مفوضية الانتخابات تعلن فوز عمر حسن أحمد البشير بمنصب رئيس الجمهورية بنسبة 94,05 %
أعلنت المفوضية القومية للانتخابات عن فوز مرشح المؤتمر الوطنى عمر حسن احمد البشير بمنصب رئيس الجمهورية وحاز على نسبة 94,05 % ونال 5 مليون و252 الف و478 صوتا من جملة الاصوات الصحيحة البالغة 5 مليون و584 الف و863 صوتا
وقال بروفسير مختار رئيس المفوضية القومية للإنتخابات في مؤتمر صحفى عقده ظهر اليوم بقاعة الصداقة ان مرشح الوطنى البشير حصل على اكثر من نصف عدد الاصوات الصحيحة وبذا انتفت الحاجة لجولة انتخابية ثانية فيما نال مرشح حزب الحقيقة الفيدرالى فضل السيد عيسى شعيب على 79 الف و779 صوتا بنسبة 1،43 % .
وقال الأصم ان نسبة المشاركة بلغت 46،4% حيث بلغ عدد المسجلين 13 مليون و126 الف و989 ناخبا فيما بلغ عدد المقترعين 6 مليون و91 الف و412 من خلال 6 الف و911 مركزا فيما بلغت عدد اللجان 10 الف و942 لجنة .
ونال مرشح الاتحاد الاشتراكى السودانى فاطمة احمد عبد المحمود 47 الف و653 صوتا بنسبة بلغت 0،85% فيما نال محمد الحسن محمد الحسن حزب الاصلاح الوطنى 42 الف و399 صوتا بنسبة بلغت 0،76 % فيما نال عبد المحمود عبد الجبار رحمه الله حزب اتحاد قوى الامة 41 الف و134 صوتا بنسبة بلغت 0،74%
وقال الأصم ان حمدى حسن احمد مستقل نال 18 الف و43 صوتا بنسبة بلغت 0،32 % ، ومحمد احمد عبد القادر الارباب (مستقل) نال 16 الف و966 صوتا بنسبة بلغت 0،30% ، فيما نال مرشح حزب العدالة ياسر يحى صالح عبد القادر على 16 الف و609 صوتا بنسبة بلغت 0،30 % فيما نال خيرى بخيت خيرى مستقل على 11 الف و852 صوتا بنسبة بلغت 0،21 % ، ونال المرشح المستقل عادل دفع الله جابر على 9 الف و435 صوتا بنسبة بلغت 0،17 % ، فيما حاز محمد عوض البارودى مستقل على 9 الف و388 صوتا ، بنسبة بلغت 0،17%
واوضح رئيس المفوضية مختار الاصم ان المرشح المستقل اسد النيل عادل يسن الصافى نال 9 الف و359 صوتا ، بنسبة بلغت 0،17 % ، فيما نال علم الهدى احمد عثمان محمد على 8 الف و133 صوتا بنسبة بلغت 0،15 % ، فيما حاز احمد الرضى جاد الله سليم ( مستقل ) على 7 الف ، و751 صوتا بنسبة بلغت 0،14 % ، فيما نال المرشح المستقل عصام على الغالى تاج الدين على 7 الف و587 صوتا ، بنسبة بلغت 0،14 % فيما نال المرشح المستقل عمر عوض الكريم حسين على على 6 الف و297 صوتا بنسبة بلغت 0،11% .
سونا
مبرووووووووووووووك علينا البشير, انا كنت قلقان شديد وخايف انو مايفوز لأنو المنافسة كانت صعبه شدييد ..
مبرررررررررررررروك عليك ياابو نا البشير
والله ما شاء الله …. ده نسبة تشبه نسب الطلاب الجالسين للدخول للجامعات ….
طبعا النسبة ده والتى فشل فيها عمر البشير عندما جلس لإمتحانات الشهادة السودانية …تجعل منه غصبا عن الكل رئيس حتى الممات ……
كيف سوف تسير البلد …. لا يعقل أن تكون الساقية السودانية تلف حول نفسها منذ 1956 … إذ لا جديد غير الحرب والدمار …
بلد حدادى مدادى لا نستحقه بكل صراحة ، مياه فوق الأرض وتحت الأرض ، الخبز فى ازمة
… الناس تكابد فى الحصول على ساندوتش فلافل
الأزمة سوف تستفحل بما هو أعنف من السابق
السلاح يلعلع فى أطراف وداخل الولايات …
ما في غيرك ، خلي الجماعة يجعجعوا ويلقوا العافية.
والله لكن مفاجأة من العيار الثقيل
مبروووووووووووووووووووووك عليك الاتبخانات وكتر من العصييييدة
ههههه الاتبخانات )×
جاري التعرف على ال 5.95% اللي ما صوتوا للرئيس وسوف تتم محاكمتهم واعدامهم بميدان عام حتى يكونوا عبرة للبقية ويكون درس واستعداد للانتخابات الجاااية……… بيني وبينكم السبب وجيه
النتيجه معروفه سلفاً كان توفروا قروش الانتخابات لتنظيف العاصمه
ههههههههههههه حلوة منك يا مفوضية من 13 مليون يصوتو 6 مليون اها ال 7 مليون مشي وين ،، ثم ثانيا كيف البشير يفوز بي 94% ما تخلو احسن كالعادة 99.99%
مليون مبرووووووووووووك وإن شاء الله نشووووف الجديد المفيدددد وربنا يكفيني شر القديم
ياريت اعمل خير ويتخلص من كل المنافين والمنتفعين ويهتم بالشعب واللة السعب السودانى مايستاخل البهدلة والجوع والمرض فقط عايزين تععليم تعليم مجانى عير مسيس علاج مجانى حقيقى لكل الشعب انو المسولين انزلو الشارع اتلمسو حاجة المواطن بدون كمرات واللة واللة سوف تسالون جميع الشعب السودانى امام اللة هل من مجيب هل من اخد خايف من اللة العلى القدير اتمنى انو الاخ الرئيس عمر البشير يصلو التعليق شفنا فى بعض الدول من دون زكر اسماء انو الروساء المواطن همهم الاول والاخير
يا أخي إسم الجلالة يكتب هكذا (الله ) بدون التاء المربوطة.
شكرا اخى الرشيد على التصحيح انو بسبب السرعة فى الكتابة
يالاصم نسبة المشاركة الحقيقية اقسمها على اربعة ومبروووووك ليك يابشة وعقال الف سنة .
بسم الله الرحمن الرحيم
مبـــــــــــروك والف مبروك
وطنــــــــــــــــــــــــــــــــى
الف مبروك يا بشبش وعقبال المئة سنة
زمان لم كنا شباب الجماعه حرضونا ضد النميرى وكانت انتفاضة ابريل ….وبعدها عينك ماتشوف الا النور جانا الصادق وشربنا الشاى بالتمر وقلنا ياحليل النميرى ….؟
اها ياشباب هسه انتو بتسخروا من انتخاب البشير وبكره البشير لم يفوت .واجيكم ناس قريعتى راحت التمر بالبشربوا بيهو الشاى زاتو ماحاتلقوا وترجعوا تقولوا ياحليل البشير ..؟
وياها دى الساقيه المدوره من زمن الانجليز فاتو البلد …حكم مدنى بعدو حكم عسكرى وبعدو مدنى وهكذا…وكل واحد اجى اكون اسوا من الذى مضى الى ان تقوم القيامه .
الف مبروووووووووك للسودان مع التمنيات ان ينعم السودان بالخير والامن ..
المرحلة القادمة تحتاج للوقفة الصلبة فليتكاتف الجميع من أجل الوطن الكيان
الخبر دا مفاجاة لكل السودانيين. هاهاها
أصلو ما معقول….بالله فاز على فاطمة عبد المحمود؟!!
كيزان جرزان الله ينتقم منكم
تعقيب على ود الريف.
الظاهر إنك من المغتربين لأنه في السودان مافي خبز وفلافل، بل رغيف وطعمية، الواحد يعيش في السودان أكثر من عشرين سنة ويهاجر إلى دول الخليج سنة سنتين تتغير لهجته (سيارة – فلافل – خبز – بنشر – دق ليه …….) وين راحت اللهجة السودانية.