بالصور .. العاطلون يتجمعون أمام مكتب والي الخرطوم ..(عاطل..لا تكلمني ..الوالي مواعدني ..قال حيشغلني)
واستبق الخضر التجمع ببث تصريحات جديدة السبت رحب فيها بالشباب الراغبين في الحصول على فرص عمل، لكنه أوضح أن ذلك سيكون عبر التمويل الأصغر وليس في الدواوين الحكومية التي يتم الوصول إليها عبر إجراءات لجنة الاختيار.
واعتبر ناشطون على مواقع التواصل الاجتماعي فيس بوك بعد التجمع أمام مكتب الوالي أن الحضور كان ضعيفاً، وأن الخضر تعامل بذكاء مع الدعوة وأحضر فورمات التمويل الأصغر لكل المتجمعين أمام مكتبه.
حملة منظمة
وكان التجمع المعني سبقته حملة منظمة من ناشطين على مواقع التواصل المختلفة طوال الأيام الماضية باسم (أنا عاطل/ة) تحض كافة العاطلين في العاصمة على التجمع لترجمة تصريحات سابقة للوالي نشرت في صحيفة محلية يقول فيها أي زول ما لقى شغل يجيني أنا مباشرة.
وقال الخضر في تصريح نشره المركز السوداني للخدمات الصحفية السبت، إن الأجهزة المعنية بتوفير مشروعات التشغيل بالولاية أعدت العدة وجهزت مشروعاتها تمهيداً لاستقبال طلبات الراغبين في الحصول على فرص عمل.
وأوضح أن الوظائف الديوانية يتم الإعلان عنها عن طريق لجنة الاختيار بالولاية ولا توجد وظائف ديوانية بمكتب الوالي على النحو الذي تم الترويج له عبر وسائل التواصل الاجتماعي.
وأعلن الخضر أن الولاية بصدد طرح 2000 فرصة عمل لتعيين معلمين خلال الأيام القادمة عبر لجنة الاختيار، وهي مفتوحة للجميع حسب المؤهلات والشروط المطلوبة للتقديم للوظيفة.
سوداناس[/JUSTIFY]
قالوا شنو عاطل لا تكلمنى …وماشى ليه للوالى وقت ما عاوز حد يكلمك
اول شيئ البطالة مشكلة عالمية .ثانى شيئ الحكومة ليست مسؤولة عن البطالة.بعدين الشباب ديل طموحاتهم قليلة كدة مالها فرضا إشتغلوا فى الحكومة حيشتغلوا بكم و حيوفروا كم .وأتصور الحكومة تكون ما قصرت لو عملت على فرص للتمويل.بس كمان ما ينوموا بقروش التمويل دا مال عام .
ليه الناس ما ترجع الولايات للزراعة وتربية البهائم وعمل مصانع للمنتجات الزراعية والحيوانية .يا سيدى واحد قريبى قبل حوالى 6 أشهر لاقيتو فى دبى قال لى شاحن برسيم من شمال السودان وباع البرسيم بتاعه فى دبى قبل ما الباخرة ترسوا وقال لى بيربح ربح خيالى بس قال عنده مشكلة عدم توفر الأيدى العاملة.والشباب يقولوا ليك عاطل لا تكلمنى
الأخيرة رآفعة يافطة ” أنا وآحد من مليون عاطل ” وفي جيبها موبايل جلاكسي …
والقبليها رآفعة يافطة ” أنا عاطلة برا عرس ” .. أنصحك يا أختي يافطتك ديه أحتفظي بيها عشان ترفعيها يوم العنوسة السوداني …
إنتي واحدة من مليونين ………
سوق العمم الحكومي في اعتي الاقتصاديات العالميه لا يستطيع استيعاب الكميات المهوله من الخريجين فامريكا صاحبه اكبز اقتصاد عالمي بها نسبه لا يستهان بها من العطاله فالتحصيل الجامعي يمنحك قدره اكبر علي التكيف واستيعاب اي عمل حر في فتره وجيزه كالقدره علي مخاطبه الاخرين واقناعهم بفهم ومنطق رشيد وعمل دراسات جدوي حقيقيه وواقعيه بالاضافه الي التفكير المنطقي والجراءه والقدره علي تنفيذ مشروعك بحسابات مدروسه مها كان المشروع صغيرا فكثير من المشروعات الصغيره اصبحت عظيمه من فكره صغيره وشخصيا لي تجربه فانا خريج جامعه مرموقه وفتحت مكتب عقارات صغير في شارع ظلط جانبي براسمال 110ايجار شهري زايد 4كراسي وتربيذه احضرتهم من المنزل زايدا حافظه مياه وكوب ولافته ب25جنيه قبل 3 سنوات والان دخلت مرحله البيع والشراء العقاري بمبلغ محترم جدا جدا والحمد لله من قبل ومن بعد فعلي الخريج الا يستمر في متاهات التوظيف الي ما لا نهايه فالوقت من ذهب فمشروع صغير مدروس بعنايه خير من مائه وظيفه ونسال الله التوفيق للجميع .
دقسوكم دقيسها صاح. الحكاية وما فيها عملية جس نبط وتقدير عداد اللذين حضروا للموقع وزيادة دخل الحافلات والبصات والامجادات والتاكسي.الوظائف المتاحة حاليا اما الجيش واما البوليس لانو الجماعة عندهم نقص شديد والموجودون اصلا متزمرون من الوضع البائس والسمينة قالو عند ناس الدعم السريع……وفعلا تحريك الشارع سااااهل…وما تتغشو ويقولو ليكم عرس الشهيد والحور العين لانو حاتروحو شمار في مرقة….
عبارة عن شغل الراي العام عن موضوع الفساد بمكتب الوالي…اليس كذالك.
[B][SIZE=6]*** لعلعة الكيزان هي الدمرت السودان ***
بكرة ..
– ح نسوي
ح نعمل
ح نكون
ح ح ح
[/SIZE][/B]
والله في السبعينات بمشي سوق الخضار
القديم في الخرطوم أبيع الأكياس وكان دخلي
اليومي أفضل من موظف الحكومه وكانوا الموظفين
جيراني يستلفوا مني ديل حناكيش ساكت.
موقف راقي للتعبير عن العطالة كما يفعل جميع البشر
ورد فعل مقبول من الوالي والحكومة
هكذا نريد السودان كل يعبر عن مشكلته في حدود القانون.
اما تعليق بعض المعلقين على تلك المظاهرة ووصف بعضهم المتظاهرين بالشيوعية وغيره وكأن السودان ملك له هو وليس لمن خالفه حق أن يعيش فيه.
وبعضهم اقترح عليهم حمل الملود والكندكه وعلى هؤلاء أن يسألوا أقرب الاقربين لهم ممن يمتهنون الزراعة وسيوضحون لهم مآسي ما يعانون من الزراعة ليعلموا الواقع الذي لا يعرفونه قبل اقتراحهم العقيم هذا .
[FONT=Arial][SIZE=5]غايتو يا الخضر – الجماعة بقلبوا عليك – براك جبته الهواء لي نفسك
جبل الثلج اتحرك ، الناس محتاجة فعلاً لعمل والناس عطاله وما تتخيل الجاييك
فعلاً دا جس نبض – وحضروا مقابض الضغط بعد دا – الناس قرفانه من الكلام ودائر شيء عملي
[/SIZE][/FONT]
(انا واحد من مليونين عاطل) دى الموبايل الشايلاه فى جيبها دا موبايل زول عاطل .
[SIZE=5][SIZE=2]othey are better then me and u guys >> at least they did raise their sound to be heard and demand for their and our rights
*** try to critics them [/SIZE][/SIZE]
الحمد للة فتناهم بالصبر الجميل والكلام واااااااااااااضح مثل الشمس لكن الحكاية اخزت طابع سياسي والجماعة شكلهم الجماعة الطيبين لموا ليهم وحديين غافلين وانااقول اللافتة بتاعة الوالي والينا دي الشايلها دة لو ما……………………….اكيد تكون مسروقة من واحد من النوع دة
أصلا لاتوجد وظائف اذا كان في وظائف كان يكون من 25 سنه وهذا هو حلم ابليس بالجنه
العطاله مشكله ولكن الدوله ما بتحل مشكلة اي واحد مفروضص يدوروا للعمل الخاص زي ما قال حسين خوجلي بياع البطيخ الان في لندن بحضر للدكتوراه وبعدين قبل العطاله الانوثه شئ اخر البنات الرافعين الرايات انا عاطله ودايره عريس لقطه او نص لقطه كان يمكن تلقي اللقطه قبل الشغل ……………