الأمة والشعبي يطالبان بمنصب نائب الرئيس وإقليم واحد لدارفور

منذ استقلال السودان و حتى يومنا هذا لم نسمع بحكومة فى اى دولة فى العالم لديها خرطميه نائب رئيس ؟ هل يا ترى ان منصب نائب رئيس هو الحل الوحيد لمشاكل السودان و اسكات الحركات و ارضاء الاحزاب ؟ الواقع السودانى اصبح مرتع للنزاع من اجل السلطه و تقلد المناصب بعيدا عن الحس الوطنى و كل يسعى لمنصب و راتب و مخصصات و حراسه و سطوه و يكون نافذ و له القدره فى تحريك اللعبه السياسيه التى اصبحت كالشطرنج يستبدل هذا و يعين هذا و يفصل هذا و ينفى ذاك !
كم تمنيت ان يكون للسودان حاكم اى كان وطنى بمعنى الكلمه ليس له اى انتماء او حزب يلتف حوله اهل لسودان بمختلف الوانهم و طوائفهم و يكون السودان الموحد لنرتقى الى اعلا قليلا ونكون فى مصاف الدول الخالية من النعرات القبليه و الحركات المسيسه و المدفوعه من جهات ذات مصلحه و اجنده خفيه .
تحزبنا قدر من الزمن و لم نفلح و تعسكرنا لاكثر من مره و لم نسلم و اخيرا تأتمرنا و نتج ذلك الحزب الحاكم و انسلخ الشعبى و اتى باقى المعارضه و اكتملت المسرحيه و كل السودان شعبا هو الجمهور الحاضر الغافل و المتلقى و المضحوك عليه دوما ؟!!!
و الى متى سنظل فى انتظار المنقذ و لا اعتقد هناك بصيص امل فى ان نظفر بهذا ؟
و ليكن الله فى عون السودان شعبا و ارضا و يظل واحدا موحد .

ما هذا التنازل يا حزبي الامة والمؤتمر والرضا بمنصب نائب الرئيس – صراحة نحن كشعب سوداني لا نوافق ان تكونوا اصلا من الاحزاب الممثلة في الحكومة وبل لا نقبل ان يسمح لحزبيكم بممارسة العمل السياسي – فقد جربناكم وما لقينا منكم الا الذل والهوان كما كنتم – ولن نقبلها مرة أخرى – اما المؤتمر الشعبي فأ تساءل لماذا ينسب الشعب الى أسمه وقد ذاق الشعب من زعيمه ما ذاق – بيوت الاشباح – حرب الجنوب – التى ابتدع منها ( عرس الشهيد – حور الجنان ) وقد قتل معظم الشباب السوداني بأسم الجهاد الذي أنكره ( اللهم ابعدهم عنا وأكفينا شر هذين الحزبين يا كريم )

دا خرف زاتو كمااان*****بقو عندنا اثنين مخرفين الله يستر ع السودان:confused: :confused: :confused: :confused:

معقول يا جماعه والله حرام عليكم … هل مشكلة السودان هى موضوع مناصب .. كنا نحسب أن الإجتماع سيخرج إلينا برؤى تعالج بلوى المشاكل المفتعله أصلاً بواسطتكم رموز الحزبية في بلادنا .. لكنكم لم تفكروا إلا في المناصب .. هل مشكلة دارفور إن كانت هنالك مشكلة من الأصل سوف تنتهى بتقليد دارفورى منصب رئيس الدوله .. ولماذا التسرع إن كانت الإنتخابات هى المدخل المشروع للكراسى .. والله بجد سئمنا الألأعيب هذه .. مشكلة دارفور يعرف علاجها حتى الشخص البسيط جداً .. مشاكل دارفور أهلية بالدرجة الأولى ولن تنتهى إلا بجلوس جميع القبائل تحت قبة العرف الذى يحترمه الشعب السودانى أكثر من القوانين المصلحية التى تخدم الساسة أكثر من المواطن المغلوب على أمره .. مالم يجلس أهل دارفور بكل قبائلهم ويعملون بعقلية مفتوحة بعيداً عن الضغوطات السياسية لحلحلة كل مشاكلهم القبلية فإن الصراع سيستمر وبضراوة حتى لو جاءت الإنتخابات بدارفورى إلي رئاسة الوطن بكامله ناهيك عن نائبه 0

الى المدعو الامبراطور لماذا لا يستحق منصب نائب الرئيس شخص من دارفور ؟
هذة من اسباب مشاكل السودان وليس دافور فقط ،

رسالة اخرى الى الغريب

سؤال اواجه للغريب من هم سكان الاصليين انا بحاوب عنك بدون عنصريه هم النوبة فى الشمال والنوبة فى الجنوب والنوبة فى الغرب يعنى بمختصر المفيد الرطانة وبس اما غير كده مافى ودى حقيقه معروفه لكل السودانيين الغير نوبه . ما معنى كدذه انو السودانيين الغير نوبيين انو ما سودانيين لكن بدون زعل ما اصليين .
نرجع الى التاريخ اللى بتتكلم عنو دولة دارفور عن عمرها كم سنه 500 سنة طيب انا بكلمك هسع عن 10 الف سنه قبل الميلاد عن المملكه النوبية التى حكمت السودان ومصر ودول كثيره جدا جدا وكانت دوله حكم ودوله حضاره ودوله علم ومش زى ناس قرعتى راحت مشكله السودان حكمو كل من هب ودب علشان كده مشاكلو كتيره جدا جدا . فى النهاية ندعو الله سبحانه وتعالى ان يحفظ السودان من الخونه والاعداء داخل السودان وخارج السودان انك سميع مجيب الامبراطور سودانى متعصب للغاية للسودان

سلام للجميع يا الغريب انا ما عندى اعتراض ان يكون نائب الرئيس من دارفور او اى منطقه اخرى فى السودان انا قصدته يجى بالانتخاب وليس بسلاح طال ما فى انتخابات قريبه جدا جدا جدا و بختار الشعب فليكون من اى حته فى السودان الامبرطور