المريخ يحتفل بإستاده عصراً .. وتعديل في الجهاز الفني للهلال
يؤدي فريق الكرة بنادي المريخ تدريبا في الخامسة من مساء اليوم بملعبه ويتوقع أن يحظى التدريب بحضور جماهيري كبير، حيث سيحرص أنصار الفريق على معانقة اللاعبين بعد حصول الأحمر على الكأس الذهبية والفوز على الهلال في قمة سد مروي، وسيغيب عن التدريب لاعبو الفريق بالمنتخب .
قرار متوقع باعفاء الديبة .. واسناد المهمة الى مبارك سلمان
سليمان محمد سليمان رئيسا للقطاع الرياضي بالهلال .. واجتماع مهم للمجلس اليوم
يعقد مجلس ادارة نادي الهلال اجتماعا مهما ظهر اليوم، ومن المنتظر أن يناقش الاجتماع موضوع التدريب، وعلمت الصدى أن المجلس بصدد إقالة الديبة مساعد المدرب بعد ماتردد عن خلافات حدثت بينه ودوسانتوس عقب مباراة أمس الأول أمام المريخ والتي خسرها الهلال بهدفين نظيفين، كما يتوقع صدور قرار بتعيين سليمان محمد سليمان رئيسا للقطاع الرياضي، ويتوقع أن يسند منصب المدرب المساعد لمبارك سلمان مدرب الميرغني كسلا والذي صعد بالأنيق الى الدرجة الممتازة وحقق معه نتائج جيدة حتى الآن بالتعادل أمام الموردة والفوز على حي العرب وتردد أن المجلس بصدد اجراء تغييرات في الجهاز الفني وتردد أن الهلال يفكر في التعاقد مع الألماني كروجر!
صحيفة الصدى
;(
كيف يحضر كروجر … ودى سانتوس موجود …. وبنظر لاعب سابق اقول دى سانتوس مدرب جيد واحسن بكثير من كروجر …
وا فضيحتاه تانى كروجر يعنى مدربين الدنيا دى كلها ما لقيتو غير كروجر يا ارباب ياخى ما تتصرف بمسئولية الهلال دة ما بتحمل التلاعب به زى دة ياخى لو الحكاية غلبتكم زحو منها وخلوها لاى آخرين ينقذوا التدهور الحاصل دة دايما كاسفننا
انتو يا للي بتقولو يا ارباب شفتو كروجر جا ودرب خلاص ياخ ما ممكن يا ابو شامه شوفو ليكم شغله غير الراجل ده خلاص مجرد طراطيش مستحيله نبزتوهو الداير يتكلم على صلاح ادريس يعمل ربع اللي عملو صلاح وبعدين يجي يتكلم مش يتفرج على مباريات الهلال في التلفزيون وينبز في العرقان وتعبان ودافع قروشو للهلال
شوفو ليكم شغله ياخ ودايرين تحكمو الارباب يخليها ولا لا ياخي بتعرفو عن الهلال شنو وحااااااات الله سنة تأسيسو بالجلاله قال زح منها وخليها لي زول تاني ياخ اقسم بالل لا انا ولا انت ولا عشره زينا حنخدم الهلال ربع العملو هو