راديو وتلفزيون العرب يهدد الإتحاد السوداني
بعثت إدارة راديو وتلفزيون العرب ( ايه ار تي) خطاباً شديد اللهجة للإتحاد الرياضي السوداني إستنكرت عبره بث بعض القنوات الفضائية للقطات من مباريات الدوري الممتاز الذي تحتكره القناة ، واعتبرت الشبكة على حسب افادات المصادر ان ذلك تعدياً على حقوقها واختراق للعقد الموقع بين الطرفين ، واكدت حرمان الاتحاد السوداني من نصيبه في الشهر الجاري والبالغ 125 الف دولار اي ما يفوق الربع مليار جنيه وانها ستقوم بإلغاء التعاقد وفرض عقوبة مالية على الإتحاد على حسب العقد ، وافادت المصادر ان قادة الإتحاد العام احتجوا لى الخطاب وان رئيس الاتحاد يرى ان بث القنوات الفضائية للقطات لا يعتبر تجاوزاً او اختراقاً للعقد لان الاتفاق تم على بث ( ايه ار تي) للمباريات على الهواء مباشرة واعادة بثها من جديد دون ان تكون هناك اشارة في العقد تمنع القنوات المنافسة من بث بعض اللقطات وهو ما يحدث حالياً . وبحسب صحيفة حكايات هذا ويتوقع ان يثير هذا الموضوع الذي تكتم عليه الاتحاد ازمة كبيرة بين راديو وتلفزيون العرب والاتحاد السوداني لكرة القدم .
يا ررررررررررررررررررررريت يفسخو العقد عشان اول حاجة يحرمو الاتحاد من القروش دي والما معروفة قعد تنصرف في شنو ومن جهة تانية عشان نقدر نشوف المباريات في القنوات السودانية بلا اي ار تي بلا لمة ما استفدنا منهم شي غير الاحتكار ومعظم المباريات غير منقولة
إنشاء الله يتم فك التشفير للدوري الممتاز هنا في السعودية art محتكرة الدوري ولاكن يتم بث أغلب المباريات مع العلم بأن هناك فرق كبير في قيمة الاتفاق;)
أحسن
ان شاء الله اتحاد شداد ما تقوم ليه قائمة , مسخ علينا كل شىء جميل . وايه ارت تى ماعندها شغلة تقضاها , مشفرة ليها دورى بطولته محصور فى فريقين فقط .
والله فعلا القروش دي تنمشي ويييييييييييييييييييييييين؟؟؟؟؟؟؟؟؟؟؟؟
في جيوب مجدي ومعتصم وباقي العصابة000000
والله كل الناس بتكرهكم لوجه الله بس لانكم قاعدين غصب عن كل الناس بالرشوة في الانتخابات 0000الله يقلعكم ويريحنا منكم000000
لما شبكة راديو وتلفزيون العرب تحترم السودانيين وتبث كل المباريات البندفع تمن مشاهدتها من دمنا يبقى الاتحاد يحترم تعاقده معاها … ويار يت يخلوها لى قنوات تانية … معظم المباريات لاتنقل … والبتنقل مرات بدون صوت ..ومرات بدون صورة …
سبحان الله يا ناس A R R اتقوا الله 😡 😡 😡 😡 😡 😡 😡
والله ناس art ]ما بحترمو السودان عشان كدة احسن حاجة يتم فك التشفير ونرتاح من التخبط مره الصوت مقطوع ومره الصورة مقطوعة
نحنا من الأول كنا ماراضين بالعقد ده وقلنا كمال شداد ده راسو فاضي وما بفهم تسويق ولا بيفهم حتى مسألة مناقشة العقود وده دليل على إنو إتحاد الكرة ما عندو أي كوادر مؤهلة وما بنعرف ليه حاجة غير شداد وطول لسانه ومجدي شمس الدين الما عارف حاجة ..
السودان تغير فيه كل شيء يا جماعة حتى الأخلاقيات تغيرت .. ما عدا إتحادنا ده ما عايز يتغير .. طيب وقت كمال شداد ده عايز أقعد في قلبنا ده حقو يطور الإتحاد شوية ..
الإتحاد السوداني وقع مع أي آر تي ببث الدوري السوداني حسب ما أعلن عنه سابقاً بمليون دولار .. ووقتها قلنا ده مبلغ تافه جداً وترخيص للدوري ولي قيمتنا ..
قنوات آي آر تي بتدفع قرابة المليار ريال لنقل الدوري السعودي مع إعطاء القنوات العامة حق نقل بعض المباريات وبالذات الجماهيرية .. وكمان بتنقل دوريات عربية أخرى كالمصري والأردني .. الخ وبمبالغ أكبر مننا بكثير .. بس الفرق هدولك ناس بيعرفوا يسوقوا وبيعرفوا يناقشوا العقود ويدرسوها كوييس .. وأنا متأكد إنو شداد لم يدرس العقد وشاف المليون دولار دي ولعابه سال وفكر في الضربة ووقع على طول بدون مناقشة ؟! وأؤكد كمان .. إنه القالو ده ما الحقيقة وكلام آي آر تي هو الحقيقة بس هو ورطان وعايز يغطي خطأة وخجلته ..
يعني أي آر تي هدفها المكسب .. وما نقلت الدوري السوداني ولا أنشأت قناة النيل الأزرق في البداية إلا عشان تضمن أكبر كمية من السودانيين يشتركوا في قنواتها وده لو عارفين بيدخل ليها ملايين الدولارات .. يعني هم كسبانين كسبانين والهدف هو المادة .. طيب نحنا لييه ما نستغل المسألة دي ونعصرعم شوية بدل المليون إكون إثنين ثلاثة .. الخ . آي نعم دورينا تعبان ومافي ناس غيرنا بتشاهدو بس برضو الجماعة كسبانييييييييين ؟!؟!؟
للأسف ما عندنا حد في البلد بيسأل ولا بيناقش ده ليه وده عشان شنو وده راح فين .. يعني أقصد المجلس الوطني مثلاً مفروض إجيب وزير الشباب ووزير الشباب إجر معاه شداد ويسألوهم .. فين الفلوس وليه قليلة .. وكيف وقعتوا العقد … الخ .
كل ما لدينا جو هش يساعد أصحاب النفوس بإستغلال مقدرات الشعب التعبان ده .. والكلام ده يا أخوانا يشمل أوجه وأشياء أخرى كثيييرة ؟!؟!؟!؟
قال شداد قال .. ما قلنا ليكم نحنا ما حا نتطور إلا تقطعوا الرؤوس الخاوية العقيمة التي ساهمت في تأخرنا وما زالت .. هناك كوادر كثيرة ممكن تعمل وتغير من الحال ..
يلا بلا لمه ….. قطر عجيب
نحن كان ختينا شداد ده كلو شى بيمشى كويس بس ده … اللى بيزحوا شنو … مافى شى مرجع الكوره فى السودان للوراء غير الشخص ده … مرض ……..
كان على اي ار تي مافي مشلة دي كورة نحن منوا الما مستبيحنا الحكاية اصبحت فوضى وسرقة عديل في هذا الزمن الاغبر
الشعب السوداني ربنا يلطف بيهو
وبعدين ياجماعة نحن اول امس اسرائيل عيني عينك قالت انها اخترقت الاراضي السوداني وقتلت 800 شخص منو الرفع عينو وقال حاجة
والله ربنا يستر من الجايات
بسم الله الرحمن الرحيم
اي عقد تحدث ARTعنه معظم مباريات الدوري لا تبث مباشرةوالمشترك السوداني مسامح لايطالب بحقوقه المشروعه يجب ان تلتزم هزه القناةبالعقد والالتزام ببث كل مباريات الدوري الممتاز السوداني والا سنبحث عن حقوقنا قانونيا لاننا ندفع الاشتراكات لا من اجل سماع الاعتزارات واخيرا نرجو ان لانضطر لمثل هزا الاجراء والحديث كزلك
السلام عليكم ورحمة الله وبركاته
مشترك