كوش نيوز .. أخبار السودان بين يديك

مطالبة باستبدال رمز السودان «صقر الجديان» بالصمغ العربي



شارك الموضوع :

[JUSTIFY]طالب المشاركون في اللقاء التفاكري حول مبادرة «المساهمة في بناء السودان خلال العشرة أعوام المقبلة» بتغيير رمز السودان من صقر الجديان إلى الصمغ العربي لأن السودان يحتل المركز الأول من حيث التصدير. وأشاروا إلى أن المبادرة مدخل للإصلاح الاجتماعي والتسامح وكفارة إثم سياسي وإداري.وأكد رئيس مجلس إدارة مؤسسة سودان فاونديشن وصاحب المبادرة وزير الموارد المائية والسدود السابق أسامة عبد الله، أكد أن المبادرة للمساهمة في بناء السودان وتعمل للحد من الفقر وتوفير العمل والأمن الغذائي دعماً للإنتاج والإسهام في بناء وطن قوي وإتاحة الفرص والمنافذ دون الدخول في عمل تنفيذي مباشر، عبر حشد الطاقات المجتمعية والقطاع الخاص وتحسين الدخل للإسر لتحقيق تنمية متوازنة وعمالة وطنية وفق متطلبات السوق ودفع المستثمرين ومعالجة أنيميا المعلومات بإنشاء ويبكيديا، ودعا إلى تحقيق النهضة الشاملة وتضافر الجهود بهدف الإصلاح الاقتصادي الذي تتبناه الدولة دون التمييز للجهوية أو الحزبية.

صحيفة الإنتباهة
الخرطوم: رانيا عباس
ع.ش[/JUSTIFY]

شارك الموضوع :

20 التعليقات

إنتقل إلى نموذج التعليقات

      1. 1

        دة رمز عتيق شوفو ليكم موضوع تانى

        الرد
      2. 2

        ليه مايكزن لوزة قطن ماكان في يوم من الأيام الذهب الأبيض والمحصول النقدي الوحيد الذى يعتمد عليه السودان ولاعشان ينتج في الجزيرة ودا في كردفان كفاية مجاملات وخلونا على صقر الجديان أحسن

        الرد
      3. 3

        [FONT=Arial]حليل الصمغ والرجال البيطق الصمغ هو في صمغ انتم قاعدين وين شوف التراجع في الانتاج الي اللا شئ شوفو غيرها[/FONT]

        الرد
      4. 4

        الانتاج لا يحتاج الى شعار صقر جديان او صمغ عربي او لوزة قطن انما يحتاج الى ضمير حي وقلب نابض بحب الوطن وبذل الجهد والطاقة وتكريس الوقت في خدمته ورفع شأنه ، الانتاج يحتاج الى العمل ووقف المهاترات السياسية والتنظير في الفاضي ، الانتاج يحتاج الى شباب يحب وطنه ويعمل لخدمته ، الانتاج يحتاج الى نصيحة الكبار الى الصغار بأن يابني السودان هذا رمزكم فدعونا نعمل لرفعته وفقنا الله واباكم لما يحب ويرضى .

        الرد
      5. 5

        اسي يعني التنمية والتطور اتوقف على شعار الدولة الذي يرمز للعزة والكرامة وله تاريخ في وجدان السودانيين ، والله انتوا ماعندكم موضوع شوفوا ليكم موضوع تاني واشتغلوا بجد وإخلاص وبهذا فقط تتقدم البلد وتتطور بدل الكلام الفارغ ده المرجعنا لي ورا ” قال تغيير النسر بالصمغ ” عشان تتقدم البلد وتنمو، والله دي نكته .

        الرد
      6. 6

        لا و الف لا انه رمز عزة السودان ومتوارث من القدم (هو الوحيد الفضل لينا عايزين تمحوه كمان).

        الرد
      7. 7

        ((وأكد رئيس مجلس إدارة مؤسسة سودان فاونديشن وصاحب المبادرة وزير الموارد المائية والسدود السابق أسامة عبد الله، أكد أن المبادرة للمساهمة في بناء السودان))
        ياخ معقولة؟؟ يعني بعد اتهدا السودان وبقى قاعد ليه في حفرة حيمش تحت وين اكتر من كدا،، الا يكونو عايزنو يجيب موية بعدا ،، وبجيبها بالطريقة دي قبل ال10 سنين,, اكيد،، عندنا حفارين محترفين
        حسبنا الله ونعم الوكيل

        الرد
      8. 8

        لا إلله إلا أنت سبحانك إنى كنت من الظالمين
        الناس فى شنو وديل فى شنو

        الرد
      9. 9

        اوافقكم يا النيل + صالح + صبرى + عز الدين كلامكم ميه ميه / لكن ديل غيروا اى شى النعليم الصحه الاخلاق التوقيت بحجة البكور كل شى هبشوهو غيروهو للأسوأ حتى اصبح السودان سجم رماد ربنا يلطف بنا

        الرد
      10. 10

        انا ابعد دا اقترح تغيير اسم السودان الى دولة الكيزان وشعار الدولة يكون الكوز اه كدى رايكم شنوا السبب وراء هذا الاقتراح الاتى 1/ تم تغيير الجنيه الى دينار والعودة الجنيه لكن جنيه خالى الاصفار (الجنيه الجديد ).
        2/ تغيير السلم التعليمى الى ثمانية سنوات والعودة الى (المتوسطة لكن بالجديد ).
        3/ تغيير الساعة السودانية البكور والعودة الى السعاة القديمة لكن بمسمى جديد .
        4/ تغيير نظام الحكم من اقاليم جمهورية الى ولاية قبلية والعودة الى القديم .
        5/ تغيير المناهج من بخت الرضا الى كليات جامعية والعودة الى القديم .
        6/ تغيير مواقف المواصلات والعودة الى القديم .
        7/ تغيير المحصول الرئيسى من القطن الى الصمغ العربى والعودة الى القديم .
        تغييز الزى المدرسى والعودة الى القديم .
        8/ تغيير المذهب المالكى الى فقه التجديد والعودة الى القديم .
        9/ تغيير مساحة السودان من مليون ميل مربع الى اقل والعودة الى القديم
        10/ تغيير الهيئات الحكومية الى هيئات خاصة والعودة الى القديم
        11/ تغيير التعبيرات من وشكرا الى وجزاكم الله خيرا
        وهلم جرا من المتغييرات التى لا يسع المكان والزمان لحصرها

        الرد
      11. 11

        خليهم يقولوا زى الناس بيقول حليل الصمغ العربي رحله وفات من سنين كل سنه نسمع بزياده في الانتاج ماشفنا حاجه في مثل المذيع مسضيف رباطابي في الاذاعه قال له السنه وفرنا لكم كل التقاوى جميع احتاجات الزراعه قال له تمام اتلفت المذيع للرباطابي في الختام بتستمع لمنو من الفنانين قالوا لعثمان حسين في اغنية مابصدقكم

        الرد
      12. 12

        وهل يزداد انتاج الصمغ العربي بتغيير الشعار فقط ؟ ! غايتو ناس المؤتمر الوطنى ديل بجيبوا ناس من وين ما عارف ؟

        الرد
      13. 13

        الله الله , هل نحن في مرحلة تغيير شعار ؟ أم تغيير ذمم وخطط وبرامج اسعافية لنخرج من المآزق الحالية وهل الصمغ العربي داخل السودان يأخذ حقه ؟ هل الصمغ العربي هو انتاج السودان الوحيد؟ نعم هو سلعة مهمة لكننا نهدره ولم نستطع أن نضغط على أمريكا به.. لقد تم تدمير مشروع الجزيرة والمؤسسة الفرعية لأعمال الري والحفريات وبيعت ممتلكاتها هل شعار الصمغ العربي سيعيدها؟ أم يعيدها التفكير السليم مع التخطيط العلمي ؟ إذا كنا نظن أن شعار يوضع على العلم أو على سيارات الحكومة سيغير من السودان فعلى السودان السلام .. السودان يحتاج لرجال مخلصين وليكن هذا هو الشعار ..هذا الأقتراح إنصرافي خارج موضوع إنقاذ البلاد أنا أعترض بالرغم من أنى ليس لدي سلطة ولكن أفكر أفضل من هذا الاقتراح الغريب في الزمن الحرج يا استاذ اسامة ولو تم تأييد اقتراحك سيكون المؤيدون خاليي الزهن من أي حل علمي لمشاكل البلاد والعباد من الفقر وغيرو أما بخصوص العمل والامن الغذائي الحل يا سيادة أسامة هو إعادة بناء مشروع الجزيرة والمؤسسة الفرعية لأعمال الري والحفريات وأنت أعلم بأهمية المؤسسة الفرعية لاعمال الري والحفريات , لقد تشرد مئات البشر بسبب تدميرهم ولن يعيدهم شعار الصمغ على العلم والعربات الحكومية بل الرجال والصدق والأمانة في العمل , أعرض عن هذا يا اسامة نعم السودان يحتل المركز الأول بالصمغ ولكن لا تنسى يحتل مركز متقدم في الفساد هل شعار الصمغ قادر على تخليصنا من هذا؟ وهل شعار الصمغ يكون كفارة إثم سياسي وهل شعار صقر الجديان هو السبب في الوضع الحالي ؟ وهل تفكيرك هذا يناسبك كمهندس عمل على سد مروي وهل خبرتك في تنفيذ السد لم تعلمك أن العمل هو طريق الإنجاز وليس الشعارات ؟ إذا كان لديك مشروع كفارة سياسي آخر فليكن موضوعه التغيير عن طريق العمل والصدق والامانة ( البلد عاوزة راجل راضع لبن أمو)

        الرد
      14. 14

        ده شنو التخلف والعبط ده ،يعني خلاص حليتو كل مشاكل السودان
        وفضل لينا نبدل رمز السودان .
        طيب علي وزن الصمغ ،ما تشوفو طريقة تختاروا الويكة فنحن اكثر شعوب الارض
        اكلاً للويكة ونستطيع ان نغرق بها العالم ،او اختاروا سن الفيل او جلد الاصلة او (الخروف) . اللهم ألهمنا الصبر !!!!!

        الرد
      15. 15

        عشان ما ينفصل واحد تاني.

        الرد
      16. 16

        ده الفضل ياعديم المرؤة

        الرد
      17. 17

        هـو الشعار ده إسم مسرحيه ولا شعار قناة تلفزيونيه ؟؟؟ يا ناس ما عندكم
        حاجه كيسكم فاااضي عاوزين تعملوا ليكم زخم علي الفاضي شعار شنو البغيرو
        ليكم ماقادرين تشتغلو اقعدو في بيوتكم ؟ قال شعار يتغير بلاء يخمكم كلكم

        الرد
      18. 18

        انا بقترح صورة ثلاثية لبقره وجمل وخروف وفى نصهم دائرة يجيبو فيها صورة جماعية لكل المتشاركين في اللقاء (( التعاورى .. المساهمة في تهييف السودان خلال الـ100 سنة القادمة )) .. ويسموها شعار الجربان للشعب التعبان ( اقصد شعب السودان ) .. غايتو الواحد لمن يكون تافه ممكن تبلعها بى شوية اندروس .. لكن لما يكونو كورجه من التافهين .. تلاقى نفسك عايز تتف ليهم حاجه معتبره فوق روسيهم

        الرد
      19. 19

        الله يرحمك يا جعفر نميري ويحليل زمانك لما كان الجنية يساوي ثلاثة دولار ..

        واليوم جماعة المؤتمر الوطني عاوزين يغيروا رمز وشعار السودان …

        خلاص غيروه ويكون الشعار “كوز” و”زير” عشان جماعة الأنقاذ والمؤتمر يدخلوا الكوز جوه الزير ويلهطوا ……..

        ال ح يترك قديمه بيتــــــــــــــــــــــــــــــــــوه ….

        الرد
      20. 20

        وبعد تغيير رمز السودان الي الصمغ العربي ،يتحول
        لقب المنتخب الوطني بدل صقر الجديان ليصبح (الصماغين العرب)
        او (اللصاقين العرب) ، هههههه حيرتونا لكن !!

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.

    سودافاكس