اغدا القاك

في غد يعرف عنا القادمون
اي حب قد حملنا لهم
كل جرح في حنايانا يهون
حين يغدو ملهما غنا لهم
(صلاح احمد ابراهيم)
وكل من قال يا حبيبي افتكرتو يشير اليك…ويغني الغني وليلانا واحدة
وفي غد نقابل المريخ
اسرع ايها الغد
تعجل
فنحن علي اهبة
علي شوق
في صفوف العطاشي عند مشرع السقاة
نحضّر في كلام الريد وكيف نبدا ونقول ليكا
ودايما لهفة الاشواق تنسينا وتنسيكا
وفي غد نتجمع عند ناصية شارع النصر
ونتضوع بعطر الاماسي
اييه يا دكتور عمر محمود
اتاريك بتشيل جاهز
وحده المريخ من عنده الفرح (سفري)
تاخذه الي بيتك وعيالك
وفي غد عند قمر رمضان نلتقي
ومن اجمل الاشعار ننتقي
لسيد السماحة وسيد الساحة
ودكتور الجراحة
ايها المريخ انتظرنا
من كل اتجاه ناتيك ونتلم فيك
حيثيطيب لنا الغناء ويحلو لنا الفناء
ونملأ الدنان
ناتي لصلاة الصبح سكاري بنصرك
نقرب الصلاة مخمورين بفرحك
ولا تثريب
لا يهم العلمة
فان العلم هو المريخ
والنار نحن
فاذا المريخ علم علي راسه نار
يا قسيم الريد جايينك
وياوسيم الطلعة انتظرنا
نملأ الدروب البتودي ليك
ونهتف بهتافنا النشيد
لما الخلوق تصفي وتروق مريخنا فوق مريخنا فوق
كما هتفبها الزبير يوما (اعني بالزبير الزبيرين)
عوض الكريم الشاعر في الياذة المريخ يا بت فرح
والزيبر محمد صالح يوم جاء المريخ بكأس الكوؤوس
يا لا يامك الماجدات وصولاتك الخالدات ومواسم افراحك
ايها المريخ يا بعض النفس وكل الروح
منك وين نروح
وفي جحافل احبابك عاوزين نروح
فرد علينا نصف وعي لنتعرف علي سواك
وغدا نلقاك و(نفتوا) معاك
يا من (ننهمك) كالعوام مع الشيوخ
يا عصيرنا وعصرنا وعصارة المجد
وعاصر الخصوم
يا من عندك يصفي الزيت ويتبين مابين ليل غيرك وفجرك الخيط
ندق بابك
ويسلم شبابك
والعجائز الذين يتوكون علي العصي والذكريات
ايه الجوائر وانت بحر لجي
ايه شباب العلمة وياتيك حبا وحبوا شباب مدني
ولله لي مدني يا شباب مدني
ممسكا بنوبة وسيرها يحز علي عنقي تلك امنيتي
واضرب عليها مع ناس احمد الدويم وغيره
او اخلع قميصي كمجنون الالتراس الذي يعطي ظهره للملعب
فجماهير المريخ في مريخها ما بتلعب
وغدا كما تعودت وتعودوا وعودونا ياتون تامين لامين
يعود بعضهم لانه لم يجد مكان
لكنه يرابط خارج المكان
غدا لا وست ولا كونكان
غدا الكل في امدرمان
حيث المريخ يفوز
فان كانت السيول لا تترك خيرانها فان المريخ لا يترك انتصاره
ولا يخذله انصاره
مسكين العلمة
من هابط للاهط
والمريخ لهاط