[ALIGN=JUSTIFY]خاص – النيلين: أوقف نادي المريخ مساء اليوم نشاط لاعبه عبدالحميد السعودي ، يذكر أن فريق الكرة بنادي المريخ كان قد اجرى تدريباً عصر أمس باستاد الخرطوم قبل مباراة الهلال وأهلي الخرطوم في افتتاح الموسم وشارك في التدريب كل اللاعبين عدا عبدالحميد السعودي.[/ALIGN]
:crazy: عبدالحميد السعودي لاعب مميز ولكننا لانتهاون في المريخ مهما كانت مميزات الاعب وعليك يااخ عبدالحميد ان لاتتعالى على المريخ ومعما كبرت فأن العين لاتعلى على الحاجب
ولدنا السعودي قرب لي سيد البلد
ونحنا في انتظاره
بربك يا رجل الراجل أبو الولد قال دايرو يلعب في البرسا
كان وقفتو الرماد كال حماد
والله إلا يلعب في ميدان عقرب.
ها هاه هاهاهاهاهاه:confused:
خسارة كبيرة فهذا الاعب يساوي واغو وكلتشي مجتمعين
مرحبا به في الهلال
من الطبيعي انو مايحضر التمرين لانو مظلوم ظلم شديد انحنا بنكورك من زمان انو عبدالحميد دا افضل من كلتشي وايداهور وثم ثانيا دا لاعب وطني لاعب منتخب يعني الحكايه دي بتاثر منتخبنا الوطني وربنا يسدوها من هنا تنفتح بي جاي ارحمو عبدالحميد وهوحيسبت ليكم انو هو مظلوم
والله العظيم توقفو عبد الحميد السعودي فريقكم دا ماتقوم ليهو قايمه تاني لوجبتوا
رونالدينو وكريستاينو
ياخ حرام عليكم اللاعب الوحيد الانا بستمتع بي لعبو في المريخ
دا اللاعب الوحيد العندو اخلاق وصفات ولد البلد السوداني …
فعلا والله الكرة السودانية لا اساس لها
والله يا عبد الحميد مكانك الهلال …. شكلك الهلال ولعبك الهلال …. وعندى احساس انك فى الهلال حاتصل للنجوميه العالميه ……….فكر فى الموضوع اذا عايز ناس تحترمك وتقدر لعبك وامكانياتك النادره جدا هذه الايام ….. واكسب وقت لان المريخ بدا فى تدميرك ليس الان ولكن من زمن مازدا ……….
و الله معاهو حق الود دا حريف و لعيب و ما قاعدين تدوهوا فرصه ولا كيف يا جماعة الخير؟
الولد الفنان عبدالحميد السعودى انت لاعب بموصفات عالمية تدمر نفسك مع موسى الزومة وناس قلق احسن شى تجى الهلال مع ناس هيثم مصطفى ناس بتشبهك
فكر وتعال ؟
ايمن / الدوحة 😎
لا والله ما لازمنا نحن اصلا ما بتوع فضل زى المريخ خلى امشى يلعب فى برشلونة او ام بدة زى ما قال لكن الهلال لا
مجرد رأي لواحد هلالابي بس في نفس الوقت الوطن في حدقات عيونو عبد الحميد أفضل من جميع المحترفين الموجوديين بالناديين ولاعب وطني وحريف وأتمنى له التوفيق من كل قلبي وعلى فكرة الهلال لما يكون لاعب مع المريخ لا أحس بالخطر إلا عندما تلامس الكرة قدم هذا الفتى الذهبي .. مع إحترامي لجميع المعلقين ودمتم …
المريخ الان يخوض مباريات دولية اضافة للمحلية والوقت غير مناسب لمثل هذه الخلافات وعبد الحميد فوق مبدأ اعادة التقييم وتغيير الانتماء اعتقد ان مسئولية ادارة المريخ تنحصر في ضرورة حل الخلاف واعادة الفارس الي دياره لحاجة الفريق الماسة اليه باسرع ما يمكن:cool: