سياسية
جهاز المغتربين يعلن استعداده لاستقبال العائدين من المملكة العربية السعودية
جاء ذلك خلال اجتماع لجنة الطوارئ بجهاز المغتربين الذى انعقد صباح اليوم برئاسة الاستاذ حسن بابكر احمد المدير العام للهجرة والجاليات والمنظمات بالجهاز ، وكشف بابكر عن حزمة من الترتيبات بين جهاز المغتربين وعدد من الجهات ذات الصلة متمثلة فى مجلس الوزراء ، ووزارة الخارجية وادارة الجمارك ووزارة الداخلية لتسهيل عملية دخول العائدين الى البلاد ، الى جانب التنسيق مع وزارتى التعليم العالى والتعليم العام لاستيعاب الطلاب من ابناء العائدين بمؤسسات التعليم العالى والعام .
الجدير بالذكر ان اللجنة تتابع الاوضاع عن كثب بالتواصل مع السفارة السودانية بالرياض والقنصلية العامة بجدة للإحاطة باى مستجدات فى الامر وذلك انطلاقاً من الدور الرئيس لجهاز المغتربين فى تنفيذ سياسة الدولة فى رعاية السودانيين بالخارج والاهتمام بشئونهم داخل السودان وخارجه بالتنسيق مع الجهات المختصة ، وإيجاد السبل الكفيلة بتحقيق رضاء العائدين الذين لم يتمكنوا من تصحيح اوضاعهم .
التواصل الالكتروني
جهاز المغتربين
10 نوفمبر 2013
[/SIZE]
ههههه يعني حتقدمو ليهم شنووووو ?بالتاكيد لا شئ0الله يكون في عون المغتربين بين سندان الغربة ومطرقة جهاز سرقة عرق المغتربين
مستعدين فقط لتحصيل متاخرات الضرائب والزكاة والخدمات والدفاع ودمغة الجريح وبعد كدة حيتمسحوا من كشوف المغتربيين ولو لجاءوا ليكم تانى حتقولو خلاص بقيتو مواطنيين
(( جهاز المغتربين يعلن استعداده لاستقبال العائدين من المملكة العربية السعودية )).
طبعا دي فرصة جاتكم من السما ..عشان تعملو الدرب ساساقا بين الخرطوم والسعودية .. بينا وبينكم والأيام.. ونشوف إعلانكم ده ما يكون كلام ساي وفرقعة إعلامية .. والعائدين ديل أمرهم إتعرف .. الكلام في النسوان الماعندهم ولايا وقاعدات يفنجطن يمين وشمال في دول الخليج .. خربو على النسوان العفيفات .. المحترمات .. والمفروض يكون عندكم علم تام بيهن وتكشوهم ياناس الجهاز .. وتعملو لجان في المدن الكبيرة زي الرياض .. وجده .. ودبي .. وأبوظبي .. ومصر .. لجمع المعلومات عنهم بكل أمانة ومن ثم حل الموضوع حل جذري .. الوضع أصبح صعب كان في داخل الوطن أو خارجه.. أمافساد النساء والبنات جوة البلد فحدث ولا حرج .. والمسئولية معلقة في رقاب قيادات الدولة وأجهزتها المختلفة .. ورجال الدين .. وأولياء الأمور . والله المستعان ،،،،،،،،،،، .
الاستفادة من اغتنام الفرص مسألة ضرورية وعلى الحكومة الاستفادة من برنامج ترتيب الاوضاع وعمل اتفاقيات مع السلطات السعودية لمدها بالعمالة السودانية الكوادر الوسيطة خاصة ان هناك بعض الجاليات سوف تترك فراغا والسعودية سوف لم تسمح لهم لما حدث من مشاكل
من العوامل الريسة التي جعلت كثير من السودانيين يقعوا في تصنيف المخالفين هي إجراءات القنصليات السودانية التي جعلت الذهاب للصحراء والإختباء أهون ألف مرة من الذهاب للقنصلية
وجهاز المغتربين يستقبلهم ليه؟ هو كان ودعهم لما رحلوهم؟
حاتعملوا ليهم شنو يعنى ؟؟؟ وهو إنتو عندكم شنو عشان تقدموه ليهم ولو عندكم كان قدمتوه للمغتربين الحقيقيين مش الذين كانوا مخالفين ديل ؟