حكومة الخرطوم توجه بمقترحات عاجلة وبناء لمعالجة مشكلة الزحام بوسط الخرطوم

بسم الله
1كباري طايره صغيره عند كل كبري بحيث انو الزول النازل من الكبري تووووووووووش ادخل من غير استوب لانو ده غلط استوب بعد كبري
2 كثره الاستوبات = سيوله ف المرور السبب؟
لانو كل عطلنا حركه دقايق ف المكان الاخر بكون لقي حبه نفس انو اتحرك و خاصه ف اماكن الازدحام
3اهم معطلات الشارع من الحركه غباء بعض اصحاب الحافلات و الوقوف غلط و بالذات عند الاستوبات و مداخل الكباري و عند الشوارع الكبيره
لا بد لا بد لابد من صنع مكان محدد لوقوف البص الحافله و اجبارهم بالقوه لعدم الوقوف الا عند المكان المحدد و ف حاله المخالفه مصادره المركبه لمده اسبوع
4بدينا نشك من تعاطي بعض سائقي”حافله+ركشه+بص” للمخدرات لانو مرات بعملو حاجات جنونيه تعرض حياه الاخرين للخطر+ تعطل المرور الحل= رخصه خاصه للسواقين تجدد كل 6 اشهر و يتم كشف البول و الدم وانا متاكد ح نقلل من الحوادث و انسيابه ف المرور
5 لا بد من جعل منطقه اي استوب خاليه من”بشر+حجر+حيوان” بمعني 30 متر او اكتر داير ما يدور”محل الاستوب” تكون مسوره من بره بطوب او حديد لمنع المرور او الوقوف وبكده ح ننفس الشوارع و نعجل الحركه لانو بعد الاستوب افتح السيارات العابره تووووووووووووف بتمشي و تمشي الوراها باكبر عدد
6 حاجه مهمه لتجميل العاصمه و لرفع الروح المعنويه التشجير يا ولايه التشجير التشجير ف كل الشوارع وبين الشوارع و ماضروري شجر كبير الصغير بكبر+الحفر الحفر اردموها ان شاء الله بحصحاص او تراب برضو بتعجل الحركه