نجوم الهلال يرفضون حافز الكاردينال ناقصاً
رفض نجوم الهلال تسلم الدفعة الاولي من الحافز الذي أعلنه قطب الهلال اشرف سيد احمد الكاردينال من مندوبه الاستاذ يوسف السماني الذي حضر لتسليمهم له في مران الهلال امس ولكن لاعبي الهلال اصروا علي عدم تسلم الحافز الا كاملا. وقام المندوب بتسليم50 مليونا للجنة تاهيل الاستاد نصف المبلغ الذي اعلنه لدعم منشآت النادي. وبناء علي اتصال هاتفي من رئيس النادي صلاح ادريس من جدة قام يوسف السماني بتسليم مبلغ 117 مليونا لامين خزينة النادي بحضور الفريق الطاش والاستاذ عماد الطيب حتي يستكمل المبلغ 400 مليون الحافز المقرر للاعبي الفريق.
ووعد الكاردينال باكمال المبلغ المتبقي لحافز اللاعبين ودعم المنشآت خلال اليومين القادمين حتي يساهم في رفع الروح المعنوية للاعبي الفريق قبل مباراتهم المهمة امام منافسه كانو النيجيري. في الجولة الرابعة لدوري ابطال افريقيا.
صحيفة قوون
دااااا كلام داااا يا الكرادينال حافز بالتقسيط داااااا يطرشنا ما سمعنا بيهو هههه بالله عليك خليك على قدر الوعد واعطى الرجالة حقهم عفااااااااااااااااااااااارم عليكم يااسووود الهلال
:lool: 😡 قودوين سيحضر …. قودوين لن يحضر … الخ …. والان الحافز كامل … الحافز غير كامل …. وبعدين معاك يا سى اشرف ؟؟؟
ياخي انت ما قادر على القروش بتعلن عنها مالك .. بعدين لعيبة الهلال القروش دي داقين فيها حجر دغش عشان تابوها ناقصة ؟
يا كباتن المثل بيقول (المال تلتو ولا كتلتو) أقبضوا الجاكم وبعدين طالبوا بالباقي 😎 😎 😎 😎 وبعدين يا كاردينال 400 مليون حافز أمال الراتب كم ؟ إنت شغال شنو ؟ الله يزيدك من نعيمو 😎 😎
زى البيدفع ختة البكاء بى شيك . والمثل بى يقول شحاد وقليل أدب . واللبيب بالإشارة يفهم