سعاد الفاتح : ثلاثة أرباع السودانيين «حرامية»

سعاد الفاتح
في الربع
ولا
في الثلاثة أرباع

نحنا ما حرامية والحمد لله !!

الحرامية انتو ناس المؤتمر الوطني !!!

اقطعوا ايديكم من خلاف حتي تتطهروا !!!

معذره يا خالتي سعاد الفاتح لسه البلد مليانه شرفاء وكمان في سودانين بره السودان مضرب المثل في اﻻمانة
لكن أنتي حوالينك حراميه كتار من الكيزان

كان اﻻحري بك تقولي كل من التقيه من أخوتي في الحركة اﻻسﻻمية فاسدين وحرامية

بسم الله الرحمن الرحيم

كلامك صحيح ..

والله خفنا من البحصل ..

المشكلة ان الحرامية والمعهم يلصقون

الفساد والسرقة للمؤتمر الوطنى حتى يتجه الناس كلهم

عشان الناس تنشغل فى السياسة وهم يسرقون ..

الشئ الغريب ان الانسان نسئ ربه ..

وطنـــــــــــــــى

بس متى كان السودانيون كذلك يا خالة سعاد ؟ بس في عهد الإنقاذ المليء باللهط والبلع المصلح والسرقة التي تحميها القوانين التي فصلت لحماية كوادرها . على اي حال يا خالة كان تسكتي أو نقول لك (كل إناء بما فيه ينضح)

ارجو ان لا تعممي على كل الشعب المسكين المغلوب على امرة

الحرامية هم انتم وانتم فقط ولا احد غيركم. من منو اساسا غيركم ماسك حاجة عشان تختبروا امانته او يسرق.

السودانيين في كل مكان مشهود ليهم بالامانة شاء من شاء وابى من ابى. المشكلة في ناسكم في المؤتمر الوطني الذين جاهد منهم جزء كبير بالكذب من اجل المغانم فقط. ولما لم يجد نصيبة يريد ان يتنقم من البلد بسرقة وتخريب اقتصاد البلد. وكأنه يريد ان يقول لاغنياء المؤتمر الوطني كما غنيتم سوف اغنى انا بطريقيتي الخاصة !!!! شعار هي لله لم يكن من القلب لذلك خذلكم الله واسأله المزيد من الفضائح ليكم.

القيادية سعاد: ما هو معيار تعيين منسوبوا المؤتمر الوطني في مثل وظيفتك؟؟ هل هناك شئ غير فقد المنسوب المعني لرجله او يده او عينه في حرب غذرة خاضها غير معروفة الغرض منها؟ او كم اخ او اخت ماتوا لك في الجنوب ؟؟؟؟ هل هناك معيار غير ذلك؟؟؟

تذكري قول احد رعايا عمر بن الخطاب حينما رد غائم لا يدري عنها عمر فقال ابن الخطاب الحمد لله اعطاني شعب امين لا يسرق، فقال له الرجل لا بلى والله الحمد لله الذي اعطانا حاكم امين مثلك، فلو والله لو صرقت لسرقوا !!!!!

(أولا ثلاثة أرباع الكيزان وليس السودانيين حرامية ) قبل الإنقاذ ومجئ الكيزان “الإخوان “بزعامة حسن الترابي وسعاد الفاتح واحدة منهم ومن المؤسسين للحركة الإسلامية كان السودان بخير ولم نكن نسمع بما يحدث الآن ” ولا في النوم ما رأيناه” الكيزان هم من علم الناس الفساد والرشوة والمحسوبية والإختلاس هذه الأشياء التى تتكلمين عنها لم تكن موجودة قبل الإنقاذ حكم الإسلاميين”نميري وزمرته حكموا 16 سنة ولم يكن لأحدهم حتى منزل له ولأسرته”في نزاهة أكثر من ذلك) كل متنفذ إنقاذي كان قبل الإنقاذ من الفقراء وبالكاد يكفيه راتبه خمسة عشر يوم في الشهر وكانوا من الغبش والواحد فيهم عراقيه مقدود ولنا منهم زملاء نعرفهم حق المعرفة وكنا نؤيدهم ونصوت لهم في إنتخابات إتحاد جامعة الخرطوم “أيام حكومة نميري ” اليوم وبعد مجئ الإنقاذ كل الإخوان أصبحوا من الأثرياء ومن أصحاب الأملاك والعقارات والحسابات بالدولار واليورو وغيره وأصبحوا يمتلكون الفلل الفاخرة في أرقى الأحياء والسيارات الفارهة المظللة لهم ولأولادهو وزيهم ومحسوبيهم ومن لف لفهم ، كل الإسلاميين في السودان “إلا ما ندر ” من أين لهم هذا؟؟؟؟؟؟ هم من أوصل البلد لهذه الحال ومن قبل لم نكن نسمع بذلك ولم يحدث منذ أن وجد السودان على سطح الأرض ،ماذا قال التيجاني عبدالقادر فيكم … المقال صدر في موقع النيلين ” الإخوان مسؤولون مسؤولية مباشرة عن كل الممارسات التى حصلت وتحصل الآن في السودان على أي مستوي هم من سن هذه السنة “فقه السترة وفقه التحلل .. ” نقول لها إعملي مقارنة بحال أي كوز قبل الإنقاذ وبعد الإنقاذ … أين كان الكيزان وخاصة كبار المتنفذين قبل الإنقاذ ومن أين أتوا ” من ين أتى هؤلاء .. ” كل الفساد المالي والأخلاقي المستشري والمستفحل والذي أصبح سمة غالبة علي كل كوز متنفذ هو مسؤولية الكيزان الذين في السلطة وفي خارجها ؟ أين الإسلام الذي بشرتونا به ؟ أين العدالة الإجتماعية ؟ إسلاميو السودان شوهوا صورة الإسلام ؟ أين المشاريع الزراعية “مشروع الجزيرة” ، أين السكة حديد ، أين النقل النهري ، أين الخطوط البحرية والخطوط الجوية السودانية ، أين .. وأين .. الكيزان مسؤولون عن ضياع ودمار كل هذه المشاريع العملاقة التى كانت في أوج إزدهارها وإنتاجها قبل مجئ الإسلاميين للحكم في ثورة الإنقاذ “الدمار الشامل ” ما قلتيه ينطبق فقط على الكيزان “الإخوان المسلمين ” وليس على السودانيين الشرفاء الأمناء ينطبق فقط على كل كوز ينتمي إلى الإنقاذ بأي شكل من الأشكال “المؤتمر الوطني” والمؤتمر الشعبي لأنه كلهم واحد اتوا بزعامة الترابي للحكم.

[FONT=Times New Roman][COLOR=#0300FF][SIZE=5]بالله بي شناتك دي ووجهك الكالح عاوزة تقولي كلنا حرامية !!!؟
تلاتة ارباع المؤتمر الوطني حرامية والربع الاخير أسألى منهالمهندس كشكوش يعني مجكات [/SIZE] [/COLOR][/FONT]

* أن تسيئ سعاد الفاتح لعامة السودانيين فهذا منتهي السقوط الاخلاقي
* وأن يسيئ نائب برلماني لمن رشحوه وجعلوه يتمتع بالإمتيازات وبدون أن يقدم لهم أي خدمة فهذا قمة السقوط المهني
* وأن يستعدي سياسي في الحزب الحاكم الجماهير في مثل هذه الظروف الحرجة فهذا قمة السقوط السياسي
* وأن يحمل فرد أوزار رمي ثلاثة ارباع الشعب بالبهتان فهذا منتهي السقوط الديني

يا مرأة هوووووووووووي ارعي بقيدك
انتي خرفتي ولا شنو
ما تقولوا صراحة ناس الكيزان هم الحرامية
بعدين والي الخرطوم دا تابع لي وين
دمرتوا البلد انتو ورجالكم وفي الطريق اولادكم
ورثتم السودان ونحن طلعنا بيش ساااااااااي
والله العظيم حيرتونا معاكم
الواحد غلبوا الراي عدييييييييييل
نسوان آخر زمن

اختشى يا وليه واحترمى نفسك لو ثلاث ارباع السودان حراميه واصحاب أجندة خارجية و يعملوا على تدمير الاقتصاد لما قامت الاحياء الطرفيه و السكن العشوائى من امبده و الى الحج يوسف و مايو والناس البسطاء فى نزوح مستمر من قلب العاصمه الى الضهارى بعد بيع املاكهم بالشىء الفلانى ةشراء منزل جالوص فى الشقله ويتعيش من الباقى منتظرا الاجل المحتوم فى اى لحظه تقبض روحه و هو خاوى البطن و لا مريض ما لاقى العلاج ؟
وانتى محتاجه لى نضارة كعب فنجان علشان تشوفى الحاصل شنو ولكن يا سبحان الله ما خلاص القلوب ماتت و البصر بقى اتجاه و احد والبصيرة خلف المسيرة وهى لله لا لسلطه و لا للجاه ؟
يومنا اسود الرمانا فى من لا يرحم و يوقر كبيرنا و لا يحترم صغيرنا وبرضو نحن الحراميه ؟
قولى لى كافورى و الرياض و الطائف و المنشيه و مدينة النيل سكانه من ذقلونا و لا من ابوكرشولا ولا من عباسية تقلى ؟
ما ياهم اخوان الشواطين الا القليل منهم و كانوا تجار قبل الدمار و الاعصار والليله عايشين على البسيطه و حامدين شاكرين ربهم انو النفس طالع و نازل ؟
بتين تصحو من غفوتكم و تتطهر السنتكم وتخلوا الخلق للخالق اعوز بالله من اخوان الشواطين مرة راجل .

الحرامية خشم بيوت
حرامى يسرق ليأكل
وحرامى يسرق ليبنى العمارات الشاهقة ويتزوج الحسناوات
وثانيالماذا التعميم والله عايزين تكبروا الجماعة أمش شوفى المكنكشين فى المناصب
أنا بقولها بالفم المليان 95% وأكثر من الشعب السودانى شرفاء ومابيقبلوا يأكلوا أولادهم الحرام وبيعملوا ألف حساب حتى لا تدخل اللقمة الحرام فم أولادهم

قصدك ثلاثة اربعاع السودان موتمر وطني

[B] للأسف الشديد أن القانون غير مفعل في بلادي

ناس تسف مليارات … وناس تزهق أرواح … وتكون عايشة عادي ! [/B]

قالوا الفيك بدر بو….

الساكت عن الحق شيطان أخرص لقد قلتى الحقيقة التى يعلمها الجميع وبمن فيهم سيادة الرئيس لماذا لا يفعل قانون الثراء الحرام لماذا ؟؟؟ كل من فى المؤتمر الوطنى مليونير من الوزير حتى عامل البوفيه إتقوا الله يا ناس

منكم وفيكم يا كيزان السجم والرماد لقد اصبحتم عار على الاسلام والمسلمين

وفي النهاية تريدون أن ترموا الشعب بجرائمكم وفشلكم.

كدي راجعي نفسك قبل الآخرين ماذا كنت تمتلكين حتى عام 1989م وماذا تمتلكين اليوم؟ بس خليك صريحة مع نفسك عشان تقدري تعرفي الحاصل شنو ونحن ما تورينا النتيجة استخدمي فقه السترة وخليك مستورة يا عويرة.

ويا ترى الثلاثة ارباع ديل انت واخوانك وزوجك واولادك فيهم ول لا ؟؟؟

يا الكيزان احسن لكم تنضفو نفسكم أول عشان يكون عندكم لسان تتكلمو بيهو مع الناس.

اصبحتم تخبطو في الحلل مما يدلل على ان نهايتكم قريبه.

[B]هل نقبل نصيحة من حد اخرس عن الكلام بعد مرور (25) عاما من الحكم من العيب والعار ان نسمع مثل هذه المهاترات لكن من امراة مقبول لان اليوم انا افتخر بالمراة السودانية عامة والسياسية بصفة خاصة السبب بحمدالله وحوله الى هذه اللحظة لم نسمع بان هنالك امراة سرقت بقدر ما نسمع الاختلاسات والسرقة من قبل الذين نحسبهم رجال داخل المعارضة وداخل الحكومة مختلسين حرامية لا قضية ولا ولاء لهم لهذا التراب . بالله عليكم فضيحة اختلاسات الاراضي كوم والفضيحة الاخطر الاجهزة الالكترونية الفاسدة بعدد حاويات لا يستهان بها رجال المباحث ضبطوا المخدرات لكن لماذا لم يتم ضبط هذه المواد النفايات . الواحد لمن ضميره لم يوقفه وسرق على الاقل يكون عنده حبة رجولة واخلاق اتجاه اهله تسرقهم وتقتلهم بالامراض التي لا علاج لها والله كافر لا يقوم بمثل هذا العمل اتجاه اهله انا اكرر كافر لان الكافر افضل من المنافق حتى في النار يختلف مقعدهم ديل في درجة المنافقين والعياذ بالله هل فيهم لم يؤدي القسم [/B]

الحل ليس في التباكي ولكن الأفضل تطبيق الحكم على أول حرامي من الثلاثة أرباع؛ ولا كيف يا بروفيسورة..

واذا كان اللصوص هم الولاة والقضاة والمؤتمنون على الزكاة والاوقاف والحج والعمرة والعدل والاقطان والدواء والتعليم، والحرامية أعلام على رأسها نار. عندك كبر في سوق المواسير بالفاشر وخالد سليمان المسكين حرامي الاوقاف الذي حوكم بعشر سنوات طاغوتية ومسيلمة الكذاب والى الخرطوم بتاع انبوبة اللحام عبدالرحمن الخضر طاهر اليد واللسان الا من الكذب الابيض وكل من حوله حرامية الا هو كالمرأة الحسناء في منبت السوء. ولا ننسى حرامية الاقطان دكتور عابدين الذي اعاد للدولة 34 مليون دولار (دولار وليس دينار يا هؤلاء) للتحلل من سرقاته وبدد تابعه محي الدين 700 الف ريال من مال الشعب لدعم المؤتمر الوثني والمجهود الحربي وبناء المساجد على نحو ما اعترف به في 16/9/2013م امام القاضي (لاحظ انه المساجد تشيد بالمال المسروق) فأي دعاء يستجاب لها؟ معتصم عبدالرحيم لا يتحرج في تصديق 168 مليون حافزا لنفسه، أي والله لذات نفسه لقيامه بواجب وظيفي يتقاضى عليه راتبا مهولا وامتيازات ومخصصات تساوى كل ما تقاضاه وزراء التعليم من لدن الاستقلال. ومن الذي يحمي كل هذا الفساد واللصوصية المتدكترة (اقل حرامي دكتور لو ما برفيسور والمكضب يسأل مختار الاصم بتاع التدريب)؟ انه كبير اخوانه البشير الذي اعترف بظلمه لشعبه في 8 نوفمبر 2012م بالسفارة السودانية بالرياض؟ انها منظومة فاجرة استعانت بكل احابيل الماسونية من تمكين واقصاء وتعتيم وتكميم للأفواه وفقه للسترة ونفاق شيطاني لا يقبل بما هو ادنى من التسربل بدثار الدين للامعان في الفساد واللصوصية والحرامية المسيجة بالحصانات الدستورية والامنية والرئاسية والقبلية. ثم تأتي هذه الحيزبون المسترجلة لتتهم الشعب السوداني بالحرامية، علما بان كل من ذكرنا من الحرامية ليس بينهم شيوعي ولا علماني ولا هندوسي وانما جميعهم حركة اسلامية ممن يقصرون الثياب ويربطون الساعة باليمين مخالفة للكفار حطب النار .. فأينا الحرامي يا هذه؟ فالأفضل تخليها مستوره يا دكتوره لأنه ما عارفين في أي ربع ستكونين!!!!!!!!!!

نشهد لها و هي في كرسي الوزارة تاتي سوق اربعة بامتداد ناصر بالتاكسي و تتسوق وحدهاو ده دليل علي عفة يدها

إذا فعَّلنا قانون الثراء الحرام والمشبوه وحده نجد أن «حرامية المؤتمر الوطنى كتاااااااار» وثلاثة أرباع نساء ورجال المؤتمر الوطنى حرامية» .
على ما اعتقد انه كدا تكون الثيقة مظبوطة واقول ليك شىء يا سعاد نحن السودانيين نستاهل لانه زى ما قالت فاطمة الصادق مافى بيت سودانى ما بتلقى فيه سكران وخملان وعاطل وزانى والبتسوى بايدك يغلب اجاويدك المفروض نتقى الله فى انفسنا وفى عيالنا وبعدين نقبل على حرامية المؤتمر الوطنى والله المستعان على ما تصفون

معظم البدافعو عن الولية دي من داخل السودان عبارة عن امنجية معفنين مفرغين في شعبة امن التقانة والمعلومات

حكام الموتمر الوطنى وزبانيتهم هم الحرامية ولصوص المال العام وباقى الشعب برى ياسيدة

اكان كدي انا واحد منهم مرة جيت من المدرسة جعان لمن غلط وفي بيتنا والله اكان موية زير دخلت بيت جيرانا سرقت بسكلة مليانة (روب)شربتها كلها ما خليت ليهم حق الرواب واللة نمت نومة واحدة ماصحيت الا زمن التمرين شغال ليك بع باع بع باع شبعان روب شبع الكلام دا لية حكاية 30سنة اها العجوز الشمطاء دي امكن شافتني وللا حكو ليها عني الجيران قايتو جنس فضايح يابت الفاتح سرقة الجعان حرام ولا سرقة الشعب حرام قايتو سيد الروب دا شغال في الحكومة سرقت روبو حرام ولاحلال

باركى جبتى الإساءة لنفسك الكلام دا كان تقولى من زمان الآن صار الحرام حلال وكل ناس المؤتمر الوطنى حرامية إلا من رحم ربى أراضى السودان كلها باعوها والخرطوم صارت زى ماليزيا فلل وعمارات وسيارات فخمة حتى أبناء المؤتمر الوطنى شكل غير ما عندنا غير نقول حسبنا الله ونعم الوكيل

مافي اي مشكله يا….هناية
ارح نطبق القوانين ونشوف الخسران منو
نحن جاهزين بس اجهزوا انتو!!

لسنا الآن فى موقع لوم حول الفساد وتبديد المال العام

امال فى موقع شنو انتو الكيزان رجال على نسوان لسانكم بذئ