صفر سيزيف

انا رجل مولع بالاساطير كولع الدماعة بالمواسير فحبي للمريخ امتدادا لحبي للفنتازيا والخارق من الحكايا والاثار وما صنع الخيال
والاسطورة التي تحكي عن سيزيف وكيف انه قد خلد في العذاب ابد الدنيا لما حكمت عليه الالهة بحسب الاسطورة ان يحمل صخرة ليضعها علي قمة الجبل ويتعب في ذلك تعبا شديدا حتي اذا ما اقترب تدحرجت الي الارض فينزل ليحملها من جديد
لكني وجدت ان الهلال يفعل ذلك ايضا في عذاب ابدي بلغ الي الان عمرا مديدا وهو لا يزال يحمل صفره ليبدله بكأس خارجي فاذا ما اقترب مرة او مرتين تدحرج صفره كالمعتاد فحمله من جديد بتصميم جديد ونصب جديد ولا يزال كذلك (كقابض علي الماء خانته فروج الاصابع)
وقد تسرب الينا بعض من مفاوضات الدماعة مع اجانب لسوقهم للاحتراف معهم
*كابتن…. نريدك ان تتعاقد معنا
-من اين انتم
*من السودان
_اووو هامد بريمة
*لا لا ياخ حامد بريمة ده مع فريق تاني
– يس يس جمال والي
* نو نو جمال في فريق تاني
-وي وي كاس كؤوس افريقيا
* لا لا داك فريق اخر
– اي سي ..عصام حضري واتوفستر
* (بضحكة خجولة) لا لا والله ديل تبع الفريق التاني
*اي نو اي نو..غلبتوا الترجي ..خطرين وديتو ترجي كونفدرالية
* باضطراب… لا .. لا … ده الفريق المنافس لينا ..ودعمنا لزم والله
– عرفتكم انتو الفزتو بسيكافا اخر مرة؟
*(مع عرق ) والله ابدا… بس نحن نادينا جنب ناديهم
– اوع يكون انتو ا بتاع سفر دولي كابييير
*…………………….
كلما قرأت عناوين الصحف الوصيفية المازيمبية الترجية العظمي عن محترف من العيار الثقيل رجعت الي الارشيف فوجدتها عناوين كاربونية ما يقال عن البرازيلي اليوم قيل عن الاثيوبي بالامس تتعدد الاسماء والتمسور واحد… حتي انهم يفرحون ان خطف منهم ناد كبير لاعبا رصدوه كما فعلوا مع برازيلي العام الماضي ذهب الي الترجي .. عندنا واحد شوكشوه فقال لنا انتوا قايلين الحبيتها مشت لزول هوين والله ده عندو عمارتين ومحضر دكتوراة عنوانها( كثرة الاسفار لا تذهب الاصفار) ويشكر لينا الزول التقول ولدو
في عالم المخابرات هناك بصمة العين وبصمة الاذن فشحمة الاذن لا تشبه غيرها..في الاندية البصمة ببطولة غير كده بيعرفوك…
وبنكتب عن الموضوع ده ليه اليوم ..علشان نمهد للناس الطيران … زي نكتة الزول القال لمرتو في التلفون (كديستك ماتت) قالت ليه انت ليهقاسي كده مفروض تدرج لي الموضوع ده تقول لي طلعت في السقف…ووقعت..وكسرت كراعها..وانتكست..وماتت… يوم مرتو ضربت ليه بتسأل عن امها..قال ليها (طلعت في السقف)
طبعا الهلال من يطلع دور المجموعات معناها طلع السقف…انا بفتكر اغنية اقع اتوقع ده مكتوبة عليه..كلما يهبط مع الصفر تطللع اغنية هابطة
بردلب اقع..اقع اتوقع