سياسية
شبيه سلفاكير يعلن إنضمامه للمؤتمر الوطني – صور
أعلن القيادي بالحركة الشعبية بولاية القضارف الأستاذ قمر حسن الطاهر شبيه رئيس الحركة سلفاكير ميارديت أعلن انضمامه للمؤتمر الوطني أمام الأستاذ محمد احمد الهادي نائب رئيس المؤتمر الوطني ، وأكد الاستاذ قمر حسن الطاهر ان إنضمامه للمؤتمر الوطني جاء قناعة بانه الاقدر والاحق بقيادة البلاد خلال المرحلة القادمة بجانب الاقتناع بأطروحات المؤتمر الوطني الشاملة وبرامجه الرامية لوحدة اهل السودان وتحقيق التنمية المستدامة في كل ربوع البلاد . ووصف قمر حسن الطاهر الحركة الشعبية بالفشل من خلال ممارسته العمل معها طيلة الفترات الماضية . واشار باستيلاء الشيوعيين على مقاليد الحكم في قطاع الشمال لتنفيذ اجندتهم الخفية عبر الحركة الشعبية ، كما اشار لعجز الحركة الشعبية عن تحقيق ايما انجاز تنموي ملموس يشفع لها في الانتخابات القادمة . واضاف قائلاً انسحبنا من الحركة حتى لا نشارك في الفشل الذي حاولنا معالجته ولم نستطع نسبة لسطو اليساريين على قطاع الشمال بالحركة الشعبية وبحسب صحيفة آخر لحظة اكد قمر اكتساح المؤتمر الوطني للانتخابات بالقضارف المقبلة متنبئاً بان الحركة لن تحصل الا على النزر اليسير .
ويا قمر …
اين جبهة الشرق ..؟ ومؤتمر البجا ….و …. و …..
ماخليت حزب ما إنضميت ليهو ….
بس فضل ليك نمور التاميل فقط … وديل كمان اليومين دول نهايتهم
الله يوفقك
بسم الله
يخلق من الشبه اربعين
شبه بنسبة 65% لكن — ياقمر دورين انا شفتك وين
انا عايز انضم للمؤتمر الوطني …. اعمل ايه للانضمام وبشرط اصبح وزير وحد الله بين وبين المال العام ….
شبيه سلفاكير ؟
خلاص يا هاني شاكر و تامر حسني
يا عالم ما ترحموا انفسكم شوية يطلع منو دا ولا خلاص تعملوا من الحبة قبة مؤتمر وطنى شنو وحرامية شنو هو العملتوا بالناس شوية اديتو كم شبيه سلفاكير دا ومن حق منو والله لن تقيم لكم قائمة اذا ما رجعتو من الاعمال البشعة دى هو انتم قايلين الشعب زى زمان لا والله الشعب بقي واعى جدا وبعرف مصلحتو اكتر منكم انتم.
طبعا كعادة السطحيين وضيقي الافق كلكم بتغالطو ومعترضين على أنه هو منو اصلا قمر الطاهر .
لكن للاسف ، ده ما الموضوع .الشي المهم انه ده مواطن سوداني -بغض النظر عن انه جنسه شنو ولا قاري شنو ولا شكله كيف.-غير انتمائه السياسي لاسباب موضوعية ومنطقية .
.للاسف بقت في سطحية و ضحالة تفكير مبالغ فيها عند السودانيين عمووما ،بالذات ناس ابو محمد و ود العرضة .
وبالنسبة لي نصر البلولة القال شاف الزول ده وين ،انا اوريك .الزول ده انا قاعد اشوفه في مكتبة قصاد مكاتب الاحصاء في شارع اااااااااااااا، ماعرفت اسم الشارع .لكن ده الموقع بتاعه. الشارع بتاع واحة الخرطوم داك.