المريخ يحبط ويخذل جماهيره ويخسر من زيسكو بثلاثية في دوري أبطال افريقيا
خاص – النيلين: خسر المريخ السوداني من زيسكو الزامبي بنتيجة 2-3 وذلك في المباراة التي جرت مساء اليوم على ملعب استاد المريخ بامدرمان .
وتقدم الفريق الضيف بهدفين منذ ربع الساعة الاولى في صدمة كبيرة للجميع خاصة جماهير المريخ.
واعاد ايداهور الامل للمريخ بعد ان احرز هدف في الدقيقه 30 من ركلة جزاء .
الا ان الامل عاد ليتلاشى بعد ان احرز زيسكو الهدف الثالث لفريقه من ركلة جزاء.
لينتهي الشوط الاول بنتيجة 3-1 لصالح زيسكو الفريق الضيف.
وفي الشوط الثاني احرز المغربي هدف ثاني جميل للمريخ من تسديدة قوية في الدقيقه 77 ليعيد الامل من جديد للمريخ وتمضي المباراة الى النهاية وفي الدقيقه 90 قتل حارس المريخ اكرم الهادي سليم آمال زملائه وآمال الجماهير بعد ان اعتدى على مهاجم زيسكو من غير كرة ليقوم الحكم بطرده من الملعب بالبطاقة الحمراء.
وحكم المباراة اضاف 6 دقائق وقت بدل ضائع لتحصب الجماهير الغاضبة الملعب بالحجارة وأطلقت الشرطة الغاز المسيل للدموع لتتوقف المباراة لدقائق ، ثم تستأنف ..
ليعلن الحكم عن نهاية اللقاء بخسارة مريرة للمريخ.
النصر اليوم بإذن الله حليف مريخ العز والمجد
سجّل سجّل يا سِجل التاريخ بالنصر المؤذر الحققو المريخ
الله اكبر والعزة للسودان والله اكبر والنصر لمريخ السودان ولا نامت اعين الحاقدين
لوانغلبنا في مبارات اليوم لاداعي للمواصلة مع الاماني القلبية بالفوز الكبير وانا اتوقع النتيجة4صفر للمريخ:eek:
النصر للمريخ بالتاكيد انشاء الله يلا يالنجوم اسطعي فوق سماء امدرمان ونوري لينا وعيدي امجاد كورتنا وكؤؤسنا المحمولة جواً عشان اغنيتنا النصر الحققوا المريخ لانو هو سيد البلد مافي غيروا صاح ياجيرانا الفي سوق البصل نحن سيد البلد؟؟؟سوال لكل من يقعد جنب سوق البصل ويشاهد المبارة لو عجبتم شديد يقرشوا بصلة تفوقهم :crazy: :crazy: ;( ;( 😡 😉 :lool: :lool:
اولا نسوق التهنئة لفريق الهلال على انتصاره امس ، كما هي امنياتنا بالنصر ذاته للمريخ مساء الليله . شخصيا اتمناها ثلاثيه نظيفه كي يتسنم المريخ المركز الثاني بفارق الاهداف عن كانو ، بس قولوا يارب ياالله .
لست بمدرب ولكن معذره دعوني اشرح وجهة نظري ؛ اعتقد طريقة : 3 ، 5 ، 2 أو
5 ، 3 ، 2 لا تناسب المريخ في هذا الظرف الحرج ؛ المريخ يحتاج الى تكثيف لعيبة وسط في منطقة صناعة اللعب بثلاثة لعيبة واحد على الوسط الايمن والاخر على الوسط الايسر والاخير من العمق خلف راسي الحربه بشرط ان تكون لهم القدرة جميعا على لعب كامل المباراة بلياقة بدنيه عاليه وفي ذات الوقت مع وجود اكثر من لاعب بديل جاهز لملأ الخانة عند الضرورة ؛ كما أن المريخ يحتاج هذا المساء الى اللعب بظهيري جنب ايمن وايسر ثابتين تماما لا يشاركون نهائيا بالتقدم اماما عند الهجوم وتنظيف مناطقهم اولا بأول ؛ هذا يعني اللعب بمحور واحد ثابت تماما امام الدفاع (قلبي الفاع ) ليس له أي مهام في صناعة اللعب ؛ اعتقد أن اللاعب الجوكر الان بالمريخ هو : الباشا ؛ لذلك وجوده بالميدان من اول اللعب مهم جدا وذلك لزوم تحريكه ( من دون فقد فرصة التبديل ) حسب سير المباراة ( تكتيكيا وتكنيكيا ) ؛ يعني يمكن تشغيله بالميدان في صناعة اللعب على الطرف الايمن كما يمكن وضعه على المحور (محور ثابت أمام الدفاع أو محور متحرك في صناعة اللعب أماما ) كما يمكن أن ينزل ظهيرا أيمن؛ أعتقد جازما أن قولي هذا هو تصحيح للخلل الذي وقع فيه المريخ في نهائي سيكافا أمام أتراكو والذي بسببه فقد البطولة ؛ قلة صناعة اللعب التي تحرز أهدافا.
ونأسف للاطالة .
عماد الدين محمد الحسن عثمان .
خمممممممممممممممممممممممممممسة / واااااااحد بس مع الرأفة
مزمل ابو القاسم دا يضيعكم.لا تبارو كلامو الما عندو معنى دا.تلقو الفى مرادكم ونحن سوا نرفع اسم البلد…الحفر الكتير دا يضيع البلد..ما فى داعى للمعافرة الكتيرة وما تحكوها لمن تجيب الدم ولا تسالو عن اشياء ان تبدا لكم تسوؤكم..وحاكو الهلال يامريخاب بشرط تكون ايدنا واحدة لكم الود والانتصار على ضيفكم..لكن نحن ما حا نعزمو زيكم .غالبكم تلاتة وتعزمو ترانا حكيناهو خمو وصرو.
الله يستر!!!!!
قوة سودانية مغربية نيجيرية مالية … ناقصة هلالية …. ههههههههههههه عموما نتمنى فوز المريخ ولو بهدف المهم الثلاث نقاط ….
انشاء اللة تتمنع فوز المريـــــــــــــــــــــــــــــــــــــــــــــــــخ بوس وشوف مريخ يعمل اية يا هلال هتشوفوا مريخ يعمل ايــــــــــــــــــــــــــــــــــــــــــــــــــــــــــة الف مبــــــــــــــــــــــــــــــــــــــــروك على المريخ فى الفوز الحالى
ليس هنالك مستحيل ان يفوز المريخ فهو احد اقطاب الكرة السودانية بقيادة هلال السعد الذي سلك الطريق فاليكن الفوز حليفكم يامريخاب ونحنا قلوبنا بيضاء زي هلالنا ومعاكم الرحمن انشاء الله ولا للعصبية التي تؤخرنا ولا نستفيد منها شيئا فلنكن سودانيين تنبض 😎 😎 😎 😎 😎 😎 😎 😎 😎 😎 😎 😎 😎 😎 😎 😎 😎 😎
ماعارفين نقول ليكم شنو يامريخاب لانو ديا مامكانكم 000 وتعالوا كل مباراة الجماهير 000 فضحتونا :crazy:
الهدف الثالث من ضربة جزاء وليس من هجمة مرتدة اصحوا ياناس النيلين
يجب تسريح جميع لاعبى المريخ لايوجد من نبكى عليه بل هم الذين ابكونا وفقعوا مرارتنا
كل الظروف ضد المريخ من اللاعبين والتحكيم وحتى المشجعين
:lool: :lool: :lool: معليش يا مريخاب الكورة غالب ومغلوب … ولكن ما شاهدناه من الجمهور (حصب الملعب بالحجارة (اصبحت عادة الصفوة عند الخسارة )عبر الفضائية شاهده غيرنا عبر الوطن العربى وافريقيا والعالم …. صراحة حاجة تزعل ومافى داعى لها … خليكم رياضين وبلاش تعصب … فريقكم يحتاج الى عمل كبير فى الدفاع والى دروس اخلاق للحارس الاول اكرم الهادى … والذى اعتبره اغتال المريخ فى تلك المباراة ولولاه لخرج المريخ اقلها بالتعادل !!!
دا قدرنا في المريخ
انو امالنا واحلامنا وجهودنا موضوعة تحت اقدام لاعبين لايقدرو المسئولية ولا حجم الصرف المبزول ليهم ولا بقدرو مشاعر الوالي البيصؤف من دم قلبو للعيبة ما بتساوي شلن يجي واحد زي اكرم يبدد احلام تلاتة ارباع الشعب السوداني، وبعد كدا الوالي كان قال ماشي ماعندنا وش نقوليهو ما تمشي يمشي ويمشو تلات ارباع اللعيبة ويجو غيرهم حتي يعود لنا مريخنا
abdalla110@maktoob.com
للتواصل
يستاهلون . باي باي البطولات
والله من قلبنا نناشد رجلى الأعمال صلاح إدريس وجمال الوالى الخساره الماليه البدفعوها قصاد لاعبى الهلال والمريخ لو إستوردو بيها دواء ملاريا صدقه للمساكين وربنا حايجعلها فى ميزان حسناتهم صراحه الكوره فى السودان من مامسك المرحوم زين العابدين المكرفون وقال لاهلال ولا مريخ وإلى يومنا هذا مارفعت راسها ولا إتقدمت ولعيبتنا البنيه الجسميه بتاعتهم ولياقتهم زيرو وفريق يهزم فريق 6صفر ويجى الفريق يقلع منو الكاس ده كلام مابدخل العقل بعدين نحنا وين مدربينا من الكره الحديثه نحنا لسه مع شرقت والكور الفى السماء الكوره صارت رسم على الملعب والتسعين دقيقه مابتشوف ليك باص عالى إلا عكسه أمام المرمى كفايه فضايح ياهلال مريخ وأحسن تتلمو وتدونا ميزانيتكم دعماً لمساكين السودان وأنا واحد منهم والسلام خير ختام (algndaty@yahoo.com
هاردلك يا جمال الوالي إنت الوحيد المحتاج للمواساة بعد كل المجهود والمال الصرفتو في لعيبة لايسو ملاليم . لا بد يكون في محاسبة لكل المقصريين البداية بوارغو الخازوق والشعيرية أكرم وباقي العصابة التي إغتالت فرحة جماهير أمة المريخ ولا تنسو مزمل أبوالقاسم المخدر وكذلك مازدا موديل 1930
المفروض بعد دا تدوا الفرصة للشباب أمثال السعودي 2 محمد كمال أكيد ما حيكونوا أكعب من ديل على الاقل ديل عندهم روح وغيرة مش لاعيبة لا روح لا مستوى ولا أخلاق
واللة حرام المريخ ينهزم وسط بلدة وفى ملعبه من فريق تعبان زى زيسكو الزامبى وكانت المبارة هى عبورة الى الامام لكن العيبة خيبة ظن رئيس النادى الوالى وخيبة ظن كل المشجعين السودانين بل كل العرب وكمان اكرم زاد الطين بلة كمان الجمهور المغلوب على امرة كمان بمبان واللة من زمان مسمعنا اسمة اللة يرحم المريج والجايات اكتر اكتر من الريحات ماشفتو الهلال كيف رفع اسم الكورة السودانية
(؟) (؟) (؟) (؟) (؟) (؟) (؟) (؟) (؟) (؟) (؟) (؟) (؟) (؟) (؟) (؟) (؟) (؟) (؟)
ياناس ارحموا جمال الوالى الرجل خسر دم قلبوا ولسعالحال مكانه لامقدم ولاموخر لانفع واروغوا ولافارق وانا شايف احسن تفارق من ان تستمروا فى المكابر واتضح ان الاعب وارغوا ذو امكانيات عالية فى اضاعت الاهداف والمراوغة الغير مجدية اما خط 18 ياردة :lool:
اكتب يامزمل قول الصدق كامل وخليك صادق فى كتابك:cool: 😎 😎 😎 😎 😎 😎 😎 😎 😎 😎 😎 😎 😎 😎 😎 😎 😎 😎 😎 😎 😎
كيف يفوز المريخ فى وجود مثل هذا الحكم الظالم بكل ما تحمله الكلمة معنى نعم تاخر المريخ لكنه عاد سريعا فابى الحكم الا ان يقصم ظهره بضربة الجزاء النى لا وجود لها الا فى راسه ثم نقض هدفا لا يشك فى صحته اثنان و لكنها افريقيا من 3\2 الى2\3 و يا سبحان الله
حارد ليكم يا مريخاب الابطال للابطال فقط
😎 نحن كجماهر والله الواحد يشكر الادادرة والمدرب علي اتخاذ التشكيلة المثالية
:lool: بعد الظلم الذي تلقاه المريخ من الحكم يظهر الحارس العملاق وحركاتة التي لم تنتهي يتسسب في خسارة الفريق باخطاء في غني عنها. نحن مع المريخ ولكن في اشا ء واستهتار من قبل اللعيبة واضح جدا (استيفن وارغو)418209
خســــــــــــــــــــــــــــــــــــــــــــــــــــــــــــــــــــــــــارة كبيرة غيرة متوقعة
التعويض في اشاء الله قي المباريات القـــــــــــــــــــــــــــــــــــــــــــــــــادمة:cool: 😎 😎 😎 😎 😎 😎 😎 😎 😎 😎 😎 😎 😎 😎
اعلام الضلال الاحمر انكشف على حقيقته وظهر نمور الورق وانكشف مزمل ابوالقاسم علي حقيقته وهذه نهايه كل حاقد ومبروك للمريخ الدافي صاحب الدينارات القليلة وانكشفت المواسير الفالصو
مبــــــــــــــــــــــــــــــــــــــــــــــــــــــــــــــروك للهلال
و بنقول للمريخ تعيش و تاخد غيىرها مع انه نحنا ما عايزين ليكم الغلب دا لكن نسوي شنو ما باليد حيلة و ظروفكم مستحيلة ,حد يضيع اقوان زي دي , اتلومتوا لكن !
ملحوقة , خلوا روحكم رياضية و كدا ما صاح ……
😉 ;(
حقيقة اليوم المريخ وبذلك الكم الهائل من النجوم الفالصو إلا من لاعبين هم أحق أن يشاد بهم أيداهور وعبدالكريم الدافي الذان نحس بأنهما هم السودانيين والآخرين محترفين من الخارج مهاره ومشاكسة وقوة قلب، لا كلتشي ولا وارغو والذي أثبت المريخ بأنه قد دفع فيه مبالغ على الفاضي ، وحقيقة أول شئ يجب أن يفعله المريخ ومن صباح الغد، او من بعد نهاية المباراة هو القيام بشطب حارس المرمى أكرم الهادي، وهو يطيح بآمال الملايين في تصرف غبي وأهوج في حين زملائه يحاولون كسب الزمن والخروج أقلاها بالتعادل ويصدر منه هذا التصرف الغبي جدا جدا، ةيجب الإلتفات الى اللاعب السوداني أعطوه من المال ربع ما يعطي للاعب لا يجيد التصرف ولا التهديف إلا في إهدار الفرض والفرفرة العوراء وأهدار الزمن بالمراوغة الكثيرة، وكذلك ماذا قدم كلتشي وريتشارد في طيلة فترتهما بالمريخ، لاعبين قد استنزفهما الهلال وإذا كان فيهما خيرا لما تركهما الهلال لقمة باردة للمريخ، ولا ماذدا ولا الكرواتي ولا واحد يقدر يقود المريخ إلا مدربا بيفهم .. نعم يفهم في توزيع مقدرات الاعبين على قدر الفيهم وقراءة الخصم قبل المقابله وطريقة اللعب واسلوب الطريقة التي تختلف من فريق لآخر وليس اللعب بنفس الحطة لكل الفرق..
وآخيرا برغم مريخيتي والتي تجري في عروقي ودمي لا أتمنى مواصلة الفريق بهذا المستوى المتدني في المنافسة بهذا الشكل المخزي والشكل السيئ، وإتجهوا الى الأعمار السنية أفضل من العجزة والمسنين الشايفنهم ديل.
وأهم شئ شطب اللعب أكرم لأن الرياضة أخلاق مش شلاليت.. يا أبو القيص
اولا محبط جدا ان يهزم المريخ ويجعل فرحتنا نحن الهلالاب ناقصة كنا نتمني ان ينتصر لتنتصر الكرة السودانية بعيدا عن المزايدات ومشاحنات التعصب الجماهيري وانا متاكد ان الشحنات العصبية دي في اطار المزاح فقط ولكن كلنا لم نرضي بهزيمة المريخ
ابعدو ماذدا عن المريخ بلا رجعة لانو فاشل في مجال التدريب في اي لحظة كان بعيد كان المريخ متحرك بفعالية لكن لما يقرب يبطل المريخ كأنو بطارية ضعيفة ياخي المازدا في السيارات مامرغوبة
كربو دفاعكم عشان تمشو لي قدام ;( ;( ;( ;( ;( ;( ;( ;( ;( ;( ;( ;( ;( ;(
انا هلالابي عاشق السودان بكل اطيافة وياريت كل الايادي تمتد للسودان والقلوب صافية وياهو دا وطنا فلا عزة بلا وطن 😎
اكل الموز ابو نقطه بتشعربو يا مريخاب
قالو المويه سبب الزله والتوهان
ياربى الرجم النجم دا سمك قرش ولاحوت فيضان
اولاد فكتوريا ضاقوا العزاب الون…وقسم باليمن اعلام الدلق سبب النكسه فى الميدان
اكرم ود سليم عين السمك مابدخل الاقوان…دى خيبه فيك والكريم علمان
الوالى الحبيب شد الحزام دا تمام…ماعندك لعيبه بسبتو فى الميدان ديل كيمان دلوق وشايلهم فيضان
رتب لى صفوفك وابعد الهلكان…والهتيفه زحهم من طريقك عشان تعيش بامان
ما هي شكوى مزيلمة الكذاب القادمة ؟ حارس مرمى زكسو هلالابى …………………:lool: :lool: :lool:
كل مشاكل كرة القدم فى السودان من الصحافة الرياضية التى لا تقدم النصح المفروض لم نقرانقدا يصب فى غيرجيوبهم جعلوا لاعب السودانى كمثلة من لعيبة العالم المحترمة التى تحترم المشجع والخصم مثال مازدا ماذا فعل مع المنتخب حتى يقود المريخ فى هذة البطولةاين مدرسة الهلال او المريخ السنية الاشبال الاشبال الاشبال هم مخرج الكرة الى العالمية النقد الهادف هو المطلوب اين الحقيقة هذا هو الهدف العقل ثم العقل هل تذكرتم مشاكل الصحافة من قبل مع كبتن مصطفى يونس ياريت نكون عرفنا حاجة
اولا نبارك للاْخوه الهلال فوزهم وتصدرهم للمجموعه وعقبال الكاْس انشاء الله
ثانيا:الشفناه اليوم دا لا ينتمي للكره.حارس كاْنه حارس ريال مدريد يرفس كانو في الحواري ومدرب يدعي مازذا لايعرف عن الكره شئ بالله عليكم رتشرد لو كان في صمره كان الهلال تركوا ليكم.وبعدين بادي بيه المباراه ومجلس لاْسانا في الاحتياطي والادهاء من ذلك امير دامر ملعبو الشوط الثاني وداير تغلب ياْخي امشي شوف ليك ليق دربو مش تلعب باْعصاب الناس.والشئ المخزي باقي الرمم ديل ما قدروا وقفت الجماهير الحاضره من الصباح للاْستاد جوع وعطش وشمش منتظرين ليهم نصر يشفوا بيه غليلهم.لكين انا اقول ليكم يامريخاب وانا منكم طول ما مازدا هو مدرب المريخ ما تنتظروا نصر اقيلوه وشوفو النتيجه.الله لا كسبوا لافي الدنيا ولا والاخره كان حرق اعصابنا.
&&الحلوين&&
رغم مريخابيتنا التي كنا نحملها حبا للمريخ منذ عهدٍ بعيد إلا أنه نقول اليوم مريخك فاشل يالوالي وأقول لعيبة المريخ ليس لديهم وطنية ولا مسئولية والدفاع فتة خاصة سفاري والباشا وهم يتمركزون في النص أكثر من الدفاع .. وأكرم الله لا يسامحه ضيع المريخ بتصرفاته الشنيعة ولا أدري ماذا يريد الوالي من أكرم وأمثاله وماذا يريد الوالي من فضلات الهلال الذي يبذل كل مجهوده ليضيفهم للمريخ وأصلا لو كانو نافعين كان إستفاد منهم الهلال قبلك يا استاذ أتمنى للهلال التقدم وكنت أتمنى أن تكون المباراة تعادل حتى يستفيد الهلال من التعال ويتصدر المجموعة بدون منازع .
الخسارة مرة شديد لكن الامر من ذالك تصرف اكرم الهادي الغير مسئول ياخي انت السبب في القون الاول والفريق مهزوم وباقي اخر خمسة دقايق تتصرف بالحماقة دي عليكم الله يا جماعة ده لاعب محترف المشكلة في تساهل من الجماعة الطيبين لانو غلطاته كتيرة لا تحصى ولا تعد وقلنا بتصلح لكن الظاهر العكس لميتن يا مريخاب توقف الهزائم دي
يا ميري خاب تحبوا نربط ليكم ( بانده ) :confused:
معليش معليش بس ما صاح تغلقوا اخطاءكم على شماعة غيركم …
بس و الله بالجد بنتمنى ليكم الفوز بس معانا ما حاتاكلوا موز :lool:
طبعا احنا نص بنهظر و الجايات خير إن شاء الله بــــــــــــــــــــــس ركـــــــــــــزوا
و ده اكيد ما معانا…
قال سيـــــــــــد البـــــــــــلد 😮 كلام الطير في الباقير ………………..ز
المريخ لعب مباره كبيره وجميله بس قرارات الحكم عاقت المريخ لتخطي الخصم وبالجد برغم الهزيمه المره والنتيجه الغير مرغوبه بالمرة الا ان المريخ لعب كوره عالميه وخاصه في الشوط التاني والبركه في الدافي بالجد جدير بارتداء شعار محترم زي شعار المريخ …
اما بالنسبه لي اكرم الهادي يستحسن ان ينظرو في امر هذا اللاعب بي جديه ودون تهاون لانه كان سببا رئسيا للهزيمه واخطاءه واضحه ولا يستحق ان يرتدي شعار المريخ العظيم.
وانشاء الله الامل موجود وبامكان المريخ تخطي هذه الازمه
انا هلالابي واموووووووووووووووووووت في الهلال واهنئ جماهير الموج الازرق في الضرب المبرح واتمني لهم المذيد من الانجازات واحييالنجم النجوم الكابتين هيثم مصطفي