رياضية
ستيفن يفكر في إستدعاء ايداهو للمنتخب السوداني
يفكر الانجليزي ستيفين مدرب منتخبنا الوطني في استدعاء ايداهو لاعب المريخ النيجيري الحاصل على الجنسية السودانية للمنتخب، واستفسر ستيفين عن امكانية الاستفادة من خدماته باعتبار أن اللاعب حاصل على الجنسية السودانية، وعلم أن اثنين من ضباط الاتحاد العام وافقا ستيفين ودعما توجهه لاستدعاء اللاعب، ومن المنتظر أن يجتمع ستيفين بايداهو عقب مباراة حي العرب!!
صحيفة الصدى
افتكر عشان الحكاية تكون مقنعة للاتحاد الافريقى يجب ان يسجل باسم سودانى شاوروه واضبحوا ليه سماية وانا بسميه كبسور ايداهور كاقتراح
مافيها حاجه اذا مثل المنتخب شوفوا دول كبيره مثل فرنسا والمانيا مجنسه لاعبين من شتى بقاع العالم والمنتخب اولى من الانديه؟
يعني يا خونا انت ما عارف انو المجنس الذي لم يسبق ان لعب لاي من منتخبات بلده الاصل واقام في الدولة التي منحته الجنسية عامين يمكن يلعب مع منتخب الدولة المجنسة بدون اي شروط و يمنع بعدها من اللعب مع منتخب بلده الاصل …… ارحمونا شوية يا عالم
نتمنى ان يصح هذه المعلومة
مع انه جاء من صحيفة الصدى
صحيفة الاخبار الكاذبة والمفبركة
من حق ادهور وغيره من الاخوه الافارقة والعرب ان يمثل السودان مش افضل من ان يذهب الفرنسا وبريطانيا وامريكيا
معنى كده نحكم على المواهب الكروية السودانية بالاعدام ، مادام المنتخب وصل لهذه المرحلة .
ارحمونا بقى من العجز والفشل
واكثر شئ بيضحكني الترزية البنغالية الذين يظهرون في اعلانات الثياب السودانية في قناة النيل الازرق
كفاية يا ناس الجبهة
هذا يكشف مدى الخلل الذي حدث في نظام التعليم والشهادات المفبركة .
نتمنب ذالك:lool: :lool: :lool: :lool:
تاني أحسن خبر أسمعه اليوم .. أحسن حاجة ..
المواهب الكروية السودانية وينه .!؟؟؟! كان كأس أفريقيا للمحليين ما قادرين إجيبوه ..
مادام مالعب لي بلده .. كان أديتوه الجنسية بكرة ممكن إلعب .. وحكاية سنتين ما سنتين ده كلو كلام فارغ .. وإن كان كذلك هو ليه الآن أكثر من سنتين في السودان …
دول كثييرة وأحسن مننا في الكورة وفي أي شيء عملوا كده عشان ينافسوا وإمشوا لي قدام وإعملوا حاجة من أقصر الطرق .. عمدك قطر والبحرين وغيرهما جنسوا الرياضيين مش في الكورة بس حتى في جميع الألعاب .. وعندك فرنسا وألمانيا وإيطاليا وغيرها في أوربا ..
فكونا من النعرة الفاضية الما نافعة دي .. وجنسوا لينا 10 مش واحد ..
بالمناسبة أنا هلالي .. وكمان رأيي إنو إيداهور ما حريف لكن الفكرة عجبتني وإنشاء يجنسوه ويلعبوه ويحننوه كمان ..
كان إنتظرتوا لي ناس هيثم والعجب وعمر بخيت وبقية الحاجات ديل واطاتكم أصبحت ..
نحنا عندنا اللاعب والحكم والمشجع والإداري والغني في جميع أنحاء السودان بيلعبوا مع الهلال أو المريخ فقط .. عايزننا نتطور متين ؟؟!؟!؟!؟!
اللاعب عندنا لما يمشي الهلال أو المريخ خلاص وصل قمة المجد ومن هنا تبدأ العلاقات والسهرات والإلتفات للأشياء الأخرى إلاكرة القدم .. في حين دي مفروض تكون البداية نحو التميز والمجد له وبالتالي لوطنه .. وممكن الإحتراف الخارجي والعالمية .. فكيف يكون عندنا منتخب منافس وقمة طموح لعيبتنا هلال مريخ وبالتالي ضامنين المنتخب ؟!؟!!!
جيبوا .. جيبوا .. جيبوا ليهم الأجانب ديل إمكن إحركوهم شوية ويخلوهم إنتهبهوا لي لعبهم .. وأنا متأكد إيداهور كان لعب مع المنتخب والله إجري وإجري ويدافر أكثر من الوطني كأنه ده منتخب بلاده .. عارفين ليه ؟! لأن طموحه ما ليه حدود وعايز المزيد وعايز الإحتراف في أوربا وعلى أكتاف بلد نايمة .. بعدين إمكن الكلام ده يولد لينا جيل جديد في الكورة السودانية عندها الرغبة والروح والطموح وثقافة المنافسة والفوز ..
يا ريت ده إتحقق وياريت وياريت وياريت وبالله عليكم تسوووها .
بالمناسبة من 15 سنة قلبي مات من ناحية الكورة السوداني وصرت أشاهد مباريات الفرق السودانية بالصدفة ودون أي حساسية أو إهتما بالنتيجة .. لأن الأمر سيان عندي .. وفي نفس الوقت أنا متابع جداً وبشكل دقيق للدوري السعودي وما أقدر أفوت أي مباراة في الدوري وأحرص على قراءة الصحف الرياضية اليومية .. إيه رأيكم في الكلام ده ..
الرقم الليلة برضو مميز يالكنترول .. عشان المرة دي من البيت ولا شنو ؟!؟!
هل تعلم انو ايداهو ينتمي الى اكبر القبائل في افريقيا وهو ابن اصول عميقه في المنطقه كلها واسمه بالغة قبيلته يعني الهدى او الرضي .
يعني زي أوباما ؟!؟!؟!
يجـــــب طرد هيثم مصطفي من المنتخب لانه يحرض اللاعبين ولو في امكانيه يبعدوا لاعبى الهلال وحنشوف السودان باذن الله في كاس العالم والامم الفريقيا