وزير الدفاع : الصراع القبلي في دارفور أخطر من الحركات المتمردة

مشاكل دارفور ليها كم سنة يا سعادة وزير الدفاع ولمتين تقول نحذر نحذر ، لقايت ما الرماد ياكل حماد …
نحنا ورآنا شنو خليكم في نحذر نحذر …..

وبعدين حكاية الصحف تقول يا” نهار” البيقراء مش البقرا الجرايد يفتكر السودان تمزق ، خلاص يا “نهار” أنسلخت من عامة الشعب المطحون ولبست عباية المؤتمر الوطني والكيزان … فعلا السودان تمزق حتي ولو الصحف ما أشارة الي ذلك نحن ما شايفين بعيوننا البيحصل بالسودان ، دا أتمزق وأتنهب من كيزان المؤتمر الوطني والولاه …

وبلاش تتكلم كلام فارغ وخليك وآقعي ، وبلاش خوفكم من مناصبكم وأبقوا رجال وشوفوا الوآقع السوداني الذي نعيشه الآن .. أقل حاجة زمن النميري كان الحال كده ؟؟؟؟ والكيزان كانوا في الجحور علي الأقل لو حصل أنو النميري وحكومته سرقوا ، كانوا كم نفر؟ مش هم أعضاء قيادة الثورة وعددهم لا تجاوز العشرة ، أما الأن أحسب : الحكومة فيها كم وزير وكم بدرجة وزير ؟ وكم أعضاء المؤتمر الوطني ؟؟ وكم وآلي ؟؟ وكم وزير في كل ولاية ؟؟؟ وكم حرآمي ؟؟ وكم مختلس ؟؟

اللهم لا تؤاخذنا بما فعل السفهاء منا …