كوش نيوز .. أخبار السودان بين يديك

دولة الجنوب ترفض فك الإرتباط بقطاع الشمال



شارك الموضوع :

[JUSTIFY]فشلت إجتماعات اللجنة الأمنية المشتركة في التوافق والتوقيع على الجداول الزمنية بمصفوفة تنفيذ إتفاق التعاون المشترك . ووصلت كل محاولات التوقيع لطريق مسدود ، مما دفع باقان أموم كبير مفاوضي الجنوب للمغادرة بصورة مفاجئة الى دولة نيجيريا .

وبحسب مصادر فإن رئيس الآلية الأفريقية ثابو أمبيكي أجل مغادرته أديس أبابا وإنخرط في إجتماعات مع الوافدين لإنقاذ الموقف ، وكشفت ذات المصادر عن إتفاق الآلية والوافدين على التوقيع على إتفاق أمس الاول ، بيد أن الجانب الجنوبي تلكأ وظل يتهرب من التوقيع بأكثر من حجة مثل رسم مقترحات جديدة لكل إجتماع حول وضعية المناطق المتنازع عليها ، بجانب رفض الحديث عن عملية فك الإرتباط مع قطاع الشمال .

وأكدت المصادر موافقة الطرفين على الجداول الزمنية لتنفيذ مصفوفة الإتفاق بين البلدين ، ولفتت الى إصطدام الأمر بالتغيير المفاجئ لموقف الجنوب ورفضه لاحقاً التوقيع .

صحيفة الإنتباهة
[/JUSTIFY]

شارك الموضوع :

14 التعليقات

إنتقل إلى نموذج التعليقات

      1. 1

        يا اخي والله نحن الفارغين رفضوا يفترض يصدر قرار عودة الفريق المفاوض فورا ويخلوهم يحكوا راسهم ..
        لاشي يجبرنا على كل هذا ولنسعى لتحسين دخلنا وننسى ان هناك بترول في الجنوب ونحمل السلاح وندمر قطاع الشمال هذا ونرى ماذا يفعلون المسالة حسمها1+1 =2 شنو اللت والعجن دا

        الرد
      2. 2

        كلام واحد ” مافي فك إرتباط مافي نقطة بترول واحدة تمر عبر الشمال وبلاش كلام كثير ، وعلى الحكومة الثبات على هذا المبدأا وتأمين الحدود الجنوبية تماما وضرب الخونة والعملاء في كاودا وجنوب النيل الأزرق بكل قوة ممكنة وتحرير هذه البقاع الطاهرة من دنس العملاء والخوارج كما كان الوضع قبل إتفاقية بيفاشاونرجو عدم الإنبطاح والإنبراش لأن الجنوبيين أحوج مايكونوا في تنفيذ الإتفاقية وفك الإربتاط ” والماعاجبه ياباقان نذير الشؤوم يشرب من البحر ؟؟؟؟.؟

        الرد
      3. 3

        الحسم ثم الحسم ثم الحسم وكفانا مذلة .

        الرد
      4. 4

        ضعف شديد من جانب الحكومة ليس له مبرر ,,,,الكلام واضح من يوم ان قال سلفاكير و في وجود الرئيس البشير انه لن ينسي جنوب كردفان والنيل الازرق,,,,يبقي من اولها ما كان في داعي لجولات التفاوض الكتيرة و المسيخة.

        يا حكومة السودان الجنوبيون قادة زي الافراد ما بيجو الا بالدواس ,,,قصروا الكلام و استعدوا ساكت افتحوا المعسكرات و قوي الجيش و الدفاع الشبي الحليتو ده بعد ما غشونا الجنوبيون -اخر الزمن بالله -, رجعوه محلو واعلنوا الجهاد ,,,لا عزة الا بالجهاد , و لقد اثبتت الايام ان الحرب كانت افضل من (سلام الخوف) الامريكي ,,, ولو علم الامريكان ان في السلام خير للسودان لم او قفوها,,,اعلنوا الجهاد و بترجع الامور ,,,و اصلا الحرب جاية جاية اخير نحسم الامر بدري و نقصقص الجنحين قبل (الطيران) يحصل …و بعد ده قلوا للغرب لحدي هنا و كفا , لا امريكا ولا منظمات و لا امم متحدة و لا غير ما عندو شقلة بينا. فكونا نا الشقلة دي و اطلقوا يد اقوات المسلحة و المجاهدين ,,,لأنو ده الشارع الوحيد قام السودان

        الرد
      5. 5

        [[B]SIZE=5][COLOR=#0300FF] ينصر دينكم … ونحن حقو نصر على عدم فك الارتباط بالمدفع والدانة والكلاش … ما دايرين بترولهم ده … وبلدنا كبير وخيرو كتير مكفينا … خلو الوهم ديل يشوفو ليهم مكان يصدروا بيهو بترولهم …. وارى حتى لو اعادوا الضخ نكمل ليهم قرةشهم دى فى حروب ميدانية ونفسية … وتعمل على افقارهم ولا ننسى الوصية ( نشتري غاباتهم لعمل مصنع للعصى قبل ان نشتريهم ) يعنى جلد ساكت …

        ومن جعل الغراب له دليلأ يمر به على جيف الكلاب وبالبلدى كدى الببارى الجداد بيوديهو الكوش … خلى عرمان السجمان … وباقان الحيوان … الحلو (المسيخ الدجال ) و الاهبل حقار ينفعوهم …

        فى نفس الوكت المفروض الحكومـــة تعيد ترتيباتها وتحاسب كل من يتطاول على امال العام وصدقونى لو حاسبت زول واحد الفئران ستختفى … اما محاكمات تجار العملة فقط كل من يحمل دولارأ واحدأ من غير اثبات فقط يصادر وخليهو يمشى يرفع دعوى الى ان تحسم المحكمة امره تكون الدولارات من نصيب احفاده…

        عاوزين حكومة جادة[/COLOR][/SI[/B]ZE]

        الرد
      6. 6

        سبحان الله-اخر الزمن حتى باقان اموم بقى يصول ويجول ويوفق ثم يرفض-والسبب كله هو من وفدنا المفاوض-قبيلة النعام كما سماها الاستاذ/الطيب مصطفى-المنبطحون المنبرشون-خليناهم لله

        الرد
      7. 7

        وااااااااااااااااااااى … وااااااااااااااااااااااااى … احححححححح سجم خشمى يا يامة .. وسجم خشم الشعب السودانى … ورورووووك اللحقونا يا خلائق .. تستاهل يا شعب عشان ضايق المر وساكت .. وعفارم عليكم يا جنوبيين القدرتو تركعوا اسايدكم زمان وتخلوهم يجروا وراء توقيعكم .. الترابة التملى خشمك يا سودان

        الرد
      8. 8

        يا حكومة بلاش إنبطاح أكتر من كده ، خليكم في شمالكم ولما يقبلوا بفك الأرتباط يجوكم في محلكم.

        الرد
      9. 9

        يجب اغلاق الحدود وفورا واعلان الجهاد في الحدود واعلان الحدود منطقة عمليات حربية لادخول ولاخروج وخليهم في ضلالهم وعدم التفاوض معهم مرة ثانية والثبات على تغيير النظام والتفاوض مع العقلاء الرهيفة التنقد .

        الرد
      10. 10

        من زمان قلنا ناس الخرقة الشغبية ما ناس مفاوضات ولا إتفاقيات هم مستندون لأمريكا وهي تنفحهم بالأفكار كل فترة ، عشان كدة ما حيتفقوا ولا حيوقعوا أي إتفاق معاكم، وخلاص القصة بقت( حجوة أم ضبيبينة) وما ح تنتهي أبداً بالصورة دي . المفروض بعد كدة الكلام يكون بالحسم وهم عايزين يوقعوا وللا خلاص مافي مفاوضات ولا لعب عيال وإنتوا لا تضعفوا لأمريكا ولا لجنة أمبيكي وإنتوا ناسين إنه الحق معاكم و للا شنو؟ والتاريخ معاكم والمستندات بإيديكم بحدود 1956ودي كفاية لإثبات موقفكم و إلا يكون في رأي تاني و ماعايزين الشعب يعرفه؟ المهم المفاوضات دي لازم تنتهي وخلاص كل شئ ليه حدود؟ وباقان سافر فجأة نيجيريا عشان يفتح مفاوضات جديدة ووساطات جديدية بقيادة نيجيريا ، يعني المسألة ح تجر لأبد الآبدين بلا نهاية، وهم وأمريكاعايزين يقطعوا نفسكم بالتفاوض وفي النهاية تعجزوا وتوقعوا على الشئ ال هم عايزينه. إذن يجب إيقاف التفاوض العبثي وحسم الموضوع نهائي. ما في غير كدة ولعنة الله على بترولهم والله الغني عنهم.وما ننسى وفد الكنجرس الأمريكي لاما زارهم قبل أيام وقال ليهم صدِروا بترولكم عن طريق إثيوبياوهذه خدعة منهم عشان تركضوا وتنبطحوا ليهم وتوقعوا على ما يريدون. إنتبهوا ولا تُلدغوا من جحرهم مرة أخرى.

        الرد
      11. 11

        لا أدري لماذا اصرار الحكومة على المفاوضات التي لا طائل من ورائها. وهل ستنهار الدولة بعدم بترول الجنوب ؟ حتى لو وافق الجنوب بفك الارتباط سيكون ذلك تكتيك مرحلي فقط وكلنا سمع بالحلول التي يقترحها الغرب لهم مثل نقل النفط عبر الشاحنات أو انشاء خط انابيب . علي الحكومة ات تعلم وتتمسك جيدا بحق الدولة ( آي دولة ) في بسط سيطرتها وسيادتها على حدودها . فلا يعقل ان ينفصل الجنوب ونطلب منه مساعدتنا في بسط امننا وهو الراعي الرسمي للحركة الشعبية . هل استعان الجنوب بالسودان في تذويب عضوية المؤتمر الوطني من الجنوبيين مثل موسس مشار . لقد فرض عليهم سياسة الامر الواقع بما انهم مواطنون من الجنوب . ارجو ننسى اي تعاون مع الجنوب يكفينا ما نجده من استفزاز لا يليق بسمعتنا كبلد عريق . عاش السودان لكل السودانيين .

        الرد
      12. 12

        اخوتى الكرام ما دام هنالك تمسك بالجنوب الكردفاى وجنوب النيل الازرق فيجب استقلالها فهى اجابية كبيرة فتعالو نستثمر فى ابنائنا ولو انو الجنوبيين برضو ابنائنا ……اما السلبية فى ان الحرب لا تحل المشكلة وتعمقها وتفقدنا جزء كبير من الارض والعرض …….المشكلة داخلية اكبر من خارجية وبلاش وضع الرؤس فى الرمال الحل اقرب من ما تتصورون……….الان الدولة عندنا أضعف مما تكون ولو سألت اى فرد للدفاع عن الوطن سيقول لن ادافع عن الفساد ….فاصبح الكل يعرف الفساد فتعالو نبدأ من انفسنا …..والله يهدى الحاكمين

        الرد
      13. 13

        هانت الزلابيه
        اب جضوم الحشري ده لقي الرجال ماتوا الزبير
        و شمس الدين وغيرهم من الرجال الماتو قضاء و قدر و لا مع سبق الاصرار و التخطيط والترصد مش معروف !!!!
        ولقي
        من سلموا الجنوب ف طبق من ذهب للحشرات
        الشعبيه ولازم كان استقيل بدل ما اوزع الضحكات

        المطلوب رجال اقوياء للمفاوضات

        الرد
      14. 14

        متى ترحمنا الحكومة ووفدها المفاوض من هذا العبث الذى يسمى المناطق المتنازع عليها….وان المرأ ليتساءل على ماذا اتفق النائب الاول ابان سيئة الذكر نيفاشا….وعلام يهلل الوفد المفاوض انهم قد اتفقوا على كثير من نقاط الخلاف…وواضح ان الموضوع اراد له مهندسوا نيفاشا منذ البدايه من امريكان والمان ان يظل هذا النزاع بلاحل…اعتقد ان حمكومتنا عليها ان توقف هذا العبث ….وواضح حتى فى هذه الجولة ان حكومة الجنوب غير جادة فى حسم هذه المواضيع التى اورثتنا لها غفلة نيفاشا حين وقع مفاوضونا قبل ان يحسموا موضوع الحدود…كماان امرها ليس بيدها بل بيد محركيها الذين هدفهم النهائى تفكيك هذا البلد ان لم يدخ بيت الطاعه الغربى….

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.

    سودافاكس