د/ شداد يجتمع بمدير سودانى ويوجه رسالة تحذير لقناة الجزيرة
يعقد الدكتور كمال شداد رئيس الاتحاد العام لكرة القدم السوداني جلسة محادثات ثنائية مع الاستاذ عماد الدين حسين المدير العام لشركة سوداني ويبحث اللقاء التركيز والاتفاق النهائي حول رعاية سوداني لبطولة الدوري الممتاز لهذا الموسم ويبحث هذا الاجتماع بعد
فشل اللقاءات السابقة بين مسئولي الجانبين في التوصل الي اتفاق نهائي بسبب تمسك كل جانب بشروطه ومن ناحية اخرى علمت قوون ان الدكتور كمال شداد رئيس الاتحاد العام قد ارسل امس خطابا شديد اللهجة لقناة الجزيرة الرياضية محتجا على تجاهلها وعدم اهتمامها وجديتها في تفعيل الشراكة بين القناة واتحاد الكرة وعدم التزامها بمنح المبلغ المتفق عليه كأقساط لنقل مباريات بطولة الدوري الممتاز مطالبا القناة بسرعة الرد والا سيكون الاتحاد في حل عن اي التزام وسيقوم بالمفاضلة بين العروض المقدمة له من التلفزيون القومي وقناة الشروق.
صحيفة قوون
بصراحة لايوجد دوري سوداني يليق بمستوى قناة كبيرة مثل الجزيرة هي مباراتان فقط الهلال والمريخ في الدور الاول وقد تكون المريخ والهلال في الدور الثاني اذا لم يحسم المريخ او الهلال الدوري مبكرا يعني يا شداد ما فيش فلوس ليك من قناة الجزيرة
كم ترتيب منتخب المريخ عالميا؟
كم ترتيب منتخب الهلال عالميا؟
كم ترتيب المنتخب الوطني السوداني عالميا؟
معقول قناة الجزيرة تنقل دوريك الفاشل دا ياشداد؟
إنت أطلع من الاتحاد دا وبعدين شوف الC.N.N براها حاتجي تطلب نقل الدوري السوداني
قناة الجزيرة تتستر بصمت عجيب لاندرى لماذا هل الدورى السودان ليس بالمستوى 00000 ؟ ام هل هناك مشكلة مادية بين الجزيرة والإتحاد السودانى.
يا قناة الجزيرة الشارع الرياضى السودانى والمتابع للكرة السودانية خارج وداخل السودان ومن غير السودانين يرغبون فى معرفة هل قناة الجزيرة تقصد تجاهلها وعدم اهتمامها وجديتها في تفعيل الشراكة بين القناة واتحاد الكرة وعدم التزامها بمنح المبلغ المتفق عليه كأقساط لنقل مباريات ام هناك اشياء خفية لا نعرفها
نريد توضيح من القناة على قنواتها الرياضية والأخبارية عن هذه المسألة إن كانت هناك شفافية بيينكم والإتحاد السودانى
نتمنى الا تنقله قناة الجزيرة أو غيرها حتى ينصلح حاله ياشداد ، انت ما بتخجل على هذا المستوى المتواضع وعلى الدوري الضعيف جدا .
دوري بلا جمهور بلا روح وحتى مباريات الهلال المريخ ، صدقني انا كان عندي اشتراك قناة الاي ار تي لكن لا اشاهد الدوري السوداني لأنه بصراحة ممل ولايشدك اليه .
حكاية الدوري دي يجب ان يكون ليها حل حتى تقوم الجزيرة بنقله .
كرهتنا الكوره ياعمو شداد ياربى الزول نزل معاش ليهو كم سنه( )
عليك الله اول شي احلق راسك وخل حاجة اسما الكورة لانك دودت فيها انت عمرك كم؟
تانيا السودان مافيهو كورة اقتنع بالحاجة الجزيرة قناة كبيرة مالا ومال الدوري السوداني هو المنتخب عمل شنو لحدي ماينقلولك الدوري كمان
نحن تعبانين شديد الدول كلها رافعا راسا بيكورتا ومنتخبا ونحن نتفرج
ماتمشي تتفق مع قنوات كبيرة زي دي ليدورينا انت مجنون ديل لاعبين تظهر في قناة الجزيرة ديل وسخ كورة مايعرفوها وبعده راكبين عربات كيف وصور في اي محل والناس جايطة هلال مريخ….هو في شنو ليه عشان شنو منتخب اتلطش لامن قال بس ده كاس الامم الافريقية مادخلا الناس كلها فرحت وتابعت منتخباتا الا نحن كلو بيسببك وغيرك من المشرفين علي الكورة فكنا بالله ياخي شوف شغلة غير دي
شداد معاهو حق
دورينا مش أقل من الدوري الأردني أو السوري أو الفلسطيني !!!!
ودي مسألة عقود والتزامات …. الجزيرة قناة كبيرة نعم ولكن عليها الالتزام بما اتفق عليه ومن واجب شداد الدفاع عن حقوق الاتحاد السوداني مهما كلف الأمر … أما مسألة ضعف الدوري فهذا موضوع آخر !!!
ياشداد ماعندك ميادين وملاعبك بتشرط العين يعنى خلينا كده نحن مستورين ولعيبتنا ديل فضائح والواحد كرعيه ذى الجرولاء من ضعفهم ياخ شوف حولينا نحن وين والناس وين وناس الجزيره خجلانين منك وماعايزين يحرجونا وافهمها بقى
أتفق مع الاخ /سامي حمدان ، معقول ياجماعة الجزيرة الرياضية تضيف الدافوري السوداني قصدي الدوري السوداني مع الدوري الاسباني والايطالي مببببببببببببببببببببببببببالغة زي ثلج إعلان سودانيييييييييييييييييييييي .