سياسية
المغتربون يطالبون بضمانات لإيداع أموالهم بالبنوك السودانية
وقالو أن المنشور الذي اصدره البنك المركزي ” السماح للمغتربين السودانيين بإيداع أموالهم بالعملة الحرة وسحبها متى ما شاءوا بالعملة الحرة .
ويرى المغترب الذي فضل حجب اسمه أن القرار جيد ولكن يحتاج إلى ضمانات تحفظ لنا تنفيذ القرار بالكيفية التي ذكرها رئيس الجمهورية ، ويشير إلى أن القرارات الحكومية متغيرة كل يوم وليلة وتنسخ ما قبلها ، مطالباً بإلغاء رسوم مسك الدفاتر ووضع صيغة قانونية تحفظ للمغترب حقه في حالة النكوص عن هذا القرار .
فيما يكشف مغترب آخر عن تحويله لمبلغ من المال بالعملة الحرة وأراد صرفه قالو له سنعطيك له بالسوداني ، مشيراً إلى انه حتى هذه اللحظة لم يصرفه .
صحيفة التغيير
ع.ش
[/SIZE][/JUSTIFY]
[frame=”6 100″]
[JUSTIFY][B][SIZE=5][FONT=Simplified Arabic]كضبا كاضب! ثقة بابو.
تطبيق قانون حوافز المغتربين بأثر رجعي بعد تحسينه مواكبة للمتغيرات أولا، ثم بعد ذلك لكل مقام مقال!
المغتربين عندهم حقوق ضايعة سواء حق تعليم أبنائهم بعدل أو تملكهم لسيارة متى شاءوا وليس بشروط تعجيزية وجمارك تعادل أضعاف سعرها، ومنزل – وما بنقول وظيفة بعد العودة.
بدل جس النبض ده، جسوا نبض دول كالفلبين وسيرلانكا والهند وباكستان وبنجلاديش ومصر والمغرب واليمن، وشوفوهم بيعاملوا مغتربينهم كيف وقارنوهو بالبتعملوا فينا.
قال طالب عدد من المغتربين قال:mad: [/FONT][/SIZE][/B][/JUSTIFY][/frame]
أيها المغتربون .. أحقا أنكم للضمان طالبون؟!! الضمان ضمان رب العالمين !! يا أخوانا ضمان شنو ؟!! قروشك في جيب يلاقيك نشال ينشلها منك ويحيرك فيها .. محفظتك مليانه ومتروسة ورق بنفسجي (أبو خمساية) تسوقك أم العيال السوق تجيبها خلا .. تقولوا لي ضمان وأمان… جيبوا القروش وبعدين نشوف حكاية الضمان هههههههه أها يا ناس الحكومة لقيتوني كيف ؟ أنفع مسئول كبير في جهاز المغتربين واللا لسع أديها كوزين ثلاثة زيادة
اصلا مافي قروش ولو في تأمنها لحرامي الا تكون قنعان منها
قلناها قبل كدة و ح نقولها كمان وكمان، ماقعدين تقروا أخبار العالم عن مغتربي الفلبين والهنود وغيرهم كتيرين كم هي مبالغ تحويلاتهم لبلدانهم؟ والله المغتربين السودانيين يلقوا معاملة صحيحة وكويسة من الحكومة و(يثقوا) في الحكومة شوفوا التحويلات ح تكون كيف! لكن الحكومة تتخبط في سياساتها مع المغتربين و عايزاهم يحولوا مدخراتهم بس لكن كيف يستردونها ما مهم! وهذا أكبر غلط. والله تحويلات المغتربين تسد أي فجوة في الإقتصاد السوداني، ولكن من لهم بالثقة في قرارات الحكومة؟
هو في لبن حرسوهو ل كديسة ؟؟؟؟؟ بلا ضمان بلا صعلكه فاضيه
ياجماعه ده منشور من بنك السودان يلزم البنوك بالتعامل مع العميل حسب العمله التى تم الايداع بها سحبا وتوريدا…..والغرض هو ضمان تدفق وانسياب النقد الأجنبي عبر القنوات الرسميه……………وتاني يا مغتربين عندى ليكم فكره لوجه الله لو في زول عندر قروش فايضه ومحرقاه في حاجه اسمها شهامه والله مجربا وجميله جدا وأرباحا في السنه تتفاوت بين 17 الى 20 % بضمان وزارة الماليه وبنك السودان………..لمزيد من التفاصيل راسلوني……..
لا لتحويل أموالنا عبر القنوات الرسمية مهما أعطيتونا من ضمانات ، وكل فلوسنا سوف تذهب للخزينة في بيت عوض الجاز وكرتي ومصطفي عثمان وبكري حسن صالح وعبدالرحيم حسين و غيرهم من المتنفذين الذين توجد كل الأموال في بيوتهم وليس في بنك السودان وكل من يظن أن بنك السودان به دولارات غلطان ولا يعرف الحقيقة ” في بيت عوض الجاز خزنة 4X4 متر بها كل إيرادات الحكومة ” والكلام ده عن جد مش لعب ومن مصادر موثوقة جدا جدا كل قروش الدولة هناك ،
المغترب المصري اذا كان موظف لدي الدولة عند الاغتراب لايطلب منة تقديم استقالتة ويحتفظ بالوظيفة والترقيات ويعود لوظيفتة متي مل عاد لمصر وذلك مقابل مبلغ سنوي معقول لذلك يحولون مدخراتهم ام المغترب السوداني مطالب بالضريبة والزكاة وغيرها دون ان يحصل علي اي مقابل فكيف تريدون منة تحويل مدخراتة
بلا ضمان بلا وجع رأس هم اشيلوها و اهروبها الى دول الخليج و نحن نجمع ونحولى ليهم والقوها بارده لا تعب و لا عرق و لاسمسرة ولا رشاوى ؟
والحاله صعبه بالجد و الدولار ابو صلعه قى نادر الا للشاطر والعايز ضمانات اقول ليه واطتك صبحت و تحفى من لجرى من وزارة لى بنك و ماتلقى حقك ؟
ياجماعة ياريت تقتنعوا احنا ماعندنا دولة نحنا عندنا عصابة اسمها البشير والاربعين حرامي بنوك شنو البتدي بالعملة الحرة اكتوينا كتتتتتتتتتتتتتتير حسبنا الله ونعم الوكيل فيكم ياناس البشير حسبنا الله ونعم الوكيل يااكلي اموال اليتامي والارامل والمساكين
نصيحة : كل ذول يمسك قروشو عليهو !!!