المريخ يوجه انذارا نهائيا لاكرم الهادي .. وطمبل يعلن الجاهزية
[/ALIGN]قام القطاع الرياضي ودائرة الكرة بنادي المريخ بقيادة كابتن عادل ابو جريشة باستدعاء حارس الفريق اكرم الهادي سليم لمساءلته حول طرده من مباراة المريخ قبل الاخيرة امام زيسكو الزامبي بام درمان وبعد الاستماع لافادات اللاعب قررت دائرة الكرة ايقاف اعانات اللاعب
الشهرية لمدة شهرين وتوجيه انذار نهائي للاعب والاكتفاء بفترة الايقاف في الفترة المنصرمة علي ان يعود لمزاولة نشاطه كما قررت اللجنة استدعاء المدافع امير دامر ومساءلته حول تعرضه للطرد في مباراة الموردة لوقت لاحق لعدم تمكن اللجنة من اخطار اللاعب بموعد حضوره وسيمثل اللاعب خلال الساعات القادمة.
حضور كبير لمجلس الادارة:
شهد مران المريخ مساء امس حضورا كبيرا من مجلس الادارة بقيادة نائب الامين العام متوكل احمد علي ورئيس القطاع الرياضي عبد الله حسن عيسي ومدير الكرة كابتن عادل ابو جريشة وابراهومة وحسن يوسف وطارق تفاحة.
[ALIGN=CENTER]
[/ALIGN]ومن ناحية اخرى وعقب مران المريخ مساء امس حرصت قوون علي الالتقاء بهداف الفريق الطوربيد هيثم طمبل والذي اعلن عن تماثله للشفاء وانه قام باجراء
فحوصات طبية مساء امس للاطمئنان اكثر واكدت الفحوصات الطبية سلامته واعلن الطوربيد جاهزيته لقيادة هجوم الفريق امام الهلال وتحقيق الانتصار باذن الله.
و
والله مفروض الشطب شويه فيكم اكرم ودامر ديل مش نافعين زى ابوكريش ومازدا
وفي قفف تانيه طمبل دا بقي اكبر قفه وموسي الزومه برضو قفه اما الخازوق الجقر هو ريتشارد ديل جميعهم صلاحيتهم انتهت
الله يكون في عون جماهير المريخ المقلوبه على امرها
بالله شوف اكبر فريق في افريقيا وحامل اغلى الكاسات والبطولات يتحكم فينا شويت جرابيع انحنا نجير الحيطه ويجى مازدا واكرم يشخبطوا فيها
الانزار مفروض يوجه للمدرب القدير مازدا والله كفاية كدا الراجل دا والله بودينا الاخرة ارحمونا عليكم الله .
دايرين نستمتع بالمريخ الماسورة دى عمرها ما بتودينا لى قدام
نكون طيش المجموعه او حتي طيش افريقيا ما مهم
المهم هو هزيمة الهلال
هزيمة طويلي السااااااااان
😉 😉 😉 …. الجاهزية كده مرة واحدة …اهلا بعودة الكابتن وقيادته لهجوم المريخ …. ولكن الانتصار ان شاء الله للهلال يا كابتن …. والف حمد على السلامة..
;( ;( صورة للاعب … لوحدها تستحق الانذار ….
اليوم داك لا ينفع طمبل لا غيره ، بس خلو حافظ شعيرية موجود ووارغو ملك التضييع ابو 3 مليون دولار
يا الدويحي يا أخوي أقصي طموحات أهل المريخ فعلا هزيمة الهلال لأنو انتصاركم علي الهلال في حد ذاته بطولة بالنسبة ليكم قال كاسات محمولة جوا قال …طبعا من السنة الجاية ح ترجعو لمكانكم في الكونفدرالية لأنو سيد البلد البلد رجع لمكانه الطبيعي وكاس الممتاز برضو اقل شئ 5 سنين عشان تشوفوه تاني