[ALIGN=JUSTIFY]تنعقد غدا بوزارة الخارجية جلسة مباحثات سودانية امركية برئاسة د. مطرف صديق وكيل وزارة الخارجية والسيدة جنداي فريز مساعدة وزيرة الخارجية للشئون الافريقية وقال السفير علي الصادق الناطق الرسمي باسم الخارجية ان المباحثات ستناول العلاقات الثنائية بين البلدين وقضية دارفور بجانب سير تنفيذ اتفاق السلام الشامل والانتخابات الامريكية واضاف الناطق الرسمي ان زيارة المسؤولين الامريكية تأتي في اطار الاتصالات الجارية بين البلدين من اجل مناقشة انجع السبل لازالة الخلافات والعوائق من طريق العلاقات الثنائية وتطبيعها قائلا ما تبقي من وقت للادارة الامريكية الحالية لا يسعها لعمل شئ كثير في هذا الصدد ولكن الحكومة من جانبها تود الاحتفاظ بقوة دفع هذا الحوار علي اساس ما يتوصل اليه من نتائج يصبح قاعدة لاى حوار جديد ياتي في ظل الادارة الجديدة وتشير سونا الي ان المسئولة الامريكية ستلتقي بعدد من المسؤولين بالدولة علي راسهم الاستاذ علي عثمان نائب رئيس الجمهورية والدكتور نافع علي نافع مساعد رئيس الجمهورية.
من ناحية اخرى كشف وزير الخارجية دينق ألور عن قيام وفد من الحركة الشعبية بزيارة لفرنسا للقاء قيادات حركة تحرير السودان برئاسة عبد الواحد محمد نور في إطار الاتصالات التي تجريها الحركة الشعبية مع قيادات الحركات المسلحة في دارفور بشأن المبادرة العربية الأفريقية برئاسة دولة قطر و قال الوزير ألور في تصريح خاص لـ (سونا) أن وفد الحركة سيتوجه إلى باريس خلال الأيام القادمة ،و سيجري اتصالا مباشرا مع عبد الواحد محمد نور بهدف إقناعه بقبول المبادرة العربية الأفريقية
وأوضح أن الحركة بصدد إجراء اتصالات مع كافة الفصائل الدارفورية المسلحة من أجل إشراكها في المبادرة .[/ALIGN]
وااله كلامك صح 000
وانتو زاتكم يا ناس النيلين بتاججوا للانفصال باين عليكم000
اذا كان ناس الحركة بختو علمهم انتو ليه دايما مع اي خبر تنزلو علم الحركة؟؟؟؟؟؟؟؟؟
انا لما اشوف علم الحركة الجن بيركب في راسي و, دا شنو الغباء النحن فيه دا كل يوم ظهور هذ العلم يطغى على علم السودان ، واذا المحادثات سودانية امريكية وزفتية ليه ما تختوا علم السودان
نحن سودانيين وعلم السودان بمثل كل السودانيين شمال وجنوب وعلم الحركة بمثل الحركة فقط زى علم حزب الامة او حزب الموتمر الوطنى فما هو الداعى ليكون علم الحركة متقدم لخبر يهم كل السودانيين طيب ليه ماكان يكون علم الموتمر الوطنى اذا كان علم السودان ما عاجبكم
كلام الاخ المعلق على علم الحركة يا اخوانا نحن سودانين مما ولدونا بنعرف حا جة اسمها علم السودان علم واحددلوقتى فى كل موضوع علم الحركة فى المقدمة بعد شوية تتم الاتفا قية مع اخوانا فى دار فور والاخ عبد الواحد بكرة يطلع علم جديد يا اخوانا لابد من الوحدة ولابد من حل مشاكلنا لنكون قوة ضاربة فى وجه كل معتدى
انا ما عارف اخونا ( مخ مافي ) ده زعلان كده ليه.. خلي روحك رياضية شوية يا بريش .. و شكراً علي الإعتراف الصريح ( كل يوم ظهور هذ العلم يطغى على علم السودان ) .. الموضوع ببساطة لأنو علم السودان الحالي ده ما حصل فيه استفتاء .. يعني نميري قرر يغير علم السودان القديم بتاع الإستقلال فجادت قريحته الفنية بالعلم الذي تراه اجمل من علم الحركة .. طيب ما تترك للآخرين فرصة يشوفو العلم البعجبهم برضو .. و بأمانة علم الحركة دة أجمل من علم نميري .. و ممكن نحاول نغوص في معاني ودلالات الألوان والأشكال في الأعلام الثلاثة .. علم الأزهري _ علم نميري _ علم قرنق..
حاول خلي روحك رياضية عشان ما تنتحر لما تشوف سلفا رئيس جمهورية و عرمان وزير داخلية و باقان وزير دفاع 😀