هكر يخترق موقع شركة زين على شبكة الإنترنت

انا شايف انه معتصم السر عنده مشكلة خاصة مع شركة زين ..
لأنه لو على إنهيار الخدمات اصلا قطاع الإتصالات عندنا كله منهار .. أربعة شركات ماليها وجود .. وخدمات انترنت عفى عنها الدهر ((الجيل الثالث)) .. وخدمات مشتركين مشغولة دائما .. والحكومة زادت الوضع بفرض جبايات جنونية ((30%)) إضافة لضريبة دخل .. وحاجات تانية .. ومع إنهيار الجنيه تمت الناقصة ..
كان على الصحفي أن يتحدث عن سوء الخدمة في كل الشركات .. فالشركات الأخرى ليست أفضل من زين إن لم تكن أسوأ منها .. والمشكلة هي مشكلة قطاع الإتصالات بأكمله الذي يحتاج لمراجعة ..

[SIZE=5]فى بعض الناس الايام دى ماعندها شغلة غير شركة زين
ما أعتقد انو الشبكة سيئة للدرجة دى…وحتى الانترنت مافيهو مشكلة تستدعى كل هذه الضجة
الموضوع الظاهر انو حملة ضد زين مدفوعة الأجر من قبل شخصيات محددة.
ان شاء الله اى زول عاوز الخير للبلد دى ربنا يجزيهو خير..واى زوا عاوز مصلحتو وبس ربنا يسقط حجرو ويطلع صليبو زاتو.[/SIZE]

يا أخ محمد كلامك دا كلام زول ما متابع وسطحى التفكير .. الفقرة الاخيرة من كلامك بترد عليك .. والبدمر اقتصاد البلد ما شركة زين .. البدمر اقتصاد البلد هم الكيزان الباعو بغباء شديد موبيتل وهى فى اعظم نجاحاتا عشان عمولة تافهة زى نفوسم .. البدمر اقتصاد البلد الكيزان البيسرقوا اموال البلد باسم الدين وبعد دا بيلقوا ناس سطحيين امثالك بصدقوهم ..
وليه معتصم دا ليهو فترة بهاجم زين فقط وما بهاجم سودانى وام تى ان مع انو خدماتم وشبكتم أسوأ بكتير جداً من زين .. اذا ما هو عندو مشكلة شخصية مع زين أو ما محرش ليه ما يكون عادل فى انتقاد كل الشركات عشان برضو ينتبهو ويختوا اعتبار للمشكلة .. ليه بس شركة زين مع انها افضلم ؟! كدى حاول شغل مخك وفكر فى الكلام دا.

لقد قاطعتكم

انتهي