البشير يشهد تدشين أول طائرة سودانية الصنع في 5 يوليو
أعلن المدير العام لشركة الصافات التابعة للتصنيع الحربي وصيانة وعمرة الطائرات العميد معاش ميرغني إدريس عن اكتمال وتصنيع عدد (2) طائرة من شركة الصافات (1) و(2) تم تصنيعها حسب الأجواء السودانية للتصنيع الحربي من اصل (10) طائرات صناعة سودانية خالصة وبيد فتية سودانية بمصنع الصافات . واكد المدير العام للمصنع عميد معاش ميرغني ادريس في التنوير الصحفي الذي عقد امس بأرض المدينة الصناعية بشمال امدرمان بمحلية كرري استعداد الدولة في اتجاه تصنيع الطائرات . وتوطين صناعة الطائرات بالسودان بالتنسيق مع بيوت خبرة أجنبية وسودانية في التصنيع في مجال الطيران وتوطين الصناعة بالداخل واتجاه السودان شرقاً لاكتساب التكنولوجيا الحديثة وتصنيع الطائرات الخفيفة . مثل طائرات ( الرش الزراعي والاستطلاع الميداني وطائرات الانتنوف) .وقال العميد ميرغني ان المصنع بدأ بصيانة الطائرات الروسية الصنع والطائرات المروحية ، وان المصنع يستقبل اكبر عدد من الطائرات بغرض العمرة والصيانة الكاملة داخل السودان وبحسب صحيفة الرائد يشهد مطلع يوليو المقبل افتتاح مجمع الصافات وتدشين تحليق ( أول طائرة سودانية الصنع ) بيد المشير البشير رئيس الجمهورية .
يا خوانا ما تنوهموا صرح شنو بطيخ شنو وهو الصفيحة او الكرتونة دى خلاص سميتوها صح ياناس انت والله ما تتقدمو للقيامة صرح قال صرح استغفر الله والله شىء يعمل المغص
مبرووووووووووووووووووووووووووووووووووووك للســــودان مبروك للانقاذ ولا نامت اعين الحساد
قالوا القرد في عين امو غزال .. يا اخي احنا راضين المهم صنعنا طيارة تشيلنا وتدافع عننا عاااااااد الما عاجبوا عندوا واحد من الاتنين يا يصنع لين ويشغل مخو الكبير دا
يا يشرب من موية البحر … ناس اخر زمن … الطالب زاتو في البداية تلقاهو جاب 70 نقوم نشجعوا ولا نكسر جناحوا طبعا بالتشجيع بجيب من 85 وفوق ويا عالم ممكن 100
معلومه للكل : المشوار يبدا بخطوه
عريان ولابس صديري
للمعلومية ، تكلفة تصنيع الصافات 1 هو خمسة عشرة ألف دولار 15000$ فقط !!!!!
و كفاية لحدي هنا
مبروووووووووك لهذا الصرح الذي ظل سلطان هذا الزمن الرازق يرزقنا والحاسد يحسدنا والقاصدنا يضر ررررررررررررررر الزعلان يطرشك الف الف مبروووووووووك وعقبال قمر للمريخ وباقي الكواكب علشان اي عدو للسودان نقول نرحله الى كوكب اخر نقول نحن ربنا خصص لنا هذه الارض لكن بنكرمك نوديك كوكب اخر
YES THIS KIND OF WORK THAT WE NEED
AIRCRAFTS TANKS AND SO ON GO AHEAD AND DISTROY EVERY ENEMY STARTING WITH KHALEEL AND PASSING TO ISRAEAL AND THERE ALLIES
OUR BOSS GO AHEAD WE ARE GOING BHIND YOU THE VICTORY AND THE GLORY 4 US
MAY GOD BLESS YOU SUDAN
😉 😉 😉 😉 😉 😉 😉 😉 😉 😉 😉 😉 😉
ربنا يوفق وأنشاء الله تصنيع أحدث الموديلات وللساخرين نقول مشور المليون ميل يبداء بخطوة
الاخ ابراهيم امثالك هولا هم الضيعوا السودان خليك انسان عند ك طموح ذى ما قالوا ( البنى من طوبة) خطوة خطوة لقدام
فى عهد الانقاذ المفسد سقطت اكثر من 17 طائرة مدنية حصدت ارواح خيرة ابناء الوطن منهم من قيادات النظام نفسه و .التعليم انهار لدرجة لا يمكن السكوت عليها حتى اصبح طالب الشهادة السودانية يعرف الاجابة ولا يستطيع كتابتها على الورق.انظرو للذين اغتنوا من الفساد فى عهد الانقاذ ,انظروا للشعب الجائع ,علموا و اطعموا الشعب قبل صناعة الطائرات والتى ستكون حتما بدون طيار لان صناعها لا يجرء على ركوبها.
ربــنا احميــكم و اتقيكــم و وفقكم فى كل خطوه تخطوها و سيروا و عين الله ترعاكم .
دا الكلام الجد والي الامام دائما
هلا هلا ديل الرجال البجيبوها خلينا من ناس سيدي ما عندهم موضوع الواحد فيهم فاكر الحكاية بالورثة وكان بقت على الترابي داك كان لحقنا القتس قال شيخ قال ما عليك منهم يالبشير امشي ساكت سير ونحنا وراك
دى مسخرة وضياع للمال العام اسي عليك الله دا شكل طيارة دى والله اولادنا الصغار اذا لقوا حديد يعملوا حسن منها دى كارلوووووووو شو الدول بتعمل شنو 😡
اللهم وفق كل من يريد للسودان خيرا، خبر سار والله وعقبال طائرات الجاقوار والميج لااننا احوجلها في هــذا الزمن الذي كثرفيه اعداؤنا.
ياحكومة براحة علينا خمسة كباري وسد عملاق ومصنع طيارات في شهرين؟ طيب في عيد الثورة حاتفتتحو شنو! مفاعل نووي ؟؟؟بدوكم عين
GOD BLESS U
مشوار الالف ميل يبدأبخطوه
واحنا بجد مع شكلها اللذيذ بس اكيد صوت محركها قوى
المهم ناس تأكل وتأكل اخير من ناس تاكل ولا تأكل
وعجججججبببببببببى ودمتم .
بالتقدم يزدهر السودان ويعلو وللمجد رغم كيد الكائدين نصنع طائرات وسد وكباري ماذا تظنون نرجع لاولن نرجع سوف نزيد السرعة
مجهود جبار يستاهل التشجيع والحماس ومشوار الألف ميل يبدأ بخطوة …
ربنا يوفقك وإلى الأمام دوماً لرفعة أسم السودان عالياً …
والله أكبر ولا نامت أعين الجبناء
allah akbr
شرف لينا والله كبير ربنا ينصر كل من اراد بالسودان خيرا ووفقكم الله
يا جماعه قولو بسم الله وقولو خير – وخلو الحقد ده وعند الله مافي شئ مستحيل — وانت يا دكتور محمد ده حالتك دكتور مالك ناقصاك سماعة ؟؟؟وثم تانيا حوادث الطيارات اللي حصلت من قبل دي حاجه مكتوبه وقدر ، يعني عايز تقول لو كان في حكومة غير حكومة البشير الطيارات دي ما كان وقعت ؟؟ تبقى انت ناقص في علمك يا سيد يا متعلم البحر بيشيل عوامو – ده بدل ما تقول الحمدلله والف مبرروك وربنا يزيد ويبارك لأن الله يقول وان شكرتم لأزيدنكم ، هو اصلا زي اشكالكم دي بتعمل لينا الفتن مع العالم الغربي ياخ اتحملو واصبرو على اي مشكله او فقر وابقو يد واااحده وانشاءالله بيجي يوم والسودان فوق ما تبقو متفرقين ومختلفين زي العراق واخيرا ايران — شوفو العراق يوم من الايام كان نصهم مع صدام ونصهم واقفين ضده ويمكن الاغلبية كانو ضد صدام شوفو حسي الحاصل شنو — انتو عايزين تختلفو وتتفرقو لامن دول الغرب تجيكم داخله بي قواتها وياها الدخله ومافيها طلعه وقسما بالله اذا جا يوم زي ده لا سمح الله الكان ما عايز البشير يرجع ويقول يا حليلك يا بشير ———————— جناً تعرفو ولا جناً ما تعرفو
الف مبروك والله ، ونحي وندعم كل شئ فيه تقدم ونماء للبلد ونأسف للتعليقات المعادية للبلد ونحسب أنها غير وطنية أو عميلة تخدم أغراض دنيئة.;)
ابراهيم يا حاقد اكلم زى الناس انت ما سودانى ولا شنو كلامك دايما زباله البارح قلت انا فرحان عشان الاسرائيلين كتله الفلسطنين فى غزه بالله مسلم شوف ليك دين غير الدين الاسلامى واتلمه على وستفرح قليلا وستبكى كثيرا يا يا عنصرى ا
بعد كدا أي واحد ما بكتب كلام كويس وما بسمع الكلام وما بوقع اتفاق حنركبو الصفاتيه 1 والصفاتيه 2 دي للناس أبو روحيين زي ناس فلان داك واصحابو
لما الموية والكهرباء يستعدلو فى العاصمة بس وخلو الاقاليم
اصنعو طيارات
First of all go with basic infstrcture.Second of all peace for all Sudanese, third security for all Sudanese. then do whatever you do .inshallah weapons and mass destrictuion.
فوق فوق سودان فوق طبعا والله لوكانت طياره خشب بتعجبنا وبتسرنا لأن الإنتاج سوداني ولا نامت أعين الجبناء وأقول للأخوة لا تصغرون شأن السودان المارد الذي بدأ ينطلق من قمقمه وبقول للناس البتحكي كلام ما مزبوط كيف نحرس ثروتنا لا بد من أن تحرس خيرات البلد من كل دخيل ومتعدي ونحن قادرين نعيش بالطماطم وبس معاها شوية كسرة ودمت يا سودان والي الإمام
الله اكبر و لا نامت اعين العملا الانجاز تلو الانجاز بس شوفو لينا موضوع موية الشراب بكون اوجب لقوله (ص) الناس شركاءفي 3 الماء و الهواء و الكلا وشكرا
والله يا أبو محمد تعليقك ضحكني وتخيلت العريان وهو يقدل بالصديري في سوق الكذب ،،،، قبل يومين بس وزير الصناعة بيقول حا نستورد سكر عشان نسد الفجوة والله ما تتخيلوا كمية الإحباط والألم الأصابني بعد سماع الخبر ،،، طيب معنى كدا بعد كم يوم حا نستورد صافات 2 و3 و4 ومليون عشان نسد النقص في أسرابنا من هذه القاذفات الراشات .
الله أكبر .. الله اكبر .. الله أكبر .. نحمد الله كثيرا على هذه الطفرة والتنمية الكبرى وخاصة فى مجال التصنيع الحربى وهذا شىء يثلج الصدر ومزيدا من الإنجازات ومزيدا من صناعة الطائرات المقاتلة لننا نستعد لليوم الأكبر يوم الفرقان يوم ان يفرق الله الحق من الباطل .. شكرا جزيلا لصناع هذه الثورة الصناعية الكبرى
مساكم سعيد ومبروك عليكم اول طائرة سودانية وعقبال شبكة المجاري واكوام القمامة وبائعات الشاي والمدمس–نتمنى نشوف عاصمتنا فى مقام العواصم –كفانا قفذ فوق المراحل –مازال ينقصنا شبكة طرق بمواصفات تواكب حاجة الوقت الراهن –لكن ما بطال طالما صنعنا طائرة اكيد نقدر نصنع صاروخ لردع الاعداء والتنمية تحتاج لحراسة ويد طولى—-وفقنا الله جميعا:D
ياعالم انحنا عوزين نأكل طيارات؟ كدي خلونا نشبع كهرباء وموية بعداك نصنع طائرات!!!!!:mad:
نصنع طيارات ونحن لا نزال نعاني في ابسط مقومات الحياة مثل المياه والدواء والأكل ياخي وفروا للمواطن الغلبان موية نضيفة وبعد داك انشاء الله تصنعوا اقمار صناعية هي فقط دعاية انتخابية وكذب فارغ وحسبنا الله ونعم الوكيل فيكم
I heard Mr preident is going to honor the grand openning.
The question: Is it gonna be in the air or on the ground.
الحمد لله للتقدم الملحوظ فى بلدى العزيز السودان،وارجو مزيد من التقدم، وارجو من السادة البيقولوا عيش وكسرة يخلوا النوم ويمشى ينتجوا اشان تجيهم الكسرةو الكهرباء والخ. السودان محتاج الى الوطنية قبل كل شى.
واشيد بتصنيع الطائرات فى السودان والى الامام دوما وابدا
محمد انتا والله دجال ونا بتخاف الله 000ما تنسي القبر قدام
llasf fe bad alnas ma arfan gamt al oatn taub atlao obadan talo aktbo
يا مغتربين يا الفرحانيين بي القرف ده
الفرحانين ليها شنو ؟؟ انتو لو شايفين انو الحكومه دي عامله العليها
وخلااااااااااااااص ما مقصرة ما تجوا راجعين واستمتعوا بي النعيم الفارشاه للشعب
الغني والشبعان والرويان والقروش بقت مدفقه ما عارفين يودوها وين ,,
وبقوا متعلمين ومافي جهل ..!! هاربين بره البلد بي السنين ليه ؟؟
تعالوا شوف الشعب بعاني كيف ,, حكومة الدعايات والجعجعه دي ليها الله
حسه السودان مافيه أبسط مقومات الحياه ,, لو ماعندك قروش مافي مدرسة بتقبلك
وحتعيش أمي وجاهل ,, زي ماهو الشعب حسه ,, ولو ما عندك قروش ما حتتعالج
حتموت فطيسة زي القال عليهم الترابي فطايس الجنوب ,, ولو فكرت ترفع راسك عشان تعيش زي الآوادم صدقني حكومتك دي أول وحده حتقطع راسك عشان ما تتجنن عليها
والله ليكم الله يا ناس الإنقاذ ,, ما دام في مسؤول رسمي يقول للعلن
“” والله مافي زول بحلكم مننا ,, الا تشكونا لي الله “” وتاني يوم في يظهر في التلفزيون
تهليل وتكبير والشعب شايلو ويشكر فيه
والشعب الله يحفظوا لي نشجب ونرفض و و و و و و وربنا يوفق
ثممممممممح خليكم كده