[JUSTIFY][SIZE=5]أثار النائب البرلماني أحمد حسن كمبال من دوائر ولاية البحر الأحمر، حفيظة نواب درافور، على خلفية وصفه للإقليم بــ”سرطان داخل الجسم السوداني” واتهامه لأبناء دارفور في المهاجر الخارجية والداخلية وداخل الجهاز التشريعي بتقمص شخصية مختلفة تماماً وطرف ثالث بعيداً عن الأزمة في حين أنهم هم جزء منها، وقاطعه عدد من نواب كتلة دارفور وتعالت أصواتهم في نقطة نظام احتجاجاً على حديث كمبال وطالب النائب عبد المنعم أمبدي من كمبال الاعتذار فوراً وسحب كلامه وسط همهمات النواب التي أوقفها رئيس البرلمان الفاتح عز الدين بالطرق على منضدة البرلمان أكثر من 3 مرات وطالب جميع النواب بالجلوس وقال مخاطباً كمبال: “يسحب الكلام من المضابط” وأضاف نقطة النظام صحيحة ونرفض جميعاً هذا الحديث ويسحب من مضابط المجلس، واعتذر صباحي من نواب دارفور وطالب بالتحرر من العواطف الزائدة لإيجاد حل للمشكلة، بينما قدم الفاتح في نهاية الجلسة مرافعة طويلة دفاعاً عن درافور في اعتذار لهم عما بدر بالجلسة.
صحيفة الجريدة
البرلمان: سارة تاج السر
ع.ش[/SIZE][/JUSTIFY]
شكلو النائب احمد حسن كمبال دا فاقد تربوي
ما سرطان الا المؤتمر الوطني الجاب امثالك يبقوا نواب في البرلمان , هسي ده ما تلميح صرييييح بفصل دارفور عن جسم السودان , النائب ده مفروض يقيموا عليهو حد الحرابه ..
للذين يتشدقون بانفصال دارفور اقول
دارفور سوف لن تنفصل حتي ولو اديناهم حق تقرير المصير
للاسباب الاتيه: —
[B]1- الوضع في دارفور يختلف تماما عن الجنوب سابقا
2- ناس دارفور كلهم مسلمين والكثير منهم ليسوا مشاركين في هذه الحرب
3- وهؤلاء هم اكثر المتضررين من الحرب وليسوا انفصالين
4- تعداد القبائل العربيه اكثر من الافريقيه
5- هنالك قبائل افريقيه كبيره جدا ليست مع الحرب مثلا قبيلة البرتي اهل يوسف كبر وقبيلة الميما اهل صديق ميما وقبائل مثل التاما والفلاتا والقمر والبرقو والتنجر والميدوب والبرنو وغيرهم
6- السودان معتمد علي دارفور وكردفان كلي يبقي ويستمر بلدا
مثلا قوات الدعم السريع والالويه التي تحمي الخرطوم الان كلها من دارفور وكردفان من عرب دارفور وكردفان ومن القبائل الافريقيه المواليه مثل قبيلة البرتي اهل يوسف كبر وقبيلة الميما اهل صديق ميما وقبائل مثل التاما والفلاتا والقمر والبرقو والتنجر والميدوب والبرنو وغيرهم
[/B]
عشان كده رهان انفصال دارفور رهان خاسر – فمن الاحسن للانفصاليين من ناس المؤتمر الوطني ان يشوفوا ليهام لغه وحده _ [B]وحده جازبه؟؟؟؟[/B] ؟ . واحسن للحركات المسلحه ان تشوف ليها لغه وحده _[B] وحده جازبه؟؟؟؟[/B] ؟
اما الشباب الطايش البيشجع علي الانفصال في النت فهؤلاء ما عندهم اي معرفه ولا اي خلفيه جيده عن السودان – ديل جيل الانقاذ ما عارفين اي حاجه عن السودان
انحنا عايشنا السودان عندما كان مفخره للكل – عندما كان الامان في كل مكان
نحنا كنا نسافر باللواري من الشماليه لبورتسودان ومن بورتسودان للجنينه – نسافر ايام وليالي لا يعترضا اي مكروه
كنا ننام سالمين امنين في الخلاء في الغابات في الوديان في الصحراء في طريق الاريعين امدرمان – الفاشر
كنا ننام سالمين امنين في القري في القهاوي المنتشره في الشوارع المختلفه
واهل دارفور اطيب من طيبين – كنا نجد الاحترام والتقدير والطيب والكرم في كل مكان وزمان
والمثل بيقول المابيعرفك بجهلك – لو عايشتوا دارفور واهلها لاختلف رايكم الان
اجمل السنوات زمن الرئيس السابق المرحوم حعفر نميري كان رجل وطني ورجل قومي
المرحوم حعفر نميري وحد اهل السودان وما كان في مشكله قبيله او قبائل
كان كل شئ تمام التمام قبل ان يتلم النميري في اولاد الحرام الكيزان
الخراب يدأ في السودان منذ ان اتحد النميري مع الكيزان في اواخر حكمه
وجاءت الطامه الكبري الان عندما اتلم الكيزان والسلفين والمتعصبين والتكفيرين
اتلم المتعوس علي خايب الرجا
دقون طويله ونفاق وفساد وتكبير وتهليل بالفاضي
يقول الله سبحانه وتعالى في سورة الحجرات: يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ. صدق الله العظيم [الحجرات:13]،
فكلمة شعوب هي جمع شعب، والشعب تطلق على عدد كبير من الناس ينتمي إلى أصل واحد، مثل العرب والأتراك والفرس والإفرنج وغيرهم، فكل واحد من هؤلاء شعب.
والقبائل جمع قبيلة مثلا: جعليه شايقيه فور رزيقات بقارة هدندوة بجه
لكن تعليقي على الذين يكتبون ويتكلمون عن دارفور بطريقه لا تليق بها ليس دفاعا عنها لانني منها لكن قد لا يعرفه الكثيرون عن دارفور بان :1-1- السلطان على دينار كان حليف للامام المهدي وتعامل كثيرا مع نائبه عبدالله التعايشي.
2- السلطان علي دينار كان يكسو الكعبه .
3- السلطان على دينار بني رواق ابناء دارفور بالازهر الشريف.
4- ابار علي في المدينه .
وما ننسى انجازات الشرق والشمال والوسط وكل بقاع السودان فيها انجازات كتيره
ياخوانا هذه الانجازات التى شرفت السودان لاكتر من قرن كانت كلها لتجمع السودانين مش تفرقهم الحاصل الان دا كلو نتجتوا ضعف الوازع الديني عند البعض هذه دعوة الجاهلية فلنبذها ونتمسك بسودانيتنا وبس .
الله يهدينا ويهدي الجميع