جمال الوالي يزور ستاد الهلال ويدعم المنشآت
سجل السيد جمال الوالي رئيس نادي المريخ زيارة لاستاد الهلال منتصف نهار امس تفقد من خلالها المنشآت التي تم تأهيلها خلال الفترة الماضية
وكان في استقباله اعضاء لجنة التأهيل وجمهور هلالي كبير وقال جمال الوالي بانه تفاجأ للاستقبال الهلالي الحار والرائع مؤكدا انه لم يدخل استاد الهلال لمدة عامين خوفا من العصبية التي افتعلها الاعلام واعلن الوالي دعمه لمنشآت استاد الهلال وقال سيقوم بتسليم الدعم لرئيس لجنة التأهيل خلال الساعات القادمة… وداعب الوالي اعضاء لجنة التأهيل بانه كان يتمني ان يتم افتتاح استاد الهلال في مباراة القمة القادمة في البطولة الافريقية التي سيفوز فيها المريخ في ذلك اليوم.
واكد الوالي بانه عندما بدا في تأهيل منشآت المريخ زاره الارباب وعدد من رواد الهلال وقاموا بدعم منشآت المريخ وهذه اللحظة المناسبة التي سنرد فيها الدين للهلال.
صحيفة قوون
😉 😉 😉 الوالى يجسد الروح الرياضية .التى نتمى ان تسود …. فالهلال سيظل الهلال والمريخ سيظل المريخ ….. وهكذا سيكونان قمة … ونتمنى ان يكونا قمة فى كل شىء وده لصالح الكرة السودانية …. وشكرا جمال الوالى … وشكرا صلاح ادريس …. والله الموفق ،،،
التحية للرجل الأمة جمال الوالي فالرياضة في بلادي أحوج ماتكون لرجال بهذه العقلية التي تنظر للأمور أبعد من أنوفها وبعيدا عن العصبية التي ما قدمتنا قيد أنملة …
لله درك يازعيم
يا جماعه الناس فى شنو والزول المدسوس فى المريخ فى شنو مريخك خيبان وخسران بدل تشوف مشاكله تدعم فى الهلال ، انت دخيل علىالمريخ وداير تهدمه بالله ابعد وشيل قروشك ومع السلامه. يعنى ابسط الاشياءما زعلان من الحاصل واظنه مبسوط ، يا معارضة اتحدوا عشان تقلعوا لزول ده ويا جمهور خليك واعى وراجع ماذا انجز هذا الشخص منذ قدومة للمريخ , منشات نحن ما فريق ثقافى نحن فريق رياضى وبس بالله امشى غير ماسوف عليك .
واللة يا الوالى اانت نعم الادارى الناجح وربنا يستر عليك وانا اشجع الهلال لكن اكن لك كل الحب والاحترام
الكبير كبير يا والي
و ده طبع الصفوة دايما كبااااااااااااار
فلنتوحد جميعا من اجل الرياضة وتقدمها بالسودان
انا هلالابي لكن اكن وافر الاحترام للخلوق السيد جمال الوالي
نعم هوه الكلام المفروض يحصل نتكاتف جميعنا لرفع راية السودان عاليه هلال او مريخ في النهايه نسعى الى تحقيق دوري ابطال افريقيا اللقب الغائب عن السودان.
وارجو من الجمهور السوداني ان يعي هذا الشئ فالنترك التعصب الاعمى جانبا لمده سنه على الاقل ليتحقق حلم كل سوداني بدوري ابطال اقريقيا واللعب في كاس العالم للاندية.
اليس هذا رائع ان نرى الهلال او المريخ في كاس العالم للادية.
بعدها سوف يكون السودان رائد في الرياضه العالمية لكرة القدم و ترى الاندية العالمية اللاعبين السودانيين يلعبون ضد الفرق العالميه وبعدها صدقوني سوف تطالب بعض الانديه في اسيا او اوروبا ببعض الاعبين السودانيين ان يعترفوا ويلعبوا لهم , يعني كاس العالم للانديه سوف يكون باب الاعتراف الحقيقي للاعب السوداني كرويا.