استقالة جماعية لمجلس إدارة المريخ السوداني .. وغرامة مالية على الحضري

بصراحه كده لا هلال لا مريخ نافع (هههههه) ما تمشو بعيد.

كرتنا زى ملاعبنا. فى السودان الواسع ده ما عندنا ملاعب . الناشئ يتدرب فى ارض ترابيه او نصفه نجيله والنصف الاخر تراب وحتى استاداتنا على مستوى الاستادات الرديفه فى الدول الاخرى .
البنية التحتيه للرياضه السودانيه هشه وبلا اساس . الاهتمام بالفئه السنيه معدومه والشباب والاولمبى كذلك . اللياقه البدنيه لللاعبين ضعيفه . الاهتمام بالاعب الموهوب معدوم ايضا . يعنى بصراحه كده كورتنا ماشيه بالعافيه .والعافيه مش دائمه .
افتكر احسن طريقه لتحسين مستوى الكره السودانيه خصخصه الرياضه وبلاش الاندية المعدومه ماديا لانه الرياضه بقت استثمار واستثمار ممتاز كمان .
مواهب سودانيه تموت لقلة الامكانيات او يحطم فى الاندية الكبيره او المتوسطه وبالتالى يؤدى الى تدنى المستوى اللياقى والفنى .والدليل ما شفنا ولا سمعنا انه لاعب سودانى بقى تحت الاضواء ولا حتى جاه احتراف من الدول الفقيرة . مصر القريبه دى ما عندنا فيه لاعب سودانى وحتى اثيوبيا ما عندنا
فيها لاعب محترف وعايزين تنافسوا فى البطوله الافريقيه وتشيلوا الكاس ده حلم .
المشجع السودانى تعب يا جماعه وضغطهم ارتفع وحتى الاطفال والشباب بقوا يائسين من الكوره السودانيه وبقوا يهتموا بالكره الاجنبيه . فكونا من المسلسل دى وشوفوا ليكم ميزانيه محترمه تحسن من مستوى الكره السودانيه .

وعصام الحاج نفسه راجي شنو ما يقدم إستقالته قبل الآخرين ، ألم أقل لكم أنه منافق ووصولي وانتهازي لا يترك أي فرصة إلا واغتنمها لصالحه فقط ، والله ما عندو قضية بالمريخ ولا نادي المريخ الموضوع فقط مصالح شخصية لنفسه وقد إغتنى من الأجهزة الكهربائية من السعودية التي كان يسلمها لللاعبين عند العودة من أي مباراة من السعودية ثم يستلمها منهم في الخرطوم وهكذا يعمل في المريخ لنفسه ولنفسه فقط يجب أن يقيله المريخ قبل أن يقدم هو استقالته فهو لا يصلح وجزء كبير من فشل المريخ على عاتق عصام الحاج – وكفاية أنانية وكفاية عليك وصولك لسالومي اطاليا.