رياضية
المريخ السوداني يستهل مشواره الأفريقي بفوز غير مطمئن
حقق المريخ السوداني فوزاً غير مطمئناً وذلك بنتيجة هدفين مقابل هدف للفريق الرواندي أوتراكو وذلك في ذهاب تمهيدي البطولة الافريقية للاندية ، وبالرغم من تقدم المريخ المبكر بالهدف الاول عن طريق طمبل في الدقيقه الثانية الا ان المريخ لم يستطع زيادة الاهداف الى انتهى الشوط الاول وفي الشوط الثاني تواصل العقم الهجومي بالرغم من وجود 4 مهاجمين (طمبل – كلتشي – وارغو – ايداهور) الى ان جاءت الدقيقه 21 ليضيف النيجيري ايداهور الهدف الثاني ، بعدهها ظن الجميع ان المريخ سيحقق فوزا كبيرا ومريحا الا انه خذل الجميع وتراجع اداءه بصورة غريبة ليتحكم الفريق الضيف بمجريات ما تبقى من الشوط الثاني ليحرز هدفا غاليا في الدقائق الاخيره للقاء ، ولم يستطع المريخ بعد هدف اوتراكو ان يفعل اي شئ الى ان اطلق الحكم صافرة انتهاء المباراة بفوز ضعيف جدا وغير مطمئن للمريخ لينتظر الجميع ما ستسفر عنه مباراة الاياب برواندا بعد اسبوعين من الان.
تفاصيل المباراة:
انتهت المباراة بنتيجة 2-1 لصالح المريخ.
+ هجوم ضاغط لأوتراكو الرواندي والمريخ يتراجع .
+ اوتراكو الرواندي يحرز الهدف الأول .
+ في الدقيقه 21 ايداهور يضيف الهدف الثاني للمريخ مستفيدا من عكسية جميلة لكلتشي ليجد ايداهور نفسه مواجها للمرمى ليضع الكره بسهولة هدف ثاني للمريخ .
+ بدأ الشوط الثاني ودخل وارغو بديلا لقلق .
+ وفي الدقيقه 37 أضاع ايداهور هدف مؤكد للمريخ وذلك حينما سدد قوية علت العراضة الرواندية .
+ 35 دقيقه حتى الان وكانت هنالك هجمه خطيره لأوتراكو الرواندي حيث تم عكس الكره من جهة موسى الزومة وامام مرمى المريخ ليجدها المهاجم الذي اطاح بها فوق العارضة .
+ 20 دقيقه حتى الان والنتيجة هدف لصالح المريخ دون مقابل لأوتراكو الرواندي والمريخ يحاول زيادة الاهداف ولكن يصطدم بدفاع متكتل للفريق الرواندي .
+ في الدقائق الاولى تقدم المريخ بالهدف الاول عن طريق المهاجم الخطير هيثم طمبل لتصبح النتيجة 1-صفر لصالح المريخ .
سنقوم بمشيئة الله بنقل مباراة المريخ مع اوتراكو على الهواء مباشرة عبر الوصف النصي والآن أتتنا تشكيلة فرق المريخ وهي تتكون من: محمد كمال ، بله جابر ، سفاري ، أمير دامر ، موسى الزومة ، قلق ، لاسانا ، إيداهو ، العجب ، طمبل . وسيكون هنالك في الاحتياطي النيجيريان كلتشي و وارغو وغيرهم من اللاعبين .ستنطلق المباراة بمشيئة الله عند الثامنة مساء بتوقيت السودان المحلي.[/ALIGN]
😮
شوط اول … ممل جدا…. ونتيجة غير جيدة للمريخ … ربما يكون الشوط الثانى بعد دخول كلتشى ووارغو احسن حالا …. نتمنى ذلك
😡 😡 😡 😡 عليكم الله يا جماعة دى ما مغصة الواحد قبل الكورة لما شاف الجيش بتاع المهاجمين ديل قال الرواندى ده الله يمرقو لكن باين عليه انو الله مرقنا غايتو الواحد كل مرة يقول دى اخر مرة احضر فيها كورة للوهم ديل بس اشبكونا المريخ الجديد ومين ما عارف واخر الكورة ننوم بمغصتنا حسبى الله ونعم الوكيل فيهم 😡 😡 😡 😡 😡 😡
ارجو ان يبحث المريخ عن حارس مرمى مريح لانه كل الجهود التى تبذل تضيه بخطا بسيط من الحارس وهذه التهديفة لروندية خارج خط 18 بكثير انا استطيع اخراجها بالرغم من ضعف نظرى الله المعين
فريق ضعيف لذلك ……
كروجر لم يحترمه ….. فجاءت النتيجة على غير ما يشتهي
أتوقع فوز المريخ في مباراة الإياب .
:lool:
لم يلعب المريخ … ولم يكن فى مستواه المعهود … وكما ذكرت بعد انتهاء الشوط الاول الممل … واصل المريخ الشوط الثانى باداء غير مقنع … ولم يظهر وارغو ولا طمبل وكالعادة اخرج (مخرف) المريخ (ايداهو) شعلة الهجوم … ويارب استر فى مبارة العودة
يا رمضان انا ما قلت النسر النيجيرى بيصبح غراب ديك ديار رواندا بانت قرا ب اللة يوكى الجراب على العقاب
والله كان قلبي مع المريخ مع اني هلالابي لكن والله اخوانا المريخاب ومزمز قدونا بي مريخ 2009 جديد وما ادراك ووارغو ولاسانا نسا اهلو ما نسانا وكلتشي والله ما كان في داعي للتطبيل ده كلو اهو مريخ 2009 بدا يظهر والله المستعان البسمعهم كانو بقولو مريخ 2009 كنت قايلو بغلب مانشستر
المبارة غير متوقعة لجماهير المريخ الأحمر الوهاج، ومن المستغرب إخراج الكابتن العجب مايسترو الفريق ومفتاح النصر وفال الخير للمريخاب،وخالص أمنياتنا للمريخ بالنصر الكبير في مباراة الإياب إن شاء الله.
دا دوري ابطال افريقيا مو دوري الكونفودرالية يعني عايز ناس قدرو
وارغو الضجة طلع فته ، المريخ الذى يكابر الهلال ويقول انه لم يحقق شيئا فى الاندية الابطال اهو الpre فى الاندية لم يتجاوزها ، بالله يا جماعة سرحو المدرب ده اولا واعطوا وارغو الشرط الجزائى وكمان كلتشى لان هذين اللاعبين سيكونون عبء على الفريق ومصاريف مالية بعد خروج المريخ من الكاس فى المباراة القادمة ويبقى لاعب يكلف مليارات الجنيهات ويلعب ضد جزيرة الفيل هذا حر ام .
ويوم حنين اذا اعجبنكم كثرتكم فلم تغني عنكم من الله شيئا
انشاءالله وبحوله وقوته سيحقق المريخ الفوز في لقاء الاياب
……… ياهؤلاء جميعا المريخ ليس فريقا نشجعه ولكنه وطن نعيش فيه……………
اسمعوا مرة كلام القصير ياخوانا اصحاب الفنلة الحمراء مدربكم دة شوفو غيره وبسرعة دة تعبان جدا واستراتيجيته تعبانة زيه وباكر تمشو وتجو وتعرفوا الحقيقة دى لاعبينكم يحتاجوا للمدرب البعرف يصقلهم مع بعض وبعرف يطلع امكانيات كل لاعب فى الملعب عموما وبصراحة التيم القابلتوه دة فريق يعتبر ضعيف بالنسبة للمستوى الافريقى المعروف وبالطريقة دى ما بتشربوا موية تانى ومباراة الرد امكن تكون آخر مشاركة ليكم فى هذه المنافسة انا عارف كتيرين حا يقولو دة حاقد لكن الحقيقة المرة لازم تتقال مع انى هلالابى لكن برضو المريخ يهمنى لأنوا بمثل دولتنا وشعبنا ولازم ينتصر ويحقق نتائج مشرفة والشفناه امس دة عبث وهردبيس ساكت ومؤشر خطير للسقوط من البداية واعملوا حسابكم والله يغطى عليكم
فريق المهاجمين يفشل فى احراز الأهداف لأنو دفاعو مكشوف و حارسو فتة .. و مجلس التخبط المريخي أهدر المال العام فى التسجيلات العشوائية الغير مدروسة . . يا عالم أصحوا 😮
بالامس فاز المريخ علي اوتراكو الرواندي بطابقين مقابل طابق واحد في اولي مباريات دوري الـ64
نتمني للمريخ فوز بطابقين في كيجالي حتي يتمكن من الصعود لدور الـ 32
طوابق اوفر للمريخ قولووووووووووووووووووووو اميييييييييييييييييييييييين
بما ان الهدف الذي ولج شباك محمد كمال ما كان ان ياتي الا ان محمد كمال انقذ كثيرا من الاهداف ولو كان اكرم الهادي في الحراسة لكان المريخ اخذ نصف دستة من الاهداف . وسبب في الهدف يشترك فيه المدافعين الزين يتفرجون علي المهاجم الذي شات الكرة بارتياح وبكل قوته لتاتي صاروخا تولج الشباك
شباب، انا ما عارف بس امبارح كان في مهزلة حاصلة… والملايين الدفعوها المريخاب ممكن يستفيدو منها مع الأمل عطبره… والأتحاد الأفريقي خلا بطل الممتاز يلعب في الأربعة وستين والوصيف خلا مع عمالقة افريقيا شفتو بعد النظر دا كيف يا الشايلنها بالإتحاد العام ………… بالمناسبة وورغو امبارح لاعب؟؟؟
ذى ما بقولوا ألمى حار ما لعب قعوى:cool: 😎 😎 والنسى قديموا تاه:cool: 😎 😎 أحسن ترجعوا لبطولة الترضية وياها مقاسكم والوالى الله يعوضوا فى قروشوا وارغو الوالى حارقو:cool: 😎 😎
يا هو دة مستواكم بس كلام جرايد واعلام فاضي عملنا وجبنة وسجلنا دة كلوا فات وين من اول تجربة حقيقية فضحتونا الله يكون في عون الجمهور المغلوب على امره يوالله المستعان:D
حسبي الله ونعم الوكيل بالله عليكم الله البمشو الاستاد ديل عندهم عقل
بس تفسيري الوحيد ليهم انو عادين الشغلة ذي القمار لانو حرام اخسر لي قروش ولا اتعب واحرق صوتي في وهم ذي ديل وماحضرت المباراه دي الا عشان اشوف وارغو ده وياريتني ماحضرتها واكتفيت بالصوره الخاتيها ليهو من كلام الجرايد
اننى مريخابى ولكن من المؤسف ان يكون المستوى الاول بهذا الشكل نحن امامنا مشوار طويل امامنا فرق اخرى من افريقيا ممكن ان نحقق الهدف ولكن لابد من الاعداد الجيد مش ممكن فريق فى عقر دارنا نلعب معه بهذه الشكل وارغو كان يمكن ان يثبت نفسه فى المبارة الاولى ولكن لا يمكن ان نكون بالمستوى السىء هذا من اول وضع ان هنالك خللا لابد من معالجته اتمنى لفريق المريخ ان يحقق النصر … والمشكلة الاخرى حى العرب اليوم وربنا يستر 😎 😎 😎
المريخ ………………..ايا سفرا خالدا فينا
بحول الله وقوته المريخ سينتصر بلقاء الاياب
وانا اراهن علي ذلك
ما قلنا ليييكم ؟؟!!! معسكرات ساااااي في الفاضي وسهر وهجيج ؟ وأهي بانت الكوكة الأولى …
انا هلالابي لكن ياجماعة مفروض ما نقعد نشتم من اول مبارة ومفروض نعرف الخلل وين ونعاجوا لان اصل مافي دوري شغال ومافي اختبار للعيبة يعني الغتحاد العام يشوف ليهو حل في برنامج الدوري الممتاز .
لمتين نقعد نشوف الخلل ؟ ولمتين نقعد نعالج فيهو ؟ وكيف مافي إختبار لعيبة .. ومال المعسكرات والطيارات والتسجيلات والمليارات والانبراجات الفي قطر الامارات الكانت قبل بداية المشوار دي كانت شنو ؟