الخطيب : شاركت في إعداد خطاب الرئيس وهناك تفاهمات مع المهدي والترابي

يامولانا خليك من فهم الشعب واللغة العربية … الرئيس زاااتو غلط كم مرة في نطق الكلمات … والترديد المخل ( الوثبة ) و ( كل الشعب) … ياخي نحن ماقرينا زيك لكن بارينا وفهمنا … والحقيقة الرئيس لما بكون واقف بتكلم احسن من قاعد .. ولما برتجل بكون افصح من الجغمسة الكتبتوها ليهو .. دخلتوا الراجل في حيص بيص وورطوهو مع الناس .. وخليتو المايشتري يتفرج .. الصراحة الزول ده وحسن مكي مابرتاااااح ليهم كلو كلو .

خطاب الرئيس مفروض يكون خطاب سياسى عام موجه لكل الناس بمختلف مستوياتهم التعليمية وبلغة سياسية بسيطة ومباشرة ودى من ابجديات وأساسيات الخطابات السياسية ، مش تقلبوهو لينا محاضرة فى علوم البلاغة والنحو والسجع عشان يشبكنا ( اندغام واجتراح ووثبة والتهيؤ للوثوب والتقبض وإدالة السلطة وأباعد وكلالة وضعيفات العرى وأزوادهم والناس كل الناس ، إنعاش الهوية السودانية التاريخية ، التي تعيش التاريخ ، تحترم أبعاضها وتتوحد بهم ) .. هسى عليك الله دا كلام شنو !! ياخى المساطيل ما بيقولوا كلام عجيب زى دا !! .
استعراض المهارات اللغوية وغرائب اللغة بيكون فى أقسام اللغة فى الجامعات أو فى الندوات الثقافية المتخصصة .. ثم إن الخطاب ما كان فيهو أى مضمون مفيد غير كلام علاقات عامة فضفاض ساى وما خاطب مشاكل الناس ولا قضايا البلد الجوهرية.. الكلام دا كل الناس اتفقوا عليهو وما داير ليهو فهامة فما عارف فلاسفة الكيزان ديل حيفهموا متين ؟!