السودان: حُكم مرسى كان أسوأ فترة لعلاقتنا بمصر
ونفى «كرتى» فى حوار مع صحيفة «الحياة» نشرته، اليوم، أن يكون الرئيس البشير تلقى طلبًا قطريًا خلال زيارة الشيخ تميم بن حمد الأخيرة قبل شهور «فى شأن نقل رموز الإخوان من الدوحة إلى الخرطوم»، مضيفًا أن بعض الدول الخليجية وبينها السعودية «ترى أن حكومة السودان لها علاقة بالإخوان المسلمين، وهذا غير صحيح إطلاقًا».
وتحدث الوزير عن علاقة بلاده مع مصر، قائلًا إن فترة حكم الرئيس المعزول محمد مرسى كانت أسوأ فترة لعلاقات بلاده مع مصر.
وأضاف: «بكل صراحة، علاقتنا توترت فى عهد مرسى أكثر مما توترت فى عهد الرئيس الأسبق حسنى مبارك، لأن كثيرًا من الملفات التى كان يظن أن الثورة ستزيلها، لم تستطع حكومة مرسى إنجازها».
وقال الوزير، إن دعم طهران للتشيّع فى بلاده «لا يعبر عن إرادة حكومة البلاد الرسمية»، وأضاف: «هناك معلومات مغلوطة فى شأن علاقة السودان مع إيران على حساب الدول الخليجية».
وأوضح: «علاقتنا مع إيران علاقة عادية جدًا، ودون المستوى بين دولتين إسلاميتين، خصوصًا أن إيران وقفت كثيرًا مع السودان فى كل المحافل الدولية ودافعت عنه كثيرًا، ولكن هناك حاجة بسيطة للسودان فى ظل التحديات الأمنية التى تواجهها البلاد، وقلنا كثيرًا إن السودان يستفيد من علاقته بإيران بشكل محدود فى مجال صيانة بعض الأسلحة التى تنتجها بعض المصانع السودانية».
وشدد «كرتى» على أن علاقة بلاده بطهران لا تضر بالمصالح مع السعودية أو المصالح العربية بشكل عام، وأضاف: «ولتأكيد أن التعاون محدود، نحن على استعداد بأن يراقب ويتابع».
وأكد أنه «ليس هناك خبراء إيرانيون فى السودان، وليست هناك أسلحة إيرانية تعبر من السودان إلى أى دولة أخرى».
دنيا الوطن
أ.ع
كاذب علاقة السودان بى ايران قوية جدا وفى كافة المجالات والسودان يقوى علاقتة بى ايران من اجل حماية كرسى الحكم مثل ما يحصل فى سوريا
[SIZE=5]والله هسي كلام كرتي دا زاتو ما وقتوا ياخي نحنا قدر ما نلم بلاوينا علينا تجوا تنكتوها …
بعدين وين السياسة اذاايران عرضت نصب صواريخ ليس لاسرائيل ولكن للسعودية كان كرتي هذا يذهب الى السعودية والامارات ويعرض عليهم ان ينصبوا صواريخ في السودان ويلعب لعبة السياسة ويطلب دعم عسكري او نقدي
ولكن نحنا اصلوا ما بنتعلم سياسة ، والله ديل اكان الحلب اكانوا حلبوا السعودية والامارات دراهم وريالات .
[/SIZE]
يخسى عليك يا خايب
ليه نتابع ونراقب من قبل دول اخرى وعشان شنو
منو الباكلنا ويشربنا
دى حالتك عامل فيها مجاهد واتكالك على الله
نحنا نموت ولا واحد يقلل من كرامتنا وعزتنا
نحنا غير كل الناس اعزاء فى وطننا كلنا بنحس البلد حقتنا لا بنخاف من البشير ولا من وزير تجى انتا تقلل من كرامتنا
اتاكد ديل ما دام ختوك فى راسهم لو لعقت احذيتهم ما بيشتغلو بيك فارجوك ما دام القدر خلاك تمثلنا حافظ على كرامتنا
انا اصلا بشك الراس ده فيهو طايوق بفكر فبالله عليك اصمت بس
كل ما ذكر خطأ !!!
لكن ما ذكر يعكس بجلاء الهلع و الخوف و الانبطاح و التنصل عن مسئولية الافعال و إضطراب البوصلة و فقدان الجميع من اصدقاء و اعداء .
بدينا نجر واطي الكلام ده كان وين قبل الانتخابات المصرية و التحالف السعودي الاماراتي البحريني المصري ضد الاخوان و حلفاؤها ……عمركم ما حتتعلموا من اخطائكم و لم تتعلموا من درس حرب الخليج و عدم وقوفكم مع الكويت يعني تحالفاتكم دايماً فاشلة و لا تجنوا منها سواء الوبال على الشعب السوداني وعاملين فيها سياسيين و متعلمين …..انا ما عارف سياسات التحدي و العنجهة عاوزين توصلونا بيها إلي أين….دول العالم كلها مشغولة بالاقتصاد و التحالفات الاقتصادية و انتو لسة في إيران و حماس و ماعارف شنو..
..دولتين في المنطقة مفترض تكون من اولياتكم وهما السعودية و الامارات لانو بمقدورهم أن يجوعونا إذا تخلوا عن الأعداد الكبيرة التي تعمل هناك من السودانيين…فكفاية لعب و استهتار بمصير هذا الشعب ان كان عن قصد و دراية أما اذا كانت اخطاؤكم دون عن قصد يعني بعدم معرفة فالأفضل ان تسيبوا الحكومة بأقرب وقت وتشوفوا ليكم
سوق و لا جامع….
[JUSTIFY][B][SIZE=5][FONT=Simplified Arabic]أيواااااا
بالله هو ده الشكل بتاع الخطاب السياسي بتاعنا؟
يادوووووب عرفت ليه القاصي والداني بقى يستفزنا وبقينا زي السمسمه في الدبلوماسية، إذا كان ده هو أسلوب وزير خارجيتنا.
ثم البعثات الدبلوماسية الفي السودان دي قاعده تعمل شنو؟
أمورنا كلها في السهله، والسفارات الأجنبيه شايفه شغلها صاح وحكوماتها ما محتاجة لنفي أو تأكيد حكومتنا.
الحقوا الفضل! وأحسن حاجه أنو وزارة الخارجيه تكرب نفسها وتشتغل لراحة السودانيين المهاجرين في الخارج عشان الدبلوماسية الشعبية تشوف شغلها صاح وترتق الإنقطع وترخي القيد وتسهل الأمور.[/FONT][/SIZE][/B][/JUSTIFY]
احي يا الرز !!!! والله يا كرتي خواااااااااااااااااف
تاريكم نافخين فى الفاضي سااااكت
صدق من قال
[SIZE=5] ان السياسيين كحفاظات الاطفال يجب تفييرها باستمرار ولنفس السبب [/SIZE]
يا كرته …
الضرب على الميت حرام
فعلك جبان ولا ينم عن مروءة .. كان تقول الكلام ده لي مرسي لمان كان حاكم.
وقولك لايعود بخير على علاقات السودان بالسعودية والإمارات ومصر ، بل واضح مداهنتك ..
أخوان مصر ماعندي معاهم شغله .. لاكين انتو يا كرتي ماخليتو صفه سيئه ما تلبستم بها سبحان الله كأنما لديكم عهد مع الشيطان !!!