رياضية
الجزيرة الرياضية ترفض نقل الدوري السوداني
في صفقة قياسية بلغت مليارين و750 مليون دولار تعاقدت قناة الجزيرة على شراء قنوات راديو وتلفيزيون العرب الرياضية (art ) من الأولى الى السادسة , ويسرى العقد إبتداء من 1ديسمبر المقبل. وكانت المفاوضات امتدت على مدار الاشهر الماضية ووجدت بعض العقبات بسبب بحث مصير العاملين في قنوات art الرياضية وسيصبح تركيز (إيه آر تى) منصباً في المرحلة المقبلة على بطولتى الدوري والكأس السعودي فقط .. أما باقي الدوريات المحلية التي تبث على شاشة art مثل الدوري السوداني والأردني والسوري فسيكون الموسم الحالي هو الاخير لها بعد أن رفض مسئولو الجزيرة الرياضية استمرارها ضمن البطولات التي تبث على قنواتها.
صحيفة الدار
لم يعلن عن الصفقة حتى الان و لا عن التفاصيل وبعض المصادر تقول أن الصفقة تتمثل في بيع كافة القنوات الرياضية مع كامل الحقوق لجميع البطولات ولجميع الألعاب بما في ذلك بطولات العرب وأفريقيا والخليج وكأس العالم باستثناء بطولة الدوري السعودي.
بلا دوري سوداني بلا فضايح ووجع رأس .وين اصلاً الكورة ومفروض زي دورينا ماينقلو حتى في الراديو.
واشكر القائمين على امر قناة الجزيرة على هذا القرار .
والله ليهم حق يرفضوا نقل الدورى السودانى بالله ناس منير امبدة وهيثم قارورة وصدام القدامى منو البدفع جنية واحد عشان يشوفهم……..بصراحة ناس الجزيرة طلعوا ناصحين
ما مشكله قناة اسبيس تون حتشتريو
أنا بستغرب لما أشوف الجمهور فى ملاعب السودان يهتف و يحرق أعصابة ..و يطلقوا على الأعبين أسماء و القاب لا يستاهلوها .. بالخط العريض كده صدقونى نحن ما عندنا كووة ..ممكن نسميها أى شئ تانى .. بس كورة لأ لأ لأ …لكن أرزاق. نقول شنو ؟
😉 الكورة السودانية بدت في تحسن مستمر بس مافي دعم من قبل الحكومة لو كان في دعم لكان الحال اتصلح اكثر من الان ومافي داعي قناه الجزيرة ولا القنوات الاخري تنقل الدوري السوداني قنواتنا المحلية ممكن تنقل لينا الدوري في اي مكان او نعمل قناة رياضية سودانية مثل الجزيرة وغيرها عندنا الامكانيات بس وين الدعـــــــم0
😉 الكورة السودانية بدت في تحسن مستمر بس مافي دعم من قبل الحكومة لو كان في دعم لكان الحال اتصلح اكثر من الان ومافي داعي قناه الجزيرة ولا القنوات الاخري تنقل الدوري السوداني قنواتنا المحلية ممكن تنقل لينا الدوري في اي مكان او نعمل قناة رياضية سودانية مثل الجزيرة وغيرها عندنا الامكانيات بس وين الدعـــــــم0
لاحول ولاقوة الا بالله . طيب ناس شداد حايبيعوهو لى منو ؟ 😮 😮 😮 😮
يعنى بالواضح كدة حتى لو فزنا بى دورى أقريقيا برضو محليين ..
;( ;( ;( ;( ;( ;( ;( ;(
بختنا نحن الغلابة والناس العاملين كرت يبلوهو ويشربوا مويتو :lool: :lool: :lool: :lool: :lool: :
بصراحة الدورى السودانى لاىستحق المشاهدة ماعندنا كوووورة بلاش فضائح :lool: :lool: :lool: :lool: :lool: :crazy: :crazy:
ههههههههههه والله حكايه … والله يا ناس الجزيرة بالغتوا مالو دورينا كدى عيبو لينا .. ناس وورغو و طمبجة ومرق ما بلعبوا كورة ؟؟؟ :lool:
هههههههههههههههههههههههههههههههههه والله لكن عجبتوني يا ناس الجزيرة بلا دوري بلا بطيخ هي وينها الكورة ذاتها يعني الكهرباء تقوم تقطع ليهم في نص المباراة ساي
انا بشوف الراديو احسن لانو كورتنا لسة كورة شراب
ما فى مشكلة ممكن نضيف لقناة سبيس تون والجزيرة اطفال ايضا قناة دولة جنوب السودان الجديد SSTV 😡 😡
والله الواحد ما عارف يقول شنو في موضوع الكورة السودانية لانه بصراحة نحن متوفين خالص في كورة القدم وما زالت كورتنا كورة عمم وجلالبيب وتنظير في الفاضي وفصاحة بدون نتيجة وقناة الجزيرة ليها حق ما ممكن تنقل ليها دوري ما نافع اصلا وكفاية قناة A R T جاملتكم شوية وادتكم فرصة والي هنا كفاية فضائح وانا يري انكم تحسنو كورتكم وتعملو لكيم قناة رياضية وطبعا هزا يكون باهتمام المسؤلين ازا كان في اهتمام بالكورة السودانية وعلي فكرة الدوري السوداني مافي واحد قاعد يشاهده غير السودانيين
والله احسن حاجه القنوات المشفره دى خلت لينا الدوري بتاعنا في حالو تاني نشوف كورتنا في قنواتنا المحليه ونرجع تاني لي ناس كمال حامد عمر النقي وهلم جر:lool: 😮
والله نعم الراي والعقل … كورتنا ما تستحق عالمية النقل … ناس ال الار تي اتورطوا في صفقة نقل الدوري السوداني … وبقوا ما مهتمين بيهو خالص ولا حتي بمريخ هلال في بطولة اليطال الافريقية … فكيف تشرب الجزيرة من نفس الكاس … تعرفوا حكاية الار تي مع الدوري السوداني زي الواحد عرسو ليهو غصبا عنو … وبعد العرس يضرب طناش ويشتغل بالعروس خالص … الحمد لله انو دورينا يرجع محلي …. ودا مكانو الطبيعي
تحياتي لك يا ابو نزار..
كلامك صحيح 100% .. انا فعلاً مستغرب من الناس البتمشي الاستاذ ويكونو واقفيين على حيلهم اكثر من 90 دقيقة وسط الزحمة والحر ..
تقول انحنا عندنا كورة .. شوف جيرانا المصريين وين ونحنا وين..
المشكلة في كراتين البيض المسؤولة الرياضة في البلد دي
طبيعي يا اخوانا معقول الجزيرة تنقل الدوري الاسباني والدوري الايطالي وتجي تنقل جنبهم مباراة من الدوري السوداني 😎 😎 خلاص ما تزعلوا أنا بكلم ليكم ناس الجزيرة ينقلوهو في (الجزيرة للأطفال ) بدل برنامج (كابتن ماجد) 😎 😎 😎 😎 😎
بصراحة ناس الايه ار تي كانو فاضين عشان يدفعوا فلوس وينقلوا الدوري السوداني نحنا ناس ما عندنا غير التنظير يجي كمال شداد ينظر ويدي محاضرات ويجي مازدن وغيرهم يتكلموا وينظروا وفي الاخر نحنا طيش الطيش نحنا بنشوف في الفيل ونطعن ضلو ما عندنا كورة زي الناس وما عايزين نعترف بكدة فالحين في انغخة الفاضية نحنا اسسنا الاتحاد الافريقي ونحنا اسسنا الكورة في افريقيا ونجي طيش الاتحاد الافريقي نغيب عن بطولة افريقيا 30 سنة ولمن نلعب فيها بعد ال 30 سنة نجي الطيش عليكم الله حسوا بالمسئولية شوية السودان دا كفاهو خلااااص قال واااااي يلقاها من وين ولا وين اتسوا موضوع الكورة دا واختشوا شوية وشوفا الناس من حولكم في مصر القريبة دي بيعملو شنو وحاولوا تعملوا زيهم الموضوع محتاج جراحة عاجلة ناس كمال شداد ديل اكان ما مشوا الكورة في السودان مابتقوم ليها قايمة