قدر المسؤولية لأنو هذه طالبته وهو في مقام والد ومربي وقدوة وحتى ولو كان يرغب في الزواج منها أن يختار الوقت المناسب حتى لايتسبب في ظلمها عبر الذهاب إلى أهلها بعد استشارتها واذعانها بالموافقة ولكن بهذه الطريقة تعتبر وصحة عار له وسمعة سيئة لأستاذ جامعي فليتق الله في بنات الناس
من عشرات السنين يحدث هذا الشي في بعض الجامعات وليس جديدا حتي ان بعض للطلاب رسبوهم عمدا لمجرد نقاش مع بعض الاساتذه المرضى نفسيين المستغلين لمراكزهم للاذية دون محاسبه
لو كان حقيقه ما نشر عن هذه الواقعه لماذا تنشر صديقتها هى أولى بنفسها فى أخذ حقها بإعادة التصحيح فإن كانت على حق سوف ينصرها الله وان كانت على باطل تعتزر وطالما الأستاذ اختارها لتكون زوجة له فلا شك أنه أحبها ومن يحب لاينتقم ويتمنى لها كل خير والتحيه والاحترام ابوالقاسم
كلام غير حقيقي.
وان كان حقيقي عليهم التحري عن الواقعة واحقاق الحق.
وليس التشهير
38 سنه كبير
ي حليلنا نحن كان كدا ما نفكر في موضوع عرس تاني 🙂
انا طبعا مع فكرة اعادة تصحيح الورقة .دا اذا كانت الطالبة متأكدة انو مستواها كويس في المادة المعينة. لان السكوت على مثل هذه الامور وهي طبعا تكررت كثيرا وماتكررت الا بسبب هذا السكوت لان المجرم اذا تم ردعة كان عظة للاخرين .. فأرى الا تسكت اسرتها على هذا الامر وان تكون هناك وقفة احتجاجية من قبل زملائها ومطالبة باعادة تصحيح الورقة تحت اشراف جهة محايدة ثم معاقبة الاستاذ اذا ثبت جرمه. لو اخوك حلقوه بل رأسك.
كبير على واحدة عمرها 20 انت افهم يا حلو
و الله اى واحده بليده و و عفنه ما نافعه تستعمل أسلوب
الابتزاز إذا لم ينفع أسلوب الحب و الخداع و الكذب على الاستاذ او االبروف بقصد الحصول على نسبة النجاح في المادة التى تغلبها و النوع دا كثير و الله.
من زماااان ظهر زواج مشروع التخرج من الجامعه يعني تزوج عشان الزوج بصرف عليها تملك الدراسه بعد اخلص اطلب الطلاق او تفسخ الخطوبه او عقد الزواج اذا لم يتم الدخول بها اما زواج التخارج فهو الخروج من البيت التى كانت تسكن فيه لبيت الزوج ثم تفعل ما تريد بحجة انها متزوجه او للتتخارج من السودان و بعد ذلك مباشرة تهرب من الزوج لعشيقها و تطلب الطلاق او الخلع و الله الحالات كثيره جدا جدا.
الشغله فيها عصابات و تجارة مخدرات و دعارة و ادمان و عمليات النصب و الاحتيال و بيع الاطفال و غيرها الكثير.
و اى واحده يلعب بيها صاحبها يظل يحركها مثل الاريجوز مدى الحياة.
ديل أساتذة قحت قحط الله عليهم دنيا وآخرة
عليها تقديم شكوى رسمية مدعومة بالشهود وتطلب أما مراجعة تصحيح الورقة أو أمتحان جديد خاص بها ولو طلع كلامها صحيح يلاحق قضائيا
البنات بتاعت حركات – بعضهم وليس كلهم طبعا – الواحدة تجي المكتب للأستاذ وترمي ليهو الكلام وتقول ليه عايزه أنجح بأي صورة وممكن أعمل ليك أي حاجة. خليكم منصفين وقولوا الحقيقة كاملة. طبعا بعض البنات بيعملوا كده لأنو الواحدة أصلا ما شغاله بالقراية معدياها كلها هملة وسفاهة وعايزة تنجح بأي صورة عشان أهلها ضاغطين عليها. تقوم واحدة ما صاحبات السوء بتاعتها تقول ليها عادي أمشي ليهو وحاولي معاهو ممكن يمشيك وبعد داك بحصل التفاوض وطبعاً غالبية الأساتذة محترمين وكاشفين حركات البنات ديل وبيوقفوهم في حدهم بس ممكن تلقى واحد نفسه ضعيفة ما يقدر يقاوم . بس للأمانة وأنا كنت في الجامعة بسمع القصص دي. معظم البلاوي من البنات ال…. ثم ثانيا المشكلة على مستوى جامعات العالم والمنظمات والشركات في كثير من دواوين العمل
والله انت الما نافع لانو الكلام ده حاصل وبي صورة كبيرة جداً وهو اسي قال زواج لكن في غيرو بكون عايز حاجات تانية والخلاها تنجح في كل المواد التانية غشت باقي الأساتذة َول شنو ياخ خليكم مع الحق وما تخلونا نكره البلد دي ونكره اليوم البقينا فيه سودانيات لكن تأكد ح يحصل في اختك ولو ما عندك ح يحصل في بتك وكما تدين تدان
ومن وين عرفت حاصل وبي صوره كبيره كمااان والظاهر عندك خبرة في الموضوع خخخخخخخه وهو فعلا بنات الزمن دا فاجرات ومازي بنات زمان المؤبادت يمكن لانو زمان ماكان في نت وصعلقه كثيرة حاصله مثل الان البنات الان الوحدة طول اليوم في النت من قروب لقروب بي اسماء مستعارة ومن ولد لولد فاقدات حنان ياخي وخاصة الخارج البلد والتقول عندها مرض نفسي او وسواس قهري ياكافي البلاء والوحدة مالقيه الزول البيدهيه كف لما تعقل وتتوب ويمنع النت دا نهائي عنها
وهو فعلا لابد من عمل حدود للاساتذه بتاعيين الجامعات ديل ياريت يتغير نظام كل الامتحانات الصغري والكبري والذي يضع الامتحان يكون شخص اخر وكذلك المصحح والذي يجمع الحضور والغائب يكون شخص اخر غير معلم الحصة ووالاستاذ عليه فقط الشرح وتدريس الفصل وباقي الاشياء تكون لادارة الجامعة وتكون سرية عشان البنات مايعرفوا ومايمشوا يبيعوا شرفهم عشان شهادة جامعية لازم يكون في عدالة بين الطلاب واي استاذ يتم فضحه في عمل مثل هذا لابد ان يفصل من الجامعة ويكون في تحقيق معاه وكل الشهادات التي تم التزوير فيها في كل السنوات تلغي وتحسب انها شهادة سقوط
دى ياتو جامعة البتربد الطلبه من ماده واحده ؟