العجب يطالب بتناسى تداعيات القمة ويقول: ماحدث إنتهى داخل الملعب
طالب قائد المريخ ونجم المنتخب الوطني فيصل العجب بعدم تحميل الأمور اكثر مما تستحق في الموضوع المتعلّق بالمشاحنات
والملاسنات التي حدثت أثناء لقاء القمة الذي جمع الهلال بالمريخ يوم أمس الأول في نهائي بطولة الدوي الممتاز وقال اللاعب الذي تحدّث لصحيفة (قوون) أمس أن الشد الذهني والعصبي الذي يرافق مثل هذه المباريات الكبيرة يؤدي إلى العديد من الانفعالات التي تنتج عنها مثل هذه الأشياء وأكدّ العجب أن الكثير مما يحدث داخل الملعب ينتهي باطلاق الحكم لصافرة النهاية لتبقى بعد ذلك روح التسامح والتصافي بين اللاعبين الذين تجمع بينهم العديد من الاواصر والصلات ، وأضاف قائد المريخ أن الأمور بينه وبين البرنس هيثم مصطفى الآن على مايرام منوهاً إلى أنّ ماحدث في المباراة أنتهى داخل الملعب ولم تكن له أي آثار خارجه ، وفي سياق ذي صلة أعرب العجب عن سعادته وسروه بالتتويج ببطولة الدوري الممتاز بعد غياب دام لخمسة مواسم وقال أن هذا الانتصار له طعمه الخاص لأنه جاء بعد انتظار طويل
والله كبير ياعجب فلك التحية والتقدير وستظل كبير لانك تحترم الغير واتمني ان يدوم الود بينك والبرنس ابدا
هذه هي الروح اللاعبين الكبار هكذا دائماً .
ولكن أقول لكابت العجب هل ستتمكن من رفع كاس الدوري مرة أخرى لا أعتقد
مع السلامة ياكابتن;(
والله دى الاخلاق نعمه القائد عشان تعرفو انو المريخ لاعبيه صفوه وجمهوره
صفوه والف مبروك الفوز ببطوله كاس الممتاز وعقبال كاس السودان والف مبروك
للززززززززززززززززززززززززززززززززززززززززززعيم مره اخرى
نعم هذه هى الصفوة لعيبة وجمهور .. العجب امبراطور الكرة السودانية فلذلك مهما قال فيه الذين لم ينالو مكانه لم يكن مؤثراً فيه لانه كبير والكبير كبير ….
تهانىء الى كال عشاق المريخ بالفوز بكاس الدورى ، هههههههه :lool: طمبلا يا طمبلا ….. طمبلا جاكم بلا ..;)
مبروك الكاس اولا ولك التحيه ايها الملك الخلوق ولكل جماهير المريخ العظيمه
اصلا في ناس كدا عايزين جنازه يشبعوا فيها لطم و عادي الملك ابو البرنس و بعدين زي ما قال اصلو الكوره كدا لكن يا عجب بيني و بينك انت قلت للبرنس شنو ؟ و خلاهو إضايق انا متاكد انك قلت لي حاجه زعلتو لانو كان بتكلم بي حرقه
رحم الله رجلاً عرف قدر نفسه ،،، يا العجب انت ملك الكرة السودانية واسطورتها وقائدها الى غانا وانت كابتن الفريق حتى ولو لم تضع الشارة فلا تنتبه للمهاترات فالمريخ والمنتخب في انتظارك لتقودهم للمنصات القارية :lool: :lool: :lool:
اذا كان العجب كبير زي ما بتقول يارزقة ما كان بلاسن كابتن السودان فواجب على كل لاعب في السودان بما فيه عجب احترام كابت السودان وتفاحة الكورة السودانية القائد البرنس هيثم مصطفى كرار
بارغم من هلاليتى الا ان العجب اثبت الكبير كبير ومهما حولو التقليل من تصرف هيثم مصطفى فيبقى سقطة لا تنسى لا اخلاق ولاكورة
العجب طويل القامة عالي الهمة مرهف الحس ذوق وأجب وأخلاق عالية . هذه الصفات وحدها تجعله من بين أفضل عشرة لاعبين في الوطن العربي وحتى من أفضل (6) لاعبين شهرة في العالم . أدام الله عليك هذه النعمة ، والكبير كبير يا عجب .
كما نقترح ونطلب من القيادة الرشيدة التي يدير دفتها المشير عمر البشير أن يصدر مرسوماً (بأن العجب ثروة قومية يجب المحافظة عليها) .
نحن اولاد ازيــرق لانرضى الحقــاره ، والبرنس العظيم عـرف ان الامــور فيها عــدم انصــاف ، ومناوشــات وتســاهل ولازمـن بدل ضائع ، وهــو يــدافع عن حقــه الذي يســلب ويســرق امام عينيــه وهو اللاعـب ومسـئولية الشاره الكبتنيــه دفعتــه لذلك ، لانها مسئوليه عظيمــه امام ادارته وزمـلائه وجمهـــوره العــريض داخـل الاسـتاد وخارجــه ، وبذلك زادنا ثقــه بانــه يدافع عن الحقـوق وهــو المفــوض الوحيــد ، كـــــــذاب واحـد يقول انه ســمع الحوار أو ترجمتــه الترجمـه الصحيحـه ، واحتمـال يكون شــكا ليـه ووضح للعجــب عن الظلم الحــاصل الواضــح ســواء من ادارة الحكـــم او من الاجــواء المحيطــه التى يــدرون بهــا الاثنــين مع بعض بغضــب واضــح …
نحـن في الهــلال دائما اللعـب النظيــف شــعارنا ، ولاتصــدر مناوشات وشكاوي متكرره او اعتراضــات مع الحكم او مــع الخصــوم ولا نوجــه الحكم لاصــدار الكروت ضــد الخصــوم ( هــذا عيبنــا )
اتمنى ان تسـتمر النــديه بين الفــرق جمعــاء وان يصفـو التحكيم لابـراز المواهب ويتطــور دورينـا بالمحبــه والسمــاح وتبــرز مواهـب مدفـــونه وان يصــفو النفـوس ، وكل شئ يصـب في وعــائه والخلافــات لاتتعــدى مغرافها لكي لاتكون سرطانا يقضي على الاخضــر واليــابس …. والله ولي التوفيق .
شكرا للنيلين التى تسعى لذلك .. وشكرا لهذه المساحه ..
اولا مبروك للمريخ الكأس 0 ثانيا العجب لاعب كبير ايضا البرنس 0 والموضوع انتهى داخل الملعب كما قال العجب 0 طبعا ناس مزمل لقو ليهم موضوع
اثبت للجميع أنك ملك الملوك وسلطان زمانك بهذا الرد للجميع ولمن يريدون (اشعالها) وللاسف الصحافة الرياضية
لك التحية يالعجب وانت العجب فعلا
كورة وأخلاق يا عجب !! إنت فعلا (الملك) 😉 😉 😉 وأتمنى فعلا أن يكون ما حدث بينك وبين البرنس (ذكرى منسية وقديمة) 😎 😎
يا جماعة أصحابين المشكلة الاساسيين نسوا الموضوع وبقوا زي الحليب والقشطة ما بتفرقوا الا اذا نزعوهم من بعض. فلا تكونوا كمن ينزع القشطة من الحليب.
والاتنين والله خلوقين ومبدعين بس في النهاية هم بشر. نحن الهلالاب نقول البرنس ولدنا والعجب كما والله عجبنا والاتنين بيمتعونا والله يحفظهم لينا. بالله قولوا آمين وباركوها.
لكن كون المريخ شايل الكاس بفارق النقاط – أقصد بفارق التحكيم – دا مش ذنب العجب. بعدين خلوهم يفرحوا شوية. نحن السودانيين طول عمرنا بنحب الخير للجار مالكم يا هلالاب عاوزين تنسوا إنو الجماعة جيران! قاسموهم الفرحة وخلوا الدنيا عيد طالما نحن متأكدين حنقلعها منهم تاني. واحد سقط في الامتحان سنة واتنين وتلاتة وأربعة وخمسة … من حقو يفرح لو نجح في السادسة. أفهموها وباركوها وبلاش تحصروا الموضوع بين أكثر اتنين مؤدبين.
مبروك للمريخ وبعدين يل العجب انت اكيد قلت كلام استفزة البرنس لانو ما ممكن يقوم البرنس ينفعل بالصورة دي كويس عشان كدا انت عملت نفسك انت نزيه ومهذب وقلت الحكاية انتهت وياريت انتهت زي ما قلت وبعدين البرنس احترمك شديد لانو الاحترام بين الملوك واجب بركة الربك ستر ما عمل عمل زيدان لللاعب الايطالي في كاس العالم
نعم كلنا شاهد ما حدث من البرنس ,ولكن هل من المعقول ان يتصرف هيثم بهذه الطريقه ان لم يحدث مضايقه ونرفذه له من قبل العجب ؟لا اظن ذلك.والشئ المؤكد ان العجب قد اساء الي هيثم بنفس الطريقه والاسلوب وهذه من الظواهر السا لبه التي تحدث بين اللاعبين داخل الميدان ,لذلك ارجو عدم ظلم هيثم واظهاره بهذا السؤ فكل ذنبه ان الكاميرا كانت مركزه عليه ولم تاتي لنا بالعجب لنشاهد من يظهرونه بصورة البرئ والمفتري عليه .ما سبق سياقه لا يعني تبرئة احدهم ولكن في نفس الوقت يجب تجنب التعصب الاعمي وتحميل الاثنين مسؤلية ما حدث بحسب خبرتهما ومكانتهم بين اللاعبين ,ولو كنت مسؤلا” في الاتخاد لاجريت تحقيقا” في الموضوع ومن ثم توقيع عقوبه صارمه علي اللاعبين حتي يكونوا عظه لغيرهم ويلتفت اللاعبين للعب النظيف بعيدا”عن المهاترات والالفاظ النابئه .نقطه اخيره ارجو من الاعلام الرياضي ان يرتقي لمستوي المسؤليه ولمستوي الرساله الصحفيه فهم ليسو بمعزل عن ما يحدث ان لم يكونوا المتسبب الرئيسي .ا
الله عليك يا مولانا الملك فيصل بن السلطان عجبنا
كووووووووورة و اخلااااااااااق
بنحبك وبنموت فيك وربنا يخليك للمريخ الزعيم
والله ملك الملوك يا العجب ، واذا كان المشاحنة بدت قبل اساءة هيثم مصطفى كان العجب رد لكن كلنا شفنا التعامل الراقي من الملك واقترح أولا سحب لقب سفير النوايا الحسنة من هيثم وشارة الكابين من الهلال والقومي لأنو لاعب بدون أخلاق مانافع ونقول للهلالاب المتعصبين كونوا عقلانيين ورأيكم شنو في عدم استلام الميداليلت ودي ما أول مرة وما حا تكون أخر مرة
والله انتو ناس ما عندكم شغله ..عليكم الله دي كوره عشان تتفرجو فيها ,,كلو عرفناهو حتي اخلاق ما عندهم ,,انا غايتو اتفرجت فيها دقيقتين وبعد داك حولت القناه واتفرجت علي رونالدو وزيدان واستمتعت بكوره راقيه واخلاق عاليه,,,,والله انا لو عندي سلطه في السودان امنع اي كوره لمده عشره سنين وارسل اللاعبين الي اوربا يتفرجو بس وبعد داك يجو يلعبو كوره ,,,كوره صاح ,,
عليكم الله قومو خلونا بلا عجب ولا برنس
الله دى ما اخلاق كورة وهيثم خلاص فقد الاثنين كوره عدم اخلاق واصبح عله على القومى والهلال انتم تقولو كبير لكن الكبير مستحيل يقول مثل الكلام البذى ورحم الله رجل عرف قدر نفسة 0 واتمنى لوكان هيثم قدوه ولكن للاسف ؟؟؟؟؟؟؟؟؟؟؟؟:mad: 😡 😡 😡 😡
البرنس اتعدى بالالفاظ على العجب وقد سبق ذلك تعدي العجب على هيثم
لكن الكاميرا بس لقطت هيثم
وانا اتحدى اي واحد منكم يغالطني ويقول غير كدا
الاتنين شتمو بعض
وفي النهايه مبروك للمريخ الدوري بعد صيام دام خمس سنين
وارجو من الجميع ان يتناسو الهلال والمريخ
والتفكير الان في المنتخب الوطني
والله انا هلالابى وابارك للمريخ الفوز واتساءل لماذا كابتن المنتخب هو هيثم وليس العجب ولقد لاحظت كثيرا جدا ان هيثم يكون متوتر ولا يتمتع بروح الغدوه اذكر تصرفه مع المعز فى ضربة الجزاء ( ضربه كف عديل كده) والله ما مقبوله عموما اقول على هيثم والعجب الاعتزال ولهم كل الشكر ولن ننساهم لكنهم الان ليس لديهم جديد لتقديمه عليهم ترك الفرصة للشبابوتجديد دماء المنتخب مطلب جماهيرى:rolleyes: :rolleyes: :rolleyes:
العجب عامل برئ والله العظيم شفت العجب رافع اصبعه والحكم مد يده رجعه من هيثم وكان بتكلم يحده ولكن لسوء الحظ الكاميرا جابت هيثم بس الفيديو في الراكوبه يشهد 😡 يعملوها ويخيلوا 😡 قال عجب قال مافيش حد احسن من حد وهيثم سوداني ميه الميه والما عاجبه يشرب من البحر وفوق فوق هلالنا فوق
الكبير كبير والعجب معروف انه كبير اما ما يسمس بالبرنس فهذه ليست اول سقطة فالسقطات كثيرة بالعجب او بغيره وكلنا شاهدنا المباريات الاخيرة للهلال وكانت عصبية البرنس سببا في تدني مستوي الهلال وقد بدء الامر بركل القارورة والاعتراضات الكثيرة وعدم التركيز بالتمرير السليم وقلة اللياقة البدنيه والذهنية
وقلة الادب في التعامل من لاعب يفترض انه كابتن يعني قدوه فكل من اتهم العجب بانه قال له شيء مزعج اقول لهم البرنس من مده طويلة وهو علي هذه الحال وكلنا كسودانين من صغرنا عارفين انه البتغلبه الحيله بلجا الي الحيلة ورحم الله اتحاد الكرة
وادارة الهلال وجمهور الهلال علي ربايتم للاعبين