الارباب يمنع قناة الجزيرة الرياضية من متابعة المران

والله ليك مليون حق يا ارباب ، فمراسل قناة الجزيرة (ياسر العمرانى) مريخي متحيز وغير امين على حمل هذه الرسالة . قول للاخ ياسر انظر حولك لمراسلي الجزيرة وتعلم منهم كيف تكون اصول المهنة ولا يعميك تعصبك عن الحيادية . فانت مراسل لقناة عالمية يجب ان تنقل اخبار السودان دون تحيز لفريقك الذى تشجعه .
نحن معك يا ارباب ، ويجب ابعاد قناة الجزيرة عن كل الاحداث التى تتعلق بالهلال سواء كانت مؤتمرات صحفية او تمارين او مباريات حتى تقوم القناة بتغيير مراسلها المتحيز ياسر العمرابي .

والله لو لم اكن مريخابياً لوددت ان اكـون هلالابيـــاً لأجلك يا اربـــاب
رغم اني مريخابي علي السكين لكن هذا الرجل المدعو صلاح ادريس احبه جدا واكن له كل احترام وراجل فاهم كويس هو بيعمل في شنو وعندو عزة نفس اهل السودان بالجد راجل ونحنا معاك يا الارباب واتمني انك تترشح للاتحاد العام

والله حكاية تضحك ياصفيراب..بالله عليكم في فريق في السودان دا غير المريخ صاحب التاريخ والكأسات المحمولة جواً والاستاد الفخيم والمحترفين الماخمج يستاهل أن تنقل أخباره قناة الجزيرة؟
ولا فريقكم الباصاته بتقوم بالدفرة ورئيسه كل يوم في السجن وإستاده وسط زريبة العيش؟
فلس ومعاه فصاحة كمان..ماتخجلوا