رياضية
الهلال ينهي المشوار الافريقي في المركز الثالث
أنهي الهلال مشواره في بطولة الاندية الافريقية الابطال في المركز الثالث بعد الانتصار الذي حققه امس علي مازيمبي الكنغولي بهدفي سادومبا.المعروف ان كانو بيلارز قد خسر ذهابا وايابا في نصف النهائي امام هارت لاند.
الهلال اول فريق افريقي يهزم مازيمبي في الكنغو
حصل الهلال بعد الفوز الذي حققه امس في اياب نصف نهائي بطولة الاندية الافريقية الابطال علي لقب اول فريق افريقي يفوز علي مازيمبي في الكنغو خلال السنوات الماضية.
واعتاد الفريق الكنغولي علي قهر الاندية الافريقية الكبيرة في ملعبه قبل ان يجرده الهلال من لقب الفريق الذي لا يقهر في لوممباشي.
وكان الهل ودع بطولة الاندية الافريقية الابطال مرفوع الرأس وذلك بعد فوزه امس علي مضيفه مازيمبي الكنغولي بهدفين دون مقابل في المباراة التي استضافها ملعب كينيا بلوممباشي في اياب نصف نهائى البطولة ورد اعتباره بعد خسارته في لقاء الذهاب علي ارضه بام درمان بخماسية. وسيطر الهلال علي مجريات الشوط الاول وسجل فيه الهدفين عن طريق ادوارد سادومبا وصام في الثاني عن التسجيل واهدر فرصا بالجملة كانت كفيلة بتحقيق فوز تاريخي علي الفريق الكنغولي يعبر بالهلال الي النهائي.بالنتيجة يخرج الهلال من البطولة بفارق الاهداف علي نحو ما حدث في موسم 2007 امام النجم الساحلي بتونس.
صحيفة قوون
😉 😉 😉 لعب الهلال…. واضاع فوز تاريخى على مازنبى … ورد اعتباره تماما من مازنبى الذى لا يقهر على ارضه … فاز الهلال وده كان (مهم) … وودع البطولة مرفوع الرأس … شكرا لابطال الهلال … وخيرها فى غيرها … ولينكتم الشامتين الحاقدين .
يا ناس قووون عليكم الله إختشوا
شنو يعني أول فريق يغلب مازمبي في الكنغو
نسيتو الغلبكم في المقبرة
فضيحة الخمسة صعب نسيانها
هكذا دائما الهلال يمرض ولايموت ولانامت أعين الجبناء
دائماً أنتم الأبطال أسود أفريقيا رفعتم رأسنا وأخذتم لنا بثأرنا ونلتم شرف أول فريق يهزهم مازيمبي في أرضة وعرفتكم أفريقيا كلها
أن كنا لم نبلغ النهائي فالقادم أحلي وليكن الإستعداد والإصرار للعودة الي النهائي منذ اليوم وليس غدا وحتما سوف ننال مبتغانا
وسوف نستقبلكم إستقبال الفاتحين الغانمين
ولا نامت أعين الجبناء الذين كانوا في إنتظار الهزيمة الثانية لكي يشمتوا وتتواصل أفراحهم التي لم تكتمل وإنكسر الدوش في اياديهم
أنه الهلال أنه الهلال أنه الهلال أنه الهلال……………………………………………..
توجد دائما انتصارات وهزائم وهم متجاورين فلا يوجد كمال فالكمال لله وحده
ويا اخي تتكلم عن الخماسيه وتنسا السباعيه الكانت بي عشره
وربنا يكدب الشينه الماجات مننا حقنا اخدناو الباقي عليكم وامسكو الخشب من حفر بورسودان وعطبره يا نجمه
انا ما عارفة لكن الهلال دايماً بكون مرتبط بخروف الضحية … انتو عارفين السبب ؟
ما لاحظتو انو الهلال بكون الضحية مع قرب حلول عيد الضحية
غايتو نصيحة منى ليكم حاولوا العبوا في عيد الفطر .. عسى ولعل تفطروا على خمسة قصدي على خير …
اه نسيت اهنئكم بالـ 2 … شوية رفعت من معنوياتكم … والله لو كنتو ماجبتوها ربنا وحده كان العالم باللى حايحصل … لكن ربنا لطف وستر ..
وتاني اوعكم تلعبوا في بطولات خارجية خليكم محلين قبلكم ومافي داعي للتهور ..
ولا شنو ياجماعة …:cool: 😎 😎
نحنا حناكلكم وحنضحي بيكم قبل عيد الضحية انشاء الله يوم 30 /10/2009
ارجوا الببببببببببببببببببببببببببببل
اود ان اقول الى الاخ رمضان احمد السيد مدير تحرير صحيفة قوون تعقيب على المقال الذى كتبه عقب المباراة ان هذا المقال لايمت الى التحليل العلمى بشى من المنطق وهو يتحدث عن قوة الهلال واين قوة الهلال واللاعب السودانى لايملك الشجاعة والخبرة فى مثل هذة المباريات واقول الى الاخ رمضان لو لعب الهلال مباراة الامس تحت ضغط نفسى لانهزم باكثر من خمسة لكن الهلال امس لعب بدون اى ضغوط لذلك لعب مباراة جيدة واقول ان هزيمة الهلال فى امدرمان السبب الرئيسى فيها هى ثقافة اللاعب السودانى وكيفية التعامل مع مثل هذة المباريات وهذةالثقافة للاسف معدومة عند اللاعب السودانى
الاخ رمضان للاسف الشديد الصحافة الرياضية هى سبب الكارثة لانها لاتنتقد اللاعب السودانى بل تسوق له المبررات الواهية مثل السحر وماادراك واذاكان هنالك سحر فى عالم المستديرة لفازت تشاد بكاس العالم وخلونا من النفخة الكذابة دى واقولها الف مرة اللاعب السودانى لايملك ثقافة النهائيات وبالواضح كدى الادوار الاولية وامكن نقول حتى دورى الاربعة
مع تحيات المفتش كورمبو
ياخوانا الحاجه الحارة ما في الخمسة الاخدوها الجماعة ديل الحاجه الحارة الاسطوره الكانت متوارثة عند الجماعة كلهم ضحايا المقبرة الكانو حاسبنهم من سنه اسكت وكل المباريات و التعادلات محسوبة بس الكور الوديه مامعانا لحد ما جاهم وفاق شطيف و الجماعة انسحبو بس للاسف المريخ برد ليهم الانسحاب بالسبعة الاخدها خارج ارضه اكرر خارج ارضة و انطبقت عليها الخمسة الحاره دي كلها اسباب للجعجعه الكتيييره دي و لما احرزو هدفين خارج ارضهم حسبوه انتصار كبير
عجائب والله (؟) (؟) (؟) (؟) (؟) (؟)
ولا امبيلى حيسحركم ولا ساكمبا حيفطركم صيام طول الدهر ;( ;( 😡 😡
والبركة في(( قروش الارباب سنار التحكيم شداد ومجدي والعمدة )) غير ديل الهلال ليق ليق ليق الليق الليق …………………………………..:crazy: :crazy:
كنا نحلم بان نحتضن كأس البطولة ولكن قدر الله وماشاء الله فعل واولاد الموج الازرق سيد البلد فعلو كل مايمكن فعله ولكن التوفيق رباني والجايات اكثر من الرايحات وموتو يا الشمات كنتو دايرين الهلال يهزم في مباراة الرد لكن ربنا ما اداكم مرادكم