محمد ميرغني : هل إعتقد طه سليمان نفسه رئيس الجمهورية ؟!

هو يا جماعة الزول فاكر نفسه فات الكبار والقدره .. ولا يمكن يكون الحرس بنات زي ما قلتو بودي قارات واول نشوف الانجليزي يجمع بصيغة العربي.. وياترى هل فاق اليافع هذا مكانة وردي ولا محمد الامين ولا احمد المصطفى ولا ابراهيم عوض ة الكابلي ولاعثمان حسين ووووو ولا الشفيع والقائمة طويلة ولا حتى الكانوا بيغنوا لفئة خاصة مثل حسن عطية وعبد العزيز داؤود.. والله ما يساوي رنة عود من واحد من ديل

دة ود مانافع ومن اسرة مفككة ومنتهية والحمد لله يمها ماجا ممشط شعروا والله المفروض الجهة المسؤولة عن الفن في السودان ترفض غناء هذا المخنس حتى لا يتم تقليدة في المشاط واللبس من اطفالنا

[SIZE=5]محمد ميرغنى وانته واجعك وين؟؟؟ بعدين ياخى انتو خلاص كان ليكم زمنكم دايرين تاخدو زمنكم وزمن غيركم عالم عجيبة[/SIZE]

الله يرحمك يا مصطفى سيداحمد والله كان اذا تغنى ب هاه الارض تغطت بالتعب …. ويرفع يدو كان القاعة كلها تكون واقفة….. مش ذي ديل الاصلا هم لا لا ينتمون للفن … الله يرحمكم يا عمالقة الفن

يا جماعة أنا شاهد عيان و حضرت الحفلة من القاعة مباشرة و للأمانة و بدون تحيز و اشهد الله على ما اقول. لم يطلب أبدا طه سليمان من الحرس مرافقته او يستنجد بهم و لو هو اصلا انسان غير متواضع و ما بحب يتفاعل من الجمهور كان بإمكانوا ان يلتزم بالوقوف بالمسرح فقط و ما يتحرك من مكانوا زي ما عمل عاصم البنا.
الحصل انو طه تحرك نحو الممر الذي كان يتوسط الصالة و يمر في منتصف كراسي الجمهور حتى اقرب للجماهير و يتفاعل معاهم بالغناء و الرقص بالرغم من انو الصوت كان ردئ من منتصف الصالة حتى آخرها و كان من الصعب عليهو ان يستمع للموسيقى و عزف العازفين و دي بالجد سببت ليهو بعض المشاكل خصوصا في انو ايقاع العزف كان بيوصلو متأخر و في نفس الوقت كان العازفين بعانوا من الوصول المتأخر لي صوت طه ليهم و بالتالي حصل اختلاف طفيف ما بين زمن الإيقاع و صوت طه سليمان و ده كلو بي سبب حبو للوجود بين الجماهير و في وسطهم.
المهم لمن وصل طه لي منطقة الجمهور من خلال الممر الموجود منتصف الصالة تفاعل الناس معاهو و البعض أخذوا الحماس و بداءوا بالخروج عن النظام و فيهم من أراد الصعود مع طه في الممرر لتصوير و البعض كان بيسحبو من البنطلون عشان ينزل معاهم و يرقص في نصهم و مع الأسف بعض النسوان و الفتيات كانوا برضوا عايزين طه ينزل من الممر او هم يطلعوا ليهو عشان يظهروا في الكاميرات او يتصوروا معاهو أثناء اداؤا للغناء و بالجد و دي حاجة أنا اشهد عليها انو طه لم يرفض و لم يحرج اي شخص طلب يتصور معاهو او طلب منو ان يحمل طفلو ليظهر في التلفزيون و كان قمة في التواضع و الإحترام لي كل الحضور.
مع الاسف كان هناك بعض المخمورين اللي حاولوا بي السبل تخريب جمالية الحفل و روعة التنظيم و حاولوا في اكثر من مناسبة الإعتداء على طه سليمان او شدو من الملابس حتى كاد ان يسقط في إحدى المرات مما إستدعى حراس الأمن التابعين للشركة المنظمة للتدخل و هم من جنسيات عربية مختلفة و على مايبدو انو الأوامر ليهم كانت مشددة خصوصا انو اي حاجة سلبية كانت حتصل كان حيرموها على راسهم و ممكن يتقطع عيشم بي سببها إضافة للعقوبات الكانت حتواجها الشركة المسئولة عنهم من قبل شرطة دبي و الدائرة الإقتصادية ناهيك عن عقوبات الشركة المنظمة.
و الله يا جماعة طه سليمان مظلوم و لم يطلب او يطالب أبدا بهذه الحماية بل هي الشركة المنظمة التي حالت دون وقوع ما حدث في الحفلة السابقة التي أحياها شكرالله عز الدين و احمد الصادق و ندى القلعة و التي كانت وصمة عار على جبين السودانيين المقيمين في الإمارات.

و بالمناسبة المخرج اللي عرض الحفل في التلفزيون كان ذكي جدا و عمل مونتاج لي كل المناظر السلبية دي