سياسية
سعاد الفاتح: التلفزيون قاعد للطقطقة والغناء والرقيص
واتهمت السودانيين الذين تتم استضافتهم في بعض القنوات الفضائية بتشويه صورة السودان وأضافت: “يقولون ما يقولون ولا يجدون من يرد عليهم بردود واقعية” وانتقدت وزارة الإعلام واتهمتها بالعجز وقالت: “ختتنا في ركن وحصرتنا بكلام الورش والندوات” واعتبرت سعاد في البرلمان أمس، أن ضراع البلاد أصبحت مهيضة وطالبت بمراجعة سياسيات الإعلام لأنه “ضعيف.. ضعيف” وتابعت: “ما عايزين كلام في الورق” وقالت: أول أمس سمعت أحدهم يكيل لنا سيلاً من السباب”، وأردفت: “كل من سيسمعها سيموت كمداً”، وأضافت للأسف لم يرد عليه لا وزارة إعلام ولا مجلس وزراء ولا برلمان، وقالت: “أنا ما بقول أغلقوا الأبواب ودخلوهم السجون”، ولكن البلاد في حاجة لإعلام يسقط الأصوات “الماسكة المايكرفون تنتقد بلا كتاب منير أو معلومات صحيحة”، وأبدت سعاد ضيقها من مقاطعة نائب رئيس البرلمان سامية حمد محمد التي ترأست الجلسة أمس أكثر من مرة وقالت لها: “أستأذنك سيدتي الرئيس، لكن دي كلمة حق لو ما قلناها بنخش النار طوالي، وأردفت: دا الإسلام” وطالبت بتشكيل لجنة من البرلمان لمراقبة ومتابعة وحلحلة مشاكل الإعلام.
وأبدت سعاد قلقها على أسر القوات النظامية من الجيش والأمن والشرطة وقالت إن أسر الجنود أمانة في أعناقنا لا نقوم بها إلا قليلاً وأردفت: “أنا شفت حاجات أذهلتني الإعلام ما بطلع”.
صحيفة الجريدة
ت.أ
و انتي كنتي وين يا شيخة لمن الاعلام المصري كان يكيل الشتائم و السباب( ولازال ) للسودانيين ؟ ليه ما طالبتي الاعلام السوداني بالرد؟؟ .. غايتو المعارضة هي الشجرة القصيرة اللي بتعرفوا طلوعا
حركة اسلامية !!! دي حركة ضلالية و حرامية
الشعب يموت من عدم الأكل و العلاج و كل شي في الحضيض و جايه تكلمينا انو دا الأسلام .. استحوا على وجوهكم واالله بقينا لمن نسمع كلامكم دا نخجل نيابة عنكم
يااااخ ما فيكم واحد بخاف الله في الشعب التعبان دا ؟؟ النقول موسي يطلع فرعون .. كرهتونا بكدبكم و نفاقكم الدائد عن الحد .. الشعب كلوووو عارف
انكم ما فيكم فائدة و الأسلام البتغشونا بيهوا دا اسلامكم انتو و بس ..
كلامها صحيح كل قنواتنا السودانية غبر الاغانى ما عندهمةشى — تلفزيون السودان مفروض يدخل الولايات يعكس الحاصل فيها و مفروض يقدم برامج تثقيفية للمواطن بدل الاغانى المكررة ما فى ابداع ومفروض ينشط الدراما الهادفة التى تخدم السودان مثل عرض المناطق و الصحارى و الاراضى الزراعية — بالاضافة الى تقديم برامج تحسس الشعب ان كلكم موجودين فى التلفزيون القومى وهذا لم يحصل الابتحرك كميرا التلفزيون اشيد بقناة الشروق و التى هى الان قناة السودانيين لما تقدمه من برامج و مواضيع فى مصلحة الوطن و المواطن – يا تلفزيون السودان انفض الغبار و توجه نحو الاحراش السودانية و اطرحو مشاكل البلد وقدمو الحلول عن طريق الخبراء و الله الموفق