رئيس الهلال يقرر الابتعاد ويقول اخطأت التقدير في اختيار عناصر المجلس
ادارت الاذاعة الرياضية 104 مساء امس حوارا شاملا مع الاستاذ صلاح الدين احمد ادريس رئيس مجلس ادارة نادي الهلال والذي اكد من
خلاله انه قد ارتكب خطأ كبيرا باعتماده علي اشخاص ليسوا في قمة النادي الكبير للعمل معه في مجلس الادارة دون ان يسميهم كما قال الارباب في ثنايا الحوار انه قرر اخذ قسط من الراحة والابتعاد عن العمل في مجلس الهلال دون ان يسمي ذلك بالاستقالة مؤكدا انه سوف يظل يقاتل من اجل الهلال.
واضاف بانه سوف يغادر البلاد اليوم رافضا ان يحمل الخسارة التي تعرض لها الهلال امام هلال كادوقلي للخلافات الدائرة بين اعضاء مجلس الادارة مشيرا الي ان اللاعبين ظلوا بعيدين عن الصراع مطالبا اعضاء المجلس بالرجوع الي الجمعية العمومية لحل الخلافات.
واصر الارباب علي عدم قانونية اقالة امين عبد الوهاب.
وقال انهم قد حاولوا تنسيق المواقف مع نادي المريخ في عدم اللعب بعد العودة من المشاركة الخارجية والغاء التاجيل بواسطة رئيس الاتحاد الا انهم فشلوا في ذلك كما رفض المقارنة بين استقالته واستقالة عماد الطيب وقال انه قد استقال في شان يهم الكرة السودانية وجميع الاندية وليس نادي الهلال فحسب.
وعاد بعد اتفاق اعضاء المجلس علي تبني القضية ولوقفة الوزير هاشم هارون وقال انه لم يخرج عن مواريث الهلال وتقاليده كما فعل عماد الطيب
صحيفة قوون
رئيس نادى يكذب على الجمهور الغبلان (القنبله جات القنبله ما جات القنبله حتنفجر لا ما حتنفجر — القنبله فى كافورى القنبله فى المنشيه — ولا لاعب تقيل ما اتسجل) ياخى خاف الله فينا وامشى من الهلال انت ومجلسك ماكنا طيش الدورى وماعندنا حاجه بس اسى عندكم القروش وما دايرين تدفعو وبتصفو فى حسابات فى الهلال .
2- كامبوس بيه — لو ما طار مافى خير بجى (امس تشكيله بالمقلوب وهاك ياصريخ اثناء المباراه) ويكفى فى عهده خسارة مازمبى الثقيله دا لو كان فى اى فريقى فى العالم كان اسى نايم فى بيتم ؟
3 – لاعبين لا يشبهون الهلال — خليفه — مساوى — امبيلى — الدعيع — بشه — مهند — كاريكا — احمد عادل (خليكم واقعيين ديل ما ناس حوبه) وياحليل قودوين — كلتشى — يوسف محمد ناس الزنقه .
4 – الاتحاد ماعليهو اى زنب (يا اخوانا الفريق البستاهل الدلال والاساثناء دا الفريق المنو رجا ديل يدلعوهم ويستثنوهم جابو ليكم شنو ) .
5 — بيعو كل ال scrap وجيبو بحقهم لاعب واحد ع مستوى ياناس
6 — غايتو قنعنا من الهلال والله العظيم
7 – مجلس ادارة متخذ من العمل فى نادى الهلال وجاهه اجتماعيه وكفى — يوم المباره كلهم يجو — يوم الدفع قول يازوقه .
والله انت ياصلاح مشاكلك كثيره وبصراحه انت ما الشخص المفروض يكون فى ادارة الهلال الهلال اكبر منك يا صلاح شعبطه عايز تتشعبط فى اى حاجه ( شاعر ……….كاتب ………تاجر …… فتوه ) ياخى انتى حكايتك شنو